Pʉɔ-Lɔ́mɑ 2:28 - Kɑɑ Fí

²⁸ Pɛ́ zɛɛ mbɔɔ pɔ́ ńjí kwɑꞋ ŋu-pɑyúdɑ, ŋu-Sɛ́, ńdɔk pɔ yúu mi pɛ́ sɛ́ ńjʉ́ɔ nǔu wɛ́ nzɛmpíi pɔ́, nɛjí ŋu ẅí pɛ́ kɑ púꞋnɛ wɛ́ ɛ́ kɑ́ pɔ́ pɔ ndɑꞋ nɛjʉ́ɔ pɑ́Ꞌ pɛ́ kɑ zɑ́Ꞌnɛ zʉꞋ-mbʉʉ yɛ́ pɔ́.

Pʉɔ-Lɔ́mɑ 2:28 Referans Kwoze

Ŋɡɑlɑ̂t 6:15

Ɛ́ mbɔ̌ Sɛ́ nɛpúꞋ ŋu, kɛ nɛnɑ́ ŋɡɑŋ kɛ́ púꞋ ɔɔ, pɔɔ cẅɛ́lɛ́. Nu yi ɛ́ cẅɛ́lɛ́nɛ pɔ́ pɔ pɑ́Ꞌ ŋu shɔtnɛ ńtsʉ́Ꞌ ŋu fí.

Mɑtʉ̈ɔ 3:9

Pʉʉ pɑ́ɑ nɛlɔk pɔ ndɑꞋ ntsu wʉ́ʉ ńcú ŋɡɔ: “Pɛk njẅɛt-Ábɛlɛhɑ̂m. Lɑ́ ŋ kɛ́ ɛ́sẅíi wʉ́ʉ, Sɛ́ kuꞋ nɛshɔt mɛŋɡɔꞋ mɔ ńdɔk ŋ́ɡɛ njẅɛt-Ábɛlɛhɑ̂m.”

Mɛnu ɛ́ ńdɑ́Ꞌ ńcẅɛt 2:9

Mɔ sɛ́ ńjí ŋɡʉ̈ɔ́Ꞌ yʉʉ, ḿbɔ́ ńjí ŋɡɔ pʉʉ pɔ́ pɔ pɛpúŋ, lɑ́ ŋ́kɛ́ ḿbɔ́ nǔu nɛjí Sɛ́ ḿbɔ́ ɡɑŋyúu. Mɔ, m bɛn ḿbɔ́ ńjí ŋɡɔ pʉɔ pí pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú, pɔ́p sɛ́ ŋ́kẅíi lík yʉ́ʉ kɛpɔŋ. Pɔ́p pɔ́ pɔ pʉɔ-cúꞋlɛ-Sɑ́ttɑ.

1 Pyɛ̂ 3:21

Ẅîwɑ́ ŋki kɑ pɔ́ lii cẅɛ́ɛŋki yi ɛ́ ɡɛnɛ pʉʉ luk ŋkɔ̂ɔnɛ lɑɑ. Pɛ́ kɑ́ pɔ́ ńdɔk ɛ́suk pɔ ntsɛ́llɛ́ nǔu mbʉʉ pɔ́. Ɛ́ pɔ́ pɔ nɛlɔk ńdɔ́ɔ mbɔ̌ Sɛ́ ŋɡɔ ɑ suk mɛtʉ́m mɛkŋɛ, ɛ́ pɔɔ pɛn ŋ́ŋɑk wɛkŋɛ pɔ́. Cẅɛ́ɛŋki lɔk pɔ́Ꞌɔ, ŋ́ɡɛ pʉʉ luk, ńdúꞋnɛ pɑ́Ꞌ Yɛ́su Kɛlístɔ kɑ zẅíimɛnɛ nǔu nɛvú.

Pʉɔ-Lɔ́mɑ 2:17

Ɛ́ ɡʉ nǔu ɡu, ɔ sɛ́ ńniitɛ ńcú ŋɡɔ ɔ ŋu-Pɑyúdɑ, ŋɡɔ ɔ fú nǔu pɑ́Ꞌ ɔ kúꞋlɛ́nɛ nɛpʉ́ʉ pɔ́Ꞌɔ, ḿbɔ́ ŋu-Sɛ́,

Jɑ̂ŋ 1:47

Yɛ́su jʉ́ɔ pɑ́Ꞌ Nɑtɑnɑyɛ̂l sɛ́ ńtɔ́, ńcú nu nǔu wɛ́ ŋɡɔ: «Yɔ kwɑꞋ mɔ́ɔ-Íslɑyɛ̂l ẅí nu ŋkʉŋkʉ kɑ́ pɔ́ nǔu wɛ́ pɔ́.»

Ɛ́fɛ̂zɛ 2:11

Pɔ́Ꞌɔ lɑ́, pʉʉ kẅíitɛ pɑ́Ꞌ pʉʉ kɑ zɛɛ ḿbɔ́, pɛ́ kɑ pí wʉ́ʉ pʉʉ pɔɔ pɑyúdɑ pi pɛ́ púꞋnɛ wɔ́p pɔ́, Pɑyúdɑ pi pɛ́ púꞋnɛ wɔ́p, lɔk pɔ́Ꞌɔ, ńjʉ́ɔ ŋɡɔ pɔ́p pʉɔ-Sɛ́ ńtsʉ́Ꞌ ŋ́kʉ́ʉnɛ wʉ́ʉ kʉʉnɛ́nɛ ŋɡɔ pʉʉ kɑ́ pɔ́ pʉɔ-Sɛ́ pɔ́, ńcú pɔ́Ꞌɔ, lɑ́ nɛpúꞋ wɔ́p ɛ̂wɑ́ pɔ́ pɔ lii yi pɛ́ kɑ lɔk pɔ mbɔ́ ŋ́ɡɛ nǔu mbʉʉ yɔp.