Pʉɔ-Lɔ́mɑ 2:2 - Kɑɑ Fí

² Pɛkŋɛ zɛɛ ńjí ŋɡɔ Sɛ́ pɔ́ tɛ ḿbɔ́ ŋ́ŋɑk pʉɔ pi pɔ́p ɡɛnɛ yîyɑ́ ntɛ́ mɛnu, ŋ́ŋɑk wɔ́p pɔ pɑ́Ꞌ mɛnu mɔ́p sɛ́ ḿbíkŋɛ.

Pʉɔ-Lɔ́mɑ 2:2 Referans Kwoze

Mɛnu ɛ́ ńdɑ́Ꞌ ńcẅɛt 19:2

mbíꞋŋɡɔ wɛ nɛŋɑk ntsɑŋ ɛ́ nɛ́nẅín ḿbɛn ḿbɔ́ ndʉ́ŋndʉŋ. A kɑ kɛ́mɔ́ ŋ́ŋɑk ntsɑŋ mɑ́mɑ́ ŋɡɑŋɡɑ́ɑ mɑŋɡɛ́ ẅi ɑ ḿbɔ́ ńdɔk nu ɡɑ́ɑ yɛ́, ńtɑ́k zʉꞋ ndǔ tsɛ́tsɑ́Ꞌ. A pɑꞌ pɛnnu-mɛci-ɡɑŋfɑꞌ pɛ́ pinɛ ŋɡɑŋɡɑ́ɑ ɛ̂wɑ́ kɑ tswɛtnɛ. A pɑꞋ pɔ́ kwɑꞋ nǔu wɛ́.»

Mɛnu ɛ́ ńdɑ́Ꞌ ńcẅɛt 16:5

N zúꞋ Cʉ̈ɔꞋ-Sɛ́ ẅí ɑ kɑ ɡẅɛɛnɛ nu nǔu mɛŋki pɔ́ ńcú ŋɡɔ: «Gu ẅí ɔ ɡú, mbɔ ɔ kɑ pɔ́ ɡú, ɡu ẅí ɔ Ndɛ́ɛnɛ Lɛ́ɛnɛ́nɛ, ɔ ɡɛ ɛ́ pɔ́ pɔ pɑ́Ꞌ ɛ́ ńzɛɛnɛ ḿbɔ́ pɔ́Ꞌɔ, mbíꞋŋɡɔ, ɔ ɡɛ pɔ ndʉ́ŋndʉŋ.

Pʉɔ-Lɔ́mɑ 9:14

Ɛ́ lɔk pɔ́Ꞌɔ, ńcú ŋɡɔ kʉ̈ɔ́? Ŋɡɔ Sɛ́ kɑ́ pɔ́ ndʉ́ŋndʉŋ pɔ́ kíi. Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́.

Pʉɔ-Lɔ́mɑ 2:5

Ɔ sɛ́ ńdʉꞋ nɛzúꞋ nu, ɔ kɑ́ pɔ́ ŋ́kɔŋ nɛkúpmɛ mɑt wu pɔ́, ɔ lɔk pɔ́Ꞌɔ, ɛ́fúŋ mɑ́mɑ́ ŋɡʉ̈ɔ́Ꞌ yi Sɛ́ ɡʉ ŋ́ɡɛ ńníꞋ tú ɡu, nǔu lɛ́Ꞌ yi ɑ ɡʉ ńdɑ́Ꞌ ḿbɔ́ ńníꞋ ŋɡʉ̈ɔ́Ꞌ tú-pʉɔ. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́ pɛ́ jʉ́ɔ pɑ́Ꞌ Sɛ́ ŋɑknɛ mɛnu mi ɛ́ sɛ́ ḿbíkŋɛ.

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

Pʉɔ-Lɔ́mɑ 2:1

Mbɔ ŋu zɛ nɛtɔ́ lɔ́Ꞌ-pʉɔ pi pɔ́p ɡɛnɛ yîyɑ́ ntɛ́ mɛnu, ɡu ẅí mbɔ ɔ tɔ́, jí ŋɡɔ mbɔ ɔ pɔɔ nɑ́ kɛ́ vu yú ntsɑŋ vunɛ pɔ́, tɛ pɑ́Ꞌ ɔ lɑɑ ńzɛɛ ḿbɔ́ pɔ wɔ̌ lɑ́. Pɔ́Ꞌɔ mbíꞋŋɡɔ ɔ sɛ́ ńtɔ́ lɔ́Ꞌ-pʉɔ lɑ́ ḿbɛn ḿbɔ́ ŋ́ɡɛ yú pɔ pɑ́Ꞌ pɔ́p ńdɔk ɛ́shɔtnɛ ńtɔ́k pɔ lʉɔ ńdɔk ŋ́kút mbʉʉ yu.

Pʉɔ-Lɔ́mɑ 2:3

Gu ẅí ɔ tɔ́nɛ mɛlɔ́Ꞌ-pʉɔ pi pɔ́p ɡɛnɛ yîyɑ́ ntɛ́ mɛnu, ḿbɛn ḿbɔ́ ŋ́ɡɛ yú pɔ́Ꞌɔ, ɔ kwɑŋɛ ŋɡɔ ɔ ɡʉ ŋ́ɡɛ pɑ́Ꞌ tɛ ńduk tɛ Sɛ́ pɔɔ níꞋ ŋɡʉ̈ɔ́Ꞌ tú ɡu pɔ́ ɔɔ?