Pʉɔ-Lɔ́mɑ 16:18 - Kɑɑ Fí

¹⁸ MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.

Pʉɔ-Lɔ́mɑ 16:18 Referans Kwoze

Kɔlɔsíyɛ̂ŋ 2:4

Ɛ sẅíi wʉ́ʉ nɛ́ mɔnɛ mɛnu ḿbɔ́k wɛcɔ́ ŋu nɛtɔ́ ńdɔk sẅiŋɛ yi pɛ́ nɑ́ŋnɛ sɛ́ ńniitɛ, ɛ́shɔt tú yʉ́ʉ.

Filipɛ 3:19

Mɔ́p mɛlɛ́Ꞌ ɡʉ ńdɑ́Ꞌ ḿmɛ ndǔmbí, pɔ́p ɡʉ nɛpʉ́-múk, mbíꞋŋɡɔ wɔp sɛ́ pɔ́ pɔ nɛpɛm nɔ́p. Pɔ́p tsɑ́ɑtɛ nǔu yúu mi sʉ́ʉ ɡʉ ŋ́kɔ́ wɔ́p nǔu, yɔ́p kwɑŋɛ pɛn ńtʉ́ʉ pɔ nǔu yúu-ndǔmbí.

Mɑtʉ̈ɔ 7:15

Pʉʉ lɑk tú yʉ́ʉ nǔu pʉɔ pí pɔ́p cɔtnɛ nu ŋɡɔ pɔ́p pɛŋɡɛ́mndʉ̈ɔ́Ꞌ-Sɛ́. Pɔ́p júk ńtɔ́ nɛjɔ́ŋ pʉʉ ŋɡɔ pɔ́p mɛnjinjɔ, lɑ́ kwɑŋɛ yɔ́p pɔ́ pɔ yɛ́ mɛnɑɑŋɡwɛ.

1 Timɔtɛ́ɛ 6:5

ḿbɔ́ ŋkɑ́ tsʉʉ ńzɔŋ nu tsɛtsɛt pɔ́p zɔŋnɛ, ŋ́kwɑŋɛ yɔ́p fu wɔ́p, mbíꞋŋɡɔ pɔ́p kɑ́ pɛ́t ńjí nu nɛ́nẅín pɔ́, ŋɡɔ ŋu lɑɑ ńzɑ́p tʉ́m yɛ́ nǔu Sɛ́, mbɔ ɛ́ sɛ̂ndúŋ ẅí ɑ ɡʉ ɛ́fú nǔu ŋ́ɡẅɛɛ ŋkɑ́p.

2 Pyɛ̂ 2:3

Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.

Jẅidɛ 1:16

Pʉɔ ɛ̂pɑ́ nɑ́ŋ ŋkɑ́ tsʉʉ nu pɔ́ ńzɑ́ŋ wɔ́p zɑ́ŋnɛ, ḿbɔ́ ŋ́kíi ŋɡʉ̈ɔ́Ꞌ yɔp, ńnɑ́ŋ ŋ́ɡɛ pɔ yúu mi mbʉʉ yɔp sɛ́ ńtsʉ́ʉnɛ wɔ́p nɛɡɛ, pɔ́p ŋkɑ́ tsʉʉ ɛ́sẅíi pɔ sẅiŋɛ yi pɔ́p lɔk ŋ́ŋɑ́Ꞌtɛ ŋɑ́Ꞌtɛ́nɛ, ḿbɔ́ ńdẅɑklɛ ŋu ḿbɔ́ ńjí pii yi pɔ́p ɡʉ ńjʉ́ nǔu wɛ́.

2 Tɛsɑlɔník 2:10

A ɡʉ ńdɑ́Ꞌ ńdɔk mɛnu mi ɛ́ kɑ́ pɔ́ nu pɔ́ mɛntɛ́ mɛntɛ́, ɛ́fúklɛ pʉɔ pi pɔ́p ɡʉ ńdɑꞋ pɛ́. Pɔ́p pɛ́ pɔ́Ꞌɔ, mbíꞋŋɡɔ pɔ́p lʉꞋ nɛkɔŋ nu yi ɛ́ nɛ́nẅín yi ɛ́ ḿbɔ́ ŋ́ɡʉ ŋ́ɡɛ pɔ́p luk.

Jẅidɛ 1:12

Pɔ́p pʉɔ pi pɔ́p cɔŋnɛ ndɛn wʉ́ʉ ŋkɑ́ yi pʉʉ pɛ́ pɔ́ɔpɛ́mɑ́ cúꞋlɛ́nɛ ḿbɔ́ ńjʉ́ yúu, pɔ́p tɔ́ ŋkɔ̂ɔnɛ ŋ́kwɛ́t yúu tɛꞋ, ńnɔ́ mɛluꞋ tɛꞋ, pɔ́p kɑ́ kɔ́ sʉ́ʉ pɔ́, ŋ́kwɑŋɛ pɔ ndɑꞋ yɔ́p tú. Pɔ́p pɑ́Ꞌ mbʉŋ yi ɛ́ kɔ́Ꞌnɛ́nɛ tɛ pɛ́ pɔ́ ńzẅíꞋlɛ ŋɡɔ ɛ́ lɔ́, fɛ́m tíi lɑ́, mɛtʉ́ mi ɛ́ kɛ́ ḿbɔɔ ńzɛ́m ntɑ́ɑ pɔ́, mbɑ ŋkɑ́ yi ɛ́ ńzɛɛ ḿbɔ́ ŋ́ɡʉ ńzɛ́m, mɛtʉ́ mi ɛ́ kɑ muꞋnɛ mɔ́ ḿpfú tɛ ḿpfú.

Filipɛ 2:21

Pɛcɔ́ pʉɔ sɛ́ ɛ́sɑ́ŋ nu pɔ ndɑꞋ nǔu yɔ́p tú tɛ pɔ́p kɑ́ pɔ́ ɛ́sɑ́ŋ nu nǔu nu-Yɛ́su Kɛlístɔ pɔ́.

Ŋɡɑlɑ̂t 1:10

Pʉʉ sẅíi wɑ́ɑ nɛ́ nu yi ɛ fúnɛ nɛcú lɑɑ, ɛ́ nyɛt ŋɡɔ mɔ sɛ́ ńtsɑ́ɑ ŋɡɔ nu yɑ́ɑ pɔŋ pʉɔmɛsɔŋ kɛ ŋɡɔ ɛ́ pɔŋ pɔ Sɛ́? Mɔ pɑ́Ꞌɑ ḿbɔ́ ńtsɑ́ɑ nɛɡɛ yúu mi ɛ́ ɡʉ ḿbɔŋ pʉɔmɛsɔŋ? Ɛ́ pɛ́Ꞌnɛ, m bɔ́ ńdɔɔ mbɑ nɛɡɛ yúu mi ɛ́ ḿbɔŋ pʉɔmɛsɔŋ, mbɔ ŋ kɑ́ pɛn ḿbɔ́ ŋu ẅí ɛ fɑꞋnɛ fɑꞋ-Kɛlístɔ pɔ́.

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Kɔlɔsíyɛ̂ŋ 3:24

Kɔɔ pʉʉ likŋɛ ŋɡɔ Tsɑpʉɔ-Kɛlístɔ ɡʉnɛ ńdɑ́Ꞌ ńtsɔ́Ꞌ fɑꞋ yʉ́ʉ, ŋ́ɡʉ nǔu yúu pɛ́, ŋ́ɡɑ́ yʉ́ʉ, mbíꞋŋɡɔ jʉ́ pɔ́nɛ kwɑꞋ ŋu ẅí pʉʉ fɑꞋnɛ mbɔ̌ wɛ́.

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

2 Kɔlɛ̂ŋtɛ 2:17

Lɑ́Ꞌ pɛk kɑ pɔ́ pɑ́Ꞌ pɛcɔ́ pʉɔ tɛ ńzɑ́ɑ pi pɔ́p lɔknɛ sẅiŋɛ-sɛ́ ŋ́ɡɛ yɔ́p yúu mɛntɑ́ɑ pɔ́, pɛk ɛ́sẅíi yɛ́k pɔ nɛ́ tʉ́m Lɛ́ɛnɛ́nɛ, ḿbɔ́ pɔ pʉɔ pi Sɛ́ kɑ túunɛ. Pɛk pɔ́ ɛ́sẅíi, Sɛ́ pɔ́ ńjʉ́ɔ wɛ́k pɛk pɛn ńdɑt mbʉʉ nǔu Kɛlístɔ.

Pʉɔ-Lɔ́mɑ 16:19

Ɛ́ ɡʉ nǔu pʉʉ, pʉɔ pɛtsʉʉ sɛ́ ńjí ŋɡɔ pʉʉ zúꞋ ntsu-Tsɑpʉɔ. Lɑ́ tʉ́m yɑ́ɑ nɑ́ŋ ńtsɑ́ɑtɛ tsɑ́ɑtɛ́nɛ nǔu yúu mi pʉʉ sɛ́ ŋ́ɡɛ. Lɑ́ mɔ sɛ́ ńtsɑ́ɑ ŋɡɔ pʉʉ ɡẅɛɛ jínu sʉ́Ꞌnɛ nɛlɔk ŋ́ɡɛ nu sʉ́Ꞌnɛ, ḿbɛn ńnɑ́ŋ ḿbɔ́ pʉɔ pi pɔ́p lɔk nɛkʉɔ nu kɛpɔŋ ḿbɔ́ pɑ kɛ́ ɡẅɛɛ lɔ́Ꞌ.

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

Mɑtʉ̈ɔ 24:11

Pɛŋɡɛ́mndʉ̈ɔ́Ꞌ-Sɛ́ pɛ́ cɔtnu cẅɛt tɛ ńzɑ́ɑ, ɛ́fúklɛ nɛzɑ́ɑ pʉɔ.

Mɑtʉ̈ɔ 6:24

Ɛ́ lɑɑ ḿbɔ́ wɛcɔ́ ŋkwɑɑ pɔɔ fɑꞋ mbɔ̌ pɛtɑ́fɑꞋ pɛ́pɑ́ tɑ́Ꞌ ŋkɑ́ pɔ́. A ɡʉ ńzúꞋ ntsu tɑ́Ꞌ, ńdʉꞋnɛ nɛzúꞋ ntsu wɛcɔ́. A ɡʉ ŋ́kɔŋ tɑ́Ꞌ ŋu, ḿbɑɑ wɛcɔ́. Ɛ́ lɑɑ ḿbɔ́ pʉʉ pɔɔ ḿbɔ́ ńzɑ́p tʉ́m nǔu Sɛ́, ḿbɛn ḿbɔ́ ńzɑ́p nǔu ŋkɑ́p pɔ́.

Mɛnu ɛ́ ńdɑ́Ꞌ ńcẅɛt 1:1

Nu yi ɛ́ tsɛt yɔ ŋwɑꞋnɛ ɛ́ yi ɛ́ kɑ lʉɔmɛ́nɛ, Yɛ́su Kɛlístɔ ɡɛ ŋ́ɡɛ pɛ́ jí. Ɛ́ ɡɔ́ ḿbɔ́, mbɔ Sɛ́ zɑ́Ꞌ njí ŋ́ɡɛ Yɛ́su jí yîyɑ́ nu nɛpɔ́ yi ɑ ɡʉ ńdɛꞋlɛ mbɔ̌ pʉɔ pɛ́ nɛ́ yúu mi ɛ́ ɡʉ fɛ́Ꞌnɛ ńtɔ́. Kɛlístɔ kɑ túu cʉ̈ɔ́Ꞌ wɛ, ɑ ɡʉ ńdɛꞋlɛ yîyɑ́ nu mbɔ̌ Jɑ̂ŋ ẅí ɑ ŋɡɑŋfɑꞋ-Yɛ́su.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.

Jɑ̂k 1:1

A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ.

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

Pʉɔ-Lɔ́mɑ 14:18

Ŋu lɑɑ ɛ́fɑꞋ fɑꞋ-Kɛlístɔ nɛ́ yɔ ntɛ́, mbɔ nu yɛ́ ɡʉ ḿbɔŋ Sɛ́, pʉɔmɛsɔŋ pɛn ŋ́ɡɑ́ mɛkuꞋ ŋɡɑŋ.