Pʉɔ-Lɔ́mɑ 2:5 - Kɑɑ Fí

⁵ Ɔ sɛ́ ńdʉꞋ nɛzúꞋ nu, ɔ kɑ́ pɔ́ ŋ́kɔŋ nɛkúpmɛ mɑt wu pɔ́, ɔ lɔk pɔ́Ꞌɔ, ɛ́fúŋ mɑ́mɑ́ ŋɡʉ̈ɔ́Ꞌ yi Sɛ́ ɡʉ ŋ́ɡɛ ńníꞋ tú ɡu, nǔu lɛ́Ꞌ yi ɑ ɡʉ ńdɑ́Ꞌ ḿbɔ́ ńníꞋ ŋɡʉ̈ɔ́Ꞌ tú-pʉɔ. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́ pɛ́ jʉ́ɔ pɑ́Ꞌ Sɛ́ ŋɑknɛ mɛnu mi ɛ́ sɛ́ ḿbíkŋɛ.

Pʉɔ-Lɔ́mɑ 2:5 Referans Kwoze

Pʉɔ-Lɔ́mɑ 1:18

Sɛ́ zɛɛ ḿbɔ́ tʉ́nɛ́pú ḿbɔ́ ńnyɛt ŋɡɔ ɑ sɛ́ ńzɑ́ŋ lɔ́ŋ, mbíꞋŋɡɔ pʉɔmɛsɔŋ muŋɛ wɛ́, ńnɑ́ŋ ŋ́ɡɛ mɛnu kɛpɔŋ. Pɔ́p sɛ́ ńdɔk ŋɡɛnɛ mɛnu kɛpɔŋ mɔ́p ɛ́fɛ́mɛ nu nɛ́nẅín nɛfɑꞋ fɑꞋ. Sɛ́ sɛ́ ńníꞋ ndɔɔ tú pɔ́p,

Jẅidɛ 1:6

Pʉʉ kẅíitɛ pɛcʉ̈ɔ́Ꞌ-Sɛ́ pi pɔ́p ŋkɑɑ kɔŋ nɛnɑ́ŋ zʉꞋ yi Sɛ́ kɑ tíknɛ wɔ́p zúꞋu pɔ́, ńnɑ́ zʉꞋ yi pɔ́p kɑ pɔ́nɛ. Pɔ́Ꞌɔ lɑ́ Sɛ́ cʉŋɛ nɛ́ mɛcɛ̂n tɛ ndɑꞋ zʉꞋ yi nzɛ́nzʉ́ʉ zúꞋu, pɔ́p zúꞋu ḿbɔ́ ńzẅíꞋlɛ lɛ́Ꞌ ɡwɛ́ yi ɑ ɡʉ ńdɑ́Ꞌ ńzɑ́Ꞌ mɛtsɑŋ.

2 Pyɛ̂ 3:7

ŋ́ɡʉ nǔu nɛfɑŋ ŋkɔ̂ɔnɛ, mbɑ tsɛ́tsɑ́Ꞌ ŋkɔ̂ɔnɛ, mbɔ yîyɑ́ Sẅiŋɛ lẅɛꞋ wɔ́p lẅɛꞋnɛ ńdɔk ńzẅíꞋlɛ lɛ́Ꞌ yi Sɛ́ ɡʉ ŋ́ɡɛ ŋ́ŋɑk pɛɡɑŋmbuu pɛ́. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́, múk ɡɛ tʉ́nɛ́pú pɔ́p tsɛ́tsɑ́Ꞌ tɛmtɛ ńdɑ́kŋɛ.

Ɛ́bɛlʉʉ 3:15

Pɑ́Ꞌ ŋwɑꞋnɛ-Sɛ́ cúnɛ ŋɡɔ: Pʉʉ lɑɑ ńzúꞋ ŋɡi-Sɛ́ lɔ́Ꞌnɛ, kɔɔ pʉʉ zʉʉnɛ mɛtúutɛ mʉ́ʉ pɑ́Ꞌ pʉʉ kɑ zʉʉnɛ́nɛ nǔu lɛ́Ꞌ yi pʉʉ kɑ pɔ́ ńtʉʉ tú mbɔ̌ wɛ́ lɑ́.

2 Pyɛ̂ 2:9

Pɛ́ fú nǔu mɔnɛ mɛnu ńjʉ́ɔ ŋɡɔ Tsɑpʉɔ kɔŋ nɛfú tsɛt ŋɡʉ̈ɔ́Ꞌ ńcẅɛɛtɛ pʉɔ pi pɔ́p jínɛ pɔ ndɑꞋ wɛ́, ɛ́ tsʉ́Ꞌ pʉɔ kɛpɔŋ ɑ nyɛt wɔ́p ŋɡɔ pɔ́p ńzẅíꞋlɛ ŋɡʉ̈ɔ́Ꞌ lɛ́Ꞌ nɛŋɑk mɛtsɑŋ.

Ɛ́bɛlʉʉ 4:7

Ɛ́ lɛɛ pɔ́Ꞌɔ, Sɛ́ pɛn ńzɑ́p yɛcɔ́ lɛ́Ꞌ yi fí ɛ́ pɔ́ ŋɡɔ: Ɛ́ pɔ́ pɔ lɔ́Ꞌnɛ. Mbɔ yîyɑ́ nu kɑ lɛɛ mɔ́, ɑ kɑ lɔk ntsu-fɔɔ Ndɑvît ńcú yúu mi pɛkŋɛ ńdɑ́Ꞌmɔ́ ńcú ŋɡɔ: Pʉʉ lɑɑ ńzúꞋ ŋɡi-Sɛ́ lɔ́Ꞌnɛ kɔɔ pʉʉ zʉʉnɛ mɛtúutɛ mʉ́ʉ.

Ɛ́bɛlʉʉ 3:13

Lɑ́, pʉʉ pɔ́ ńníꞋ mɛtʉʉ-mɛmbʉʉ mʉ́ʉ pʉʉ nɛ́ pʉʉ, pɔ́Ꞌɔ ńjí ŋɡɔ nu kɛpɔŋ kɛ́ ɡɛ ɛ́fúklɛ wɛcɔ́ ŋu wʉ́ʉ, tɛ tʉ́m yɛ́ tɛn, ɑ pɔɔ pɛn ńzúꞋ ŋɡi-Sɛ́ pɔ́ pɔ́. Pʉʉ ɡɛ pɔ́Ꞌɔ, lɛ́Ꞌ tsʉʉ, mbíꞋŋɡɔ yɔ lɛ́Ꞌ yi pɛ́ tsɛt ŋwɑꞋnɛ-Sɛ́ ɛ́fúŋ ŋɡɔ ɛ́ lɔ́Ꞌnɛ. Yɔ pɔ́nɛ lɛ́Ꞌ yi ḿbɔ́ pɛ́ zúꞋ ŋɡi-Sɛ́.

Pʉɔ-Lɔ́mɑ 9:22

Ɛ́ ndʉ́ŋndʉŋ pɑ́Ꞌ Sɛ́ ŋ́ɡɛ nǔu pʉɔmɛsɔŋ. A kɑ kɔŋ nɛnyɛt ŋɡɔ lɔ́ŋ wɛ sɛ́ ńzɑ́ŋ nǔu mɛnu mi pʉɔmɛsɔŋ ɡɛnɛ, pɛ́ fú nǔu ńjʉ́ɔ pɑ́Ꞌ ɑ tɛnnɛ pɔ́Ꞌɔ. Lɑ́, mbɔ ɑ kɑ ɡʉ nǔu pʉɔ pi, ɑ kɑ pɔ́ ŋ́ɡʉ ńzɑ́ŋ lɔ́ŋ nǔu pɔ́p, ŋ́kɛ́ ɛ́sʉk sʉknɛ ńzẅíꞋlɛ. Mbɔ ɛ́ kɑ ɡɔ́ ḿbɔ́, ḿbɔ́ pɔ́p kuꞋ pɑ́Ꞌ ɑ ɡʉ ḿbík wɔ́p píknɛ.

Mɛnu ɛ́ ńdɑ́Ꞌ ńcẅɛt 6:17

MbíꞋŋɡɔ mɑ́mɑ́ lɛ́Ꞌlɑ́Ꞌ yi pɔ́p ɡʉ ńzɑ́ŋ lɔ́ŋ pɑ́Ꞌɑ mbɔ ɛ́ lɑɑ ńtɔ́, mbɔ wɔ̌ ḿvuꞋ?

Jɑ̂k 5:3

Gwɛ́tkɑ́ɑ ɡẅɛɛ tʉ́n-ɡɔ̂l yʉ́ʉ mbɑ ŋkɑ́p yʉʉ. Pɛ́ ɡʉ ŋ́ɡɛ ɛ́fú pɔ nǔu ńjʉ́ɔ ŋɡɔ pʉʉ vu ntsɑŋ, mbɑp-mbʉʉ yʉʉ mɛ pɑ́Ꞌ ŋkɑ́ yi pɛ́ tɔɔ wʉ́ʉ múk lɑ́. Pʉʉ kɑ cúꞋlɛ́nɛ yúu mi ɛ́ cɔ́k ŋkɑ́p nǔu mɔ mɛlɛ́Ꞌlɑ́Ꞌ mi ɛ́ ndẅiknzʉʉ.

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

2 Kɔlɛ̂ŋtɛ 5:10

mbíꞋŋɡɔ ɛ́ sɛ́ ḿbíkŋɛ ŋɡɔ pɛkŋɛ pɛtsʉʉ lɛɛ mbi Kɛlístɔ ɑ ŋɑk wɛkŋɛ, ɛ́ lɛɛ pɔ́Ꞌɔ, mbɑ wɔ̌ lɑ́ cẅɛ́ɛ yɛ tsɔ́ꞋfɑꞋ nǔu yúu mi ɑ kɑ ɡɛnɛ, ɛ́ pɔ́ yi sʉ́Ꞌnɛ kɛ yi kɛpɔŋ ɔɔ, ŋkɑ́ yi ɑ kɑ pɔ́nɛ tsɛt yîyɑ́ mbʉʉ.

2 Tɛsɑlɔník 1:5

Ɛ́ lɔk ńnyɛt ŋɡɔ Sɛ́ ŋɑk ntsɑŋ pɔ ndʉ́ŋndʉŋ. MbíꞋŋɡɔ ŋɡʉ̈ɔ́Ꞌ yi pʉʉ sɛ́ ńjʉ́ɔ ŋkɔ̂ɔnɛ, ɛ́ ɡɛ ŋɡɔ pʉʉ kuꞋ pʉɔ pi pʉʉ ɡʉ ńdɑ́Ꞌ ŋ́kúu tsɛt nɛfɔɔ-Sɛ́. Pʉʉ jʉ́ɔ ŋɡʉ̈ɔ́Ꞌ ntɛ́ pɔ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 2:21

Ŋ kɑ nɑ́Ꞌ ḿbɔ́ ńzẅíꞋlɛ zẅíꞋlɛ́nɛ ŋɡɔ ɑ kúpmɛ mɑt wɛ. Lɑ́, ɑ pɔɔ ḿbɔ́ ŋ́kɔŋ nɛkúpmɛ mɑt-mpfuꞋ ɛ̂wɑ́ pɔ́.