Pʉɔ-Lɔ́mɑ 16:13 - Kɑɑ Fí

¹³ N cɛꞋlɛ Lufus. A ŋu ẅí Tsɑpʉɔ kɑ tsɔ́Ꞌnɛ wɛ́ ɑ pɛn ńníꞋ tú nǔu fɑꞋ yɛ́ tɛꞋ. Pʉʉ pɛn ḿbúꞋ mbɔ́ mbɔ̌ mbɑ mbɔ̌ mɑ́ wɛ, mɑ́ wɛ ɛ̂wɑ́ pɛn ḿbɔ́ mɑ́ wɑɑ ɡúu.

Pʉɔ-Lɔ́mɑ 16:13 Referans Kwoze

2 Jɑ̂ŋ 1:1

Mɔ ẅí mɔ ńcẅɛ́ɛmbi tsɛt cúꞋlɛ-pʉɔ-Kɛlístɔ, ŋ ɡɑ́ yɔ ŋwɑꞋnɛ mbɔ̌ mɑ́ pɛ́ mbɔ́ŋkʉ̈ɔ́ ẅi Sɛ́ kɑ tsɔ́Ꞌnɛ. M bɛn ŋ́ɡɑ́ mbɑ mbɔ̌ mbɔ́ŋkʉ̈ɔ́ pɛ́, n tsuŋ ŋ́kɔŋ wʉ́ʉ pɛ́tsʉʉ, mbíꞋŋɡɔ pɛkŋɛ pɛtsʉʉ tɛmtɛ ńtʉ́ʉ nǔu nu nɛ́nẅín, ɛ́ kɑ́ pɔ́ ndɑꞋ wɑ́ɑ wi ŋ kɔŋnɛ wʉ́ʉ pɔ́, mbɑ wɔ̌ lɑ́ ẅi ɑ tʉ́ʉnɛ nǔu nu nɛ́nẅín pɛn ŋ́kɔŋ wʉ́ʉ ɡúu.

1 Timɔtɛ́ɛ 5:2

ńdíŋɛ pɛlɛn pɑŋɡɛ́ pɑ́Ꞌ pɛmɑ́ pú, ńdíŋɛ ŋɡwɑŋɡɔɔ pɑ́Ꞌ pɔ́ɔpɛ́mɑ́ pú pɛ́ pɑŋɡɛ́, kɛ́ ɡẅɛɛ yɛcɔ́ kwɑŋɛ ndɛꞋ tʉ́m ɡu.

Mɑ́lɛ́kúshi 15:21

Pɔ́p kɑ pɔ́ ńdɔk wɛ́ ŋ́ɡʉ, ḿbuutɛ wɛcɔ́ ŋu, ɑ fúnɛ nɛ́ tɛt, lík yɛ́ pɔ́ ŋɡɔ Símɔ, ɑ pɔ́ ŋu ẅí ɑ kɑ fúnɛ tʉ́sɔŋ-Silɛ̂nɛ ńtɔ́, ḿbɔ́ tɑ̌ɑ pɛ́ Lɑksɑ́ndɑ pɔ́p Lẅifẅis. Pɑlʉ̈ɔꞋntsɔ ɡẅɛɛ wɛ́, ńdɔk tʉʉ ɛ́fyɛ́t wɛ́ ŋɡɔ ɑ tíi tʉ́ mbɑ́ŋtɛ pɑ́ŋtɛ́nɛ-Yɛ́su.

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

2 Tɛsɑlɔník 2:13

Pɔ́ɔpɛ́mɑ́ pi Tsɑpʉɔ kɔŋnɛ wɔ́p, ɛ́ ɡʉ nǔu pɛk, mbɔ pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ ntɛ́ wʉ́ʉ, mbíꞋŋɡɔ ɑ kɑ tsɔ́Ꞌ wʉ́ʉ tɛ ɛ́fú nzɛnɛ nɛpɔ́ yi pʉʉ ɡʉ ńduk. Pʉʉ luk ntɛ́ pɑ́Ꞌ Zẅikŋɛ Lɛ́ɛnɛ́nɛ sɛ́ ŋ́ɡɛ pʉʉ pɔ́ pʉɔ-Sɛ́, mbɑ pɑ́Ꞌ pʉʉ zɑ́pnɛ tʉ́m nǔu nu yi ɛ́ nɛ́nẅín.

Ɛ́fɛ̂zɛ 1:4

mbɔ ɑ kɑ lɛɛ nǔu Kɛlístɔ ńtsɔ́Ꞌ wɛkŋɛ, ńdɔk ŋ́ɡɛ pʉɔ pɛ́ tɛ ḿbɛ́t pɔ kɛ́ niitɛ mbí pɑ́Ꞌ pɛkŋɛ ɡʉ ḿbɔ́ mbi yɛ́ ḿbɔ́ pʉɔ lɛ́ɛnɛ́nɛ, ḿbɔ́ pɑkɛ́fɑɑnɛ. A kɑ lɔk pɑ́Ꞌ ɑ kɔŋnɛ wɛkŋɛ,

Jɑ̂ŋ 19:27

Ḿbɛn ńcú mbɔ̌ ŋɡɑŋku wɛ wɑ́ ŋɡɔ: «Mɑ́ wu pʉ́ɔlɑ́.» Ɛ́ fú ŋkɑ́ ɛ̂yɑ́, ŋɡɑŋku wɛ wɑ́ lɔk mɑ́ pɛ́ Yɛ́su ŋ́ɡʉ nɛ́ njɛ́Ꞌ yɛ.

Mɑ́lɛ́kúshi 3:35

Jínɛ ŋɡɔ ŋu lɑɑ ŋ́ɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ mɑ́mɑ́ wɑɑ, mbɔ mɔ́ɔmɑ́ mɔ, wɛ ŋu mbɛ́ɛnɛ mbɑ wɛ mɑŋɡɛ́.

Mɑtʉ̈ɔ 20:16

Yɛ́su pɛn ńcú ŋɡɔ: «Ɛ́ pɔ́Ꞌɔ lɑ́ ɡɑŋ nzʉʉ ɡʉ ńdɑ́Ꞌ ńtsʉ́Ꞌ pɑ pɔ́ mbi, ɡɑŋ mbi tsʉ́Ꞌ pɑ pɔ́ nzʉʉ.»

Pʉɔ-Lɔ́mɑ 16:12

Pʉʉ cɛꞋlɛ Tilifɛn pɔ́p mɔ́ɔmɑ́ wɛ Tilifɔs, ɛ́ pɑŋɡɛ́ pi pɔ́p fɑꞋnɛ fɑꞋ-Tsɑpʉɔ tɛꞋ. Pʉʉ cɛꞋlɛ Pɛɛsidɛ. A tʉʉndɛn mɔ́ɔmɑ́ wɑ́ɑ wɛ mɑŋɡɛ́. A kɑ fɑꞋ yɛ́ fɑꞋ-Tsɑpʉɔ tɛꞋ.

Pʉɔ-Lɔ́mɑ 16:14

Pʉʉ cɛꞋlɛ Asiŋkɛlit, nɛ́ Flɛŋɡɔŋ, nɛ́ Hɛlmɛs, nɛ́ Pɑtɛlɔbɑs, nɛ́ Hɛlmɑs, mbɑ pɔ́ɔpɛ́mɑ́ pi pɔ́p pɛpɔ́p pɔ́nɛ.