Pʉɔ-Lɔ́mɑ 2:19 - Kɑɑ Fí

¹⁹ Ɔ tsuŋ ḿbɔ́ ńjí nǔu yú tú ŋɡɔ ɔ ŋu ẅí ɑ ɡẅɛɛnɛ pɔ́-fʉmík, ḿbɔ́ ŋ́kyɛꞋ pʉɔ pi pɔ́p tsɛt nzɛ́nzʉ́ʉ,

Pʉɔ-Lɔ́mɑ 2:19 Referans Kwoze

1 Kɔlɛ̂ŋtɛ 4:10

Nu-Kɛlístɔ ɡɛ pɛk tsʉ́Ꞌ pɛpɑ́lɛ́. Lɑ́ ŋ́kɛ́ ŋ́ɡʉ nǔu pʉʉ, mbɔ pʉʉ kɑ kɛ́mɔ́ ńdɛɛ nǔu Kɛlístɔ ńjí nu. Pɛk pɔ́ pɛpɔ́t pʉɔ. Pʉʉ ɡẅɛɛ mɛtʉʉ. Pɛ́ ɡɛ mɛkuꞋ mʉ́ʉ, ḿbɛn ńtɔ́ nǔu pɛk ŋ́ɡwɑ́k wɛ́k ɡwɑ́knɛ.

Jɑ̂ŋ 9:34

Pɔ́p tsɔ́Ꞌ mbɔ̌ wɛ́ ŋɡɔ: «pɛ́ kɑ pí wú tsɛt nu kɛpɔŋ, ɔ ɡʉ nɛzíꞋ wɛ́k nɛ́ yúu kîi!» Ŋ́ɡɔ́ɔ ɛ́fú ndɑ́-cúꞋlɛ ńzuŋ wɛ́ ŋ́ɡɑ́ píi.

Mɑtʉ̈ɔ 15:14

Pʉʉ nɑ́ wɔ́p! Pɔ́p pɛfʉmík pínɛ pɔ́p ɡẅɛɛnɛ pɔ́ pɛcɔ́. Fʉmík lɑɑ ŋ́ɡẅɛɛ pɔ́ wɛcɔ́, mbɔ pɔ́pmɛ pɛ́pɑ́ ɡʉ ńcʉ́ɔ tsɛt ɡɛm.

Mɑtʉ̈ɔ 6:23

Lɑ́ mík mú pɛn ḿbɔ́ tɛ sʉ́ʉ, mbɔ ɔ ɡʉ ńtsʉ́Ꞌ ḿbɔ́ pɔ tsɛt nzɛ́nzʉ́ʉ. Mík mú pɔ́ tɛ sʉ́ʉ pɑ́Ꞌ pɛ́ cúnɛ lɑɑ, mbɔ ɔ ɡʉ ńtsʉ́Ꞌ ḿbɔ́ pɔ tsɛt fɛ́m nzɛ́nzʉ́ʉ.

Mɑtʉ̈ɔ 5:14

Pʉʉ pɔ́nɛ kyɛꞋ-ndǔ mbí. Pɛ́ lɑɑ ŋ́kút tʉ́sɔŋ ndǔ nɛŋkɔ́Ꞌ, mbɔ ɛ́ lɑɑ ḿbɔ́ ɛ́ pɔɔ lʉɔmɛ.

Filipɛ 2:15

nɛpɔ́ yi, yɛcɔ́ yúu mi pɛ́ ɡʉ ńdɑ́Ꞌ wʉ́ʉ nǔu kɛ́ pɔ́ ɡú pɔ́. Pʉʉ pɔ́ ndɛ́ɛnɛ lɛ́ɛnɛ́nɛ. Pʉʉ lɔk ḿbɔ́ ndǔ yɔ mbí, ḿbɔ́ pʉɔ-Sɛ́ pi yɛcɔ́ lɔ́Ꞌ kɑ́ pɔ́ nǔu pɔ́p pɔ́, ɛ́ lɔk ḿbɔ́ ŋɡɔ pʉʉ kyɛꞌ yi ɛ́ kyɛꞋnɛ zʉꞋ tsɛtsɛt yɔ nɔɔ-pʉɔ pi pɔ́p pɔ́ pɔ ɡɑŋcɔtnu, ḿbɛn ḿbɔ́ pɑsɑ́ŋ nu ŋkẅɛpmɛ ŋkẅɛpmɛ,

1 Kɔlɛ̂ŋtɛ 3:18

Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

Lúkɑ́shi 1:79

ŋ́kyɛꞋ pʉɔ pi pɔ́p nɑ́ŋnɛ tsɛt nzɛ́nzʉ́ʉ, nɛvú pɛn ḿbɔ́ ńnʉk wɔ́p, ńcɑklɛ wɔ́p ńníꞋ tsɛt mɔ́fíitɛ.»

Mɑ́lɛ́kúshi 10:15

Ɛ sẅíi wʉ́ʉ, kwɑꞋ nɛ́nẅín, ŋu lɑɑ mbɔɔ tsʉꞋ pɑꞋ mɔ́yúu mɔ́ɔ, ḿbɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́ pɔ́, mbɔ ɑ ńdɑ́Ꞌ ŋ́kúu tsɛt ŋɡɔŋ-nɛfɔɔ-Sɛ́ pɔ́.»

Mɑtʉ̈ɔ 4:16

Pʉʉ ẅí pʉʉ kɑ nɑŋnɛ tsɛt nzɛ́nzʉ́ʉ, yʉ́ʉ njí tsuŋ ŋ́kiɛ. Mɔ́nɛm sɑ́Ꞌ tɛ ḿbɔ́ ńtɑ́ nǔu pʉɔ pinɛ pɔ́p kɑ nɑŋnɛ tsɛt ŋɡɔŋ-nzɛ́nzʉ́ʉ zʉꞋ yí nɛvú ḿbɔ́nɛ ńnʉk wɔ́p.»

Pʉɔ-Lɔ́mɑ 2:18

ńjí yúu mi Sɛ́ sɛ́ ŋ́kɔŋ, mbɔ ɛ́ kɑ fú nǔu pɑ́Ꞌ pɛ́ kɑ zíꞋnɛ wú nɛ́ nɛpʉ́ʉ ɔ jí yúu mi ɛ́ pɔŋnɛ.

Pʉɔ-Lɔ́mɑ 2:20

ḿbɔ́ ńzíꞋ yúu mbɔ̌ pɔ́p pɛɡɛɡʉʉ nǔu nu-Sɛ́, ḿbɔ́ cícɑ pɛcʉcʉŋ nǔu nu yi ɛ́ nɛ́nẅín, mbíꞋŋɡɔ ɔ sɛ́ ńjí, ɔ lɔk pɑ́Ꞌ ɔ jínɛ nɛpʉ́ʉ, ŋ́ɡẅɛɛ jínu yi ɛ́ nɛ́nẅín.