Pʉɔ-Lɔ́mɑ 3:27 - Kɑɑ Fí

²⁷ Tɛ ɛ́ pɑ́Ꞌɑ yɛcɔ́ yúu mi mbɔ ŋumɛsɔŋ pɛn ńdɔk ŋ́ŋɑ́Ꞌtɛ pɔ́ ɡú? Ŋɡɑ́ŋ ɛ́ kɑ́ pɛn ḿbɔ́ ɡú pɔ́ kɑ́ɑ yɛcɔ́ yúu. Pɔ́Ꞌɔ, mɛlɑ́Ꞌ kʉ̈ɔ́? MbíꞋŋɡɔ yúu mi Sɛ́ zẅíꞋlɛ́nɛ, kɑ́ pɔ́ pɔ ŋu nɛcú ŋɡɔ ɑ ɡɛ yúu mi nɛpʉ́ʉ sɛ́ píkŋɛ pɔ́, ɛ́ pɔ́ pɔ ŋu nɛzɑ́p tʉ́m yɛ́ nǔu Yɛ́su.

Pʉɔ-Lɔ́mɑ 3:27 Referans Kwoze

Pʉɔ-Lɔ́mɑ 2:23

Gu ẅi ɔ sɛ́ ŋ́ŋɑ́Ꞌtɛ tɛꞋ ŋɡɔ ɔ jí nɛpʉ́ʉ-Sɛ́, ḿbɛn ɛ́fɑɑnɛ nɛpʉ́ʉ ɛ̂nɑ́, ɔ lɔk pɔ́Ꞌɔ, ńzɔɔtɛ Sɛ́.

Pʉɔ-Lɔ́mɑ 4:2

Ɛ́ kɑ pɔ́ pɛ́Ꞌɛ Sɛ́ pɔ́ ńcú ŋɡɔ ɑ ndʉ́ŋndʉŋ mbi wɛ́, ɛ́fú pɔ nǔu mɛfɑꞋ sʉ́Ꞌnɛ mɛ́, mbɔ ɛ́ lɑ́ɑ ḿbɔ́ ɑ lɔk ŋ́ŋɑ́Ꞌtɛ, lɑ́ wɛcɔ́ nɛpɔ́ ẅi mbɔ ɑ lɔk ŋ́ŋɑ́Ꞌtɛ mbi Sɛ́ ɛ́ kɑ́ pɔ́ ɡú pɔ́.

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

Pʉɔ-Lɔ́mɑ 2:17

Ɛ́ ɡʉ nǔu ɡu, ɔ sɛ́ ńniitɛ ńcú ŋɡɔ ɔ ŋu-Pɑyúdɑ, ŋɡɔ ɔ fú nǔu pɑ́Ꞌ ɔ kúꞋlɛ́nɛ nɛpʉ́ʉ pɔ́Ꞌɔ, ḿbɔ́ ŋu-Sɛ́,

Pʉɔ-Lɔ́mɑ 7:21

N dɔk pɔ́Ꞌɔ, ńjʉ́ɔ ŋɡɔ ŋɡɔŋ ŋkɑ́ tsʉʉ, ŋ ɡɔ mɔ ŋ́ɡɛ nu sʉ́Ꞌnɛ, nɑ́ɑ nɛpʉ́ʉ pɔ́ ŋɡɔ ŋ ɡɛ pɔ nu kɛpɔŋ.

Ŋɡɑlɑ̂t 2:16

Lɑ́ pɛk kɛ́ ḿbɔ́ ńjí ŋɡɔ ŋumɛsɔŋ kɑ́ ɡɔ́ ḿbɔ́ ndʉ́ŋndʉŋ mbi Sɛ́, ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ-Sɛ́ pɔ́. Ɛ́ píkŋɛ pɔ ŋɡɔ ɑ zɑ́p tʉ́m yɛ́ nǔu Yɛ́su Kɛlístɔ. Ɛ́ yúu mi ɛ́ kɑ ɡɛnɛ pɛk ɡúu zɑ́p tʉ́m yɛ́k nǔu wɛ́, pɑ́Ꞌ pɛk ɡʉ ḿbɔ́ pʉɔ pi Sɛ́ kɑ́ pɛ́t ńdíŋɛ wɔ́p pɑ́Ꞌ pʉɔ pi pɔ́p ndʉ́ŋndʉŋ pɔ́. Ɛ́ kɛ́ ɛ́fú pɔ nǔu pɑ́Ꞌ pɛk zɑ́pnɛ tʉ́m nǔu Kɛlístɔ, tɛ ɛ́ pɔɔ pɔ́ pɔ ŋɡɔ pɛk kúꞋlɛ nɛpʉ́ʉ pɔ́, mbíꞋŋɡɔ Sɛ́ kɑ zɛɛnɛ ńcú ŋɡɔ sɑ̌ɑ ŋu kɛ́ lɑ́Ꞌ ŋɡɔ ŋ́kuꞋ nɛpɔ́ ndʉ́ŋndʉŋ mbi wɛ́ ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ pɔ́.

1 Kɔlɛ̂ŋtɛ 4:7

Kʉ̈ɔ́ zɛɛnɛ ŋ́ɡɛ ɔ kwɑŋɛ ŋɡɔ ɔ lɛɛ pɛcɔ́ pʉɔ? Ɔ ɡẅɛɛ kʉ̈ɔ́ tɛ ɛ́ pɔɔ pɔ́ pɔ yi Sɛ́ kɑ ɡɑ́nɛ mbɔ̌ ɡu pɔ́ ɔɔ? Ɛ́ lɑɑ ḿbɔ́ yi Sɛ́ kɑ ɡɑ́ mbɔ̌ ɡu ɡɑ́nɛ, mbɔ ɔ pɛn ńdɔk ŋ́ŋɑ́Ꞌtɛ pɔ pɑ́Ꞌ ŋkɑ́ yi Sɛ́ ŋkɑɑ ɡɑ́ mbɔ̌ ɡu ɡɑ́nɛ pɔ́ mɛlɑ́Ꞌ kʉ̈ɔ́?

Pʉɔ-Lɔ́mɑ 11:6

Ɛ́ lɑɑ ḿbɔ́ yi Sɛ́ kɑ ɡɑ́ fuꞋ fɛ̌ɛ yɔ́p, ńtsɔ́Ꞌ wɔ́p, mbɔ ɛ́ kɑ́ pɔ́ ńdɔk ḿbɔ́ ŋɡɔ pɔ́p kɑ ɡɛ yɛcɔ́ yúu sʉ́Ꞌnɛ pɔ́. Sɛ́ kɑ pɔ́ pɛ́Ꞌnɛ ɛ́fú pɔ nǔu yúu sʉ́Ꞌnɛ yi pɔ́p ɡɛnɛ lɑ ńtsɔ́Ꞌ wɔ́p, ḿbɔ́ mbɔ pɛ́ pɔɔ pɛn ŋ́ɡɔ ɑ ḿbɔ́ ńdɔk ŋ́ɡɑ́ fuꞋ fɛ̌ɛ yɔ́p pɔ́.

Pʉɔ-Lɔ́mɑ 10:5

Pʉʉ zúꞋ yúu mi Mɔ̌sɛ̂ɛ kɑ ŋwɑꞋnɛ́nɛ nǔu nu-sɛ̂ndúŋ ẅi ŋu ɛ́fú nǔu pɑ́Ꞌ ɑ ɡẅɛɛnɛ nɛpʉ́ʉ, ḿbɔ́ ndʉ́ŋndʉŋ mbi Sɛ́. «A kɑ cú ŋɡɔ: Ŋu lɑɑ ŋ́kúꞋlɛ nu tsʉʉ yi nɛpʉ́ʉ kɑ cúnɛ, lɑ́ mbɔ ɑ ɡʉ ńdúꞋnɛ nɛpʉ́ʉ lúꞋnɛ́nɛ»

Pʉɔ-Lɔ́mɑ 9:32

Pɔ́p ŋkɑɑ kuꞋ pɔ́ mɛlɑ́Ꞌ kʉ̈ɔ́? Ɛ́ kɑ pɔ́ mbíꞋŋɡɔ pɔ́p ŋ́kɑɑ ḿbɔ́ ŋ́kwɑŋɛ ŋɡɔ pɔ́p ɡʉ ńzɑ́p tʉ́m yɔ́p nǔu Sɛ́ lɑ jʉ́ ɡɛnɛ pɔ́p pɔ́ ndʉ́ŋndʉŋ mbi yɛ́ pɔ́, pɔ́p kɑ pɔ́ ńcú pɔ ŋɡɔ pɔ́p ɡʉ ŋ́ɡɔ́ ḿbɔ́ ndʉ́ŋndʉŋ mbi Sɛ́, ńdɛɛ pɔ nǔu mɛfɑꞋ mɔ́p. Pɔ́p ɡɛ pɔ́Ꞌɔ, ŋ́ɡɔ́ɔ ŋ́kɛ́ ńtɛ́m ku yɔ́p nǔu ŋɡɔꞋ yi pɛ́ kɔɔtɛ́nɛ nǔu ḿvu sɛ́.

Pʉɔ-Lɔ́mɑ 9:11

Sɛ́ kɑ cú mbɔ̌ Lɛbɛ́kɑ ŋɡɔ, nduŋmbi mɔ́ɔ ɡʉ ŋ́ɡɛ ɛ́fɑꞋ mbɔ̌ wɛ nzʉʉ. Sɛ́ kɑ pɔ́ ńcú pɑ́Ꞌnɛ, mɑ́ wɔ́p pɛ́t pɔ́ shǔutɛ nǔu pɔ́p, mbɔ ɑ ŋ́kɑɑ pí wɔ́p lɑ pɔ́p jí nu sʉ́Ꞌnɛ kɛ yi kɛpɔŋ ɔɔ. Sɛ́ kɑ ɡɛ pɑ́Ꞌnɛ nɛlɔk ńnyɛt ŋɡɔ ɑ nɑ́ŋ ḿbɔ́ ŋ́ɡɛ pɔ yúu mi jʉ́ Sɛ́ sɛ́ ŋ́kɔŋ. A pɔ́ ŋ́ɡʉ tsɛtsɛt pʉɔ ńtsɔ́Ꞌ ŋu wɛ, mbɔɔ ɛ́fú pɔ́ nǔu nu sʉ́Ꞌnɛ yi ŋɡɑŋ ɡɛnɛ pɔ́.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

Pʉɔ-Lɔ́mɑ 7:25

Sɛ́ ɡʉnɛ ńtɔ́ tsɛtú ńcẅɛɛtɛ wɑ́ɑ. Ńdɛɛtɛ nǔu Tsɑpʉɔ wɛkŋɛ Yɛ́su Kɛlístɔ, ɡúꞌlɛ pɔ́ mbɔ̌ wɛ́. Ɛ́ pɔ́Ꞌɔ, jínu yɑ́ɑ pɔ́ ɛ́sẅíi wɑ́ɑ ŋɡɔ mɔ ɡẅɛɛnɛ nɛpʉ́ʉ-Sɛ́, lɑ́ mbɑp-mbʉʉ-ŋumɛsɔŋ yi ŋ ɡẅɛɛnɛ pɔ́ ńtsʉ́ʉnɛ wɑ́ɑ ŋ kúꞋlɛ pɔ nɛpʉ́ʉ-nu kɛpɔŋ.

Pʉɔ-Lɔ́mɑ 7:23

Lɑ́ ɛ́ ɡʉ tsɛt mbʉʉ yɑɑ, n jʉ́ɔ nɛcɔ́ nɛpʉ́ʉ pɔ́ ɡú, ni ɛ́ nɑ́ŋnɛ ńdɔk ntsɔ ḿmɑꞋ nɛpʉ́ʉ ni jínu yɑ́ɑ tsuŋnɛ ḿbɛ́m, ŋ́ɡɛ n tsʉ́Ꞌ ŋɡɑŋtsɑ́ŋ-nɛpʉ́ʉ nu kɛpɔŋ ni ɛ́ kɑ jʉ́ mɔ́ wɑ́ɑ.

Pʉɔ-Lɔ́mɑ 3:19

Mɔnɛ mɛnu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-nɛpʉ́ʉ-Sɛ́, pɛkŋɛ pɛn ńjí ŋɡɔ nu tsʉʉ yí nɛpʉ́ʉ cúnɛ, m biitɛ ńcú mbɔ̌ pɑyúdɑ pi nɛpʉ́ʉ ɛ̂nɑ́ sɑ́Ꞌnɛ wɔ́p. Pɑ́Ꞌ pɔ́p pɛn ḿbɔ́ yɔ́p pɔ ɡɑŋ-mɛfɑɑnɛ lɑ́, ntsu mbɑ wɛ́tɛ́ ŋumɛsɔŋ lɑ́, ɡʉ ńjʉ́ɔꞋnɛ, mbɑ wɔ̌ lɑ́ pɛn tʉ́ʉ mbi Sɛ́ ḿbɔ́ pɔ ŋu ẅí ɑ vunɛ ntsɑŋ.

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

Mɑ́lɛ́kúshi 16:16

Ŋu ẅí ɑ pɛ́mnɛ, pɛ́ nuꞋ wɛ́ ŋki, Sɛ́ ɡɛ ɑ luk. Ŋu ẅí ɑ lʉꞋnɛ nɛpɛ́m, ɑ ɡʉ ńdɑ́Ꞌ ḿvu ntsɑŋ.

Pʉɔ-Lɔ́mɑ 3:26

A kɑ pɔ́ ŋkɑ́ ɛ̂yɑ́ ḿbɔ́ ɛ́sʉk sʉknɛ ńzẅíꞋlɛ, lɑ́ ɛ́ ŋkɔ̂ɔnɛ, Sɛ́ nyɛt ŋɡɔ ɑ ndʉ́ŋndʉŋ, ḿbɛn ńnyɛt ŋɡɔ ɑ líŋɛ ŋu ẅí ɑ zɑ́pnɛ tʉ́m yɛ́ nǔu Kɛlístɔ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 9:31

ŋ́kɛ́ ŋ́ɡʉ nǔu Pɑíslɑyɛ̂l pi pɔ́p kɑ pɔ́ ńdɔɔ nɛfú pɔ nǔu nɛkúꞋlɛ nɛpʉ́ʉ-Mɔ̌sɛ̂ɛ ḿbɔ́ pʉɔ pi pɔ́p ndʉ́ŋndʉŋ mbi Sɛ́, mbɔ pɔ́p ŋkɑɑ kuꞋ, wɔ́p sɛ̂ndúŋ pɔ́p mɔ́p ncẅɛtnɛ ndɑ́ nɛpʉ́ʉ ŋkɑɑ kɛ́ ḿbuutɛ pɔ́.