Biblia Todo Logo
Bib sou entènèt

- Piblisite -




Pʉɔ-Lɔ́mɑ 14:8 - Kɑɑ Fí

8 Pɛkŋɛ ɡɔ́ ḿbɔ́ ɡú ɛ́ pɔ́ pɔ ŋɡɔ pɛkŋɛ yúu-Tsɑpʉɔ, ŋ́ɡɔ ḿpfú ɛ́ pɔ́ pɔ ŋɡɔ pɛkŋɛ ɡʉ ḿbɔ́ yúu-Tsɑpʉɔ. Pɔ́Ꞌɔ lɑ́, pɛkŋɛ lɑɑ ḿbɔ́ pɔ ntʉʉ ɔɔ, mbɔ pɛkŋɛ pɔ́ pɔ pʉɔ-Tsɑpʉɔ, kɛ ḿpfú pfúnɛ ɔɔ, mbɔ pɛkŋɛ pɔ́ pɔ pʉɔ-Tsɑpʉɔ.

Gade chapit la Kopi




Pʉɔ-Lɔ́mɑ 14:8
13 Referans Kwoze  

Yúu mi mɔ sɛ́ ńtsɑ́ɑ tɛꞋ, kwɑŋɛ yɑ́ɑ nɑ́ŋ ńtʉ́ʉ pɔ nǔu, ɛ́ pɔ́ pɔ ŋɡɔ kɔɔ mɔ ɡɛ yɛcɔ́ yúu mi sʉ́ʉ ɡʉ ɛ́fú nǔu ŋ́kɔ́ wɑ́ɑ. Tɛ ńtsʉ́Ꞌ pɔ́Ꞌɔ, mbɔ ɛ́ lɑɑ ḿbɔ́ pɔ ŋkɔ̂ɔnɛ, kɛ ŋkɑ́ kʉ̈ɔ́ ɔɔ, m bɛ́t pɔ sʉ́Ꞌnɛ kɛ ńzɛɛ ḿpfú pfúnɛ ɔɔ, mbɔ mɔ sɛ́ ńjí sʉ́Ꞌnɛ ŋɡɔ pɛ́ ɡʉ ɛ́fú nǔu wɑɑ nɛnɑ́ŋ, ŋ́ɡúꞋlɛ Kɛlístɔ.


A kɑ pfú nǔu tú yɛ́kŋɛ, nɛpɔ́ yi pɛkŋɛ lɑɑ ńzɛɛ ḿpfú mbɑ pfúnɛ, kɛ ḿbɛ́t pɔ ntʉʉ ɔɔ, mbɔ pɛkŋɛ pɛ́pɔ́p zɛɛnɛ ḿbɔ́.


Lɑ́ mbɑ wɔ̌ lɑ́ ńzẅíimɛ pɔ nǔu yɛ́ ŋkɑ́. Kɛlístɔ kɑ piitɛ ńzẅíimɛ. Pʉɔ pɛ́ ɡʉ ńdɑ́Ꞌ ńzẅíimɛ yɔ́p, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.


Lɑ́ Pɔ̂l tsɔ́Ꞌ ŋɡɔ: «Pʉʉ lɔk nɛlɑɑ ńdɔk ḿvukŋɛ wɑ́ɑ mɛlɑ́Ꞌ kʉ̈ɔ́. N tʉ́ʉ pɑ́Ꞌɑ, mbɔ mɔ niitɛ mbʉʉ yɑɑ tɛ ḿbɔ́ yi pɛ́ lɑɑ ŋ́kúu Yɛlúsɑlɛm, ŋ́kút wɑ́ɑ kútnɛ, ńjẅí wɑ́ɑ jẅínɛ ntɛ́ Ndɛ wɛkŋɛ Yɛ́su m bɔɔ lʉꞋ.»


N zúꞋ yɛcɔ́ ŋɡi-ŋu fú tʉ́nɛ́pú ńcú ŋɡɔ: «ŊwɑꞋnɛ ŋɡɔ: Ɛ́ ɡʉ fú ŋkɔ̂ɔnɛ, pɛpɔ́ttú pɔ́ pʉɔ pí pɔ́p ɡʉ ŋ́ɡɔ ḿpfú, ḿpfú ntsufɑꞋ-Tsɑpʉɔ. Zẅikŋɛ lɛ́ɛnɛ́nɛ pɛ́m ŋɡɔ ɛ́ nu, pîpɑ́ pʉɔ ɡɛ ŋ́ɡʉ jẅiitɛ nǔu mɛfɑꞋ mɔ́p. MbíꞋŋɡɔ mɛfɑꞋ mɔ́p ŋ́ɡɛ pɔ́p ɡẅɛɛ tsɔ́ꞋfɑꞋ yɔ́p.»


Wʉ́ʉ nɛzɑ́p tʉ́m nǔu Yɛ́su ɛ́ pɑ́Ꞌ yúu-pɔꞋ yi pʉʉ nɔŋnɛ mbi Sɛ́ lɑ́, ḿbɔ́ yi pɛ́ lɑɑ ńjẅí wɑ́ɑ, mbɔ ɛ́ lɔk ḿbɔ́ pɑ́Ꞌ wɑ́ɑ pɔꞋ ẅí n nɔŋnɛ mbi Sɛ́. Ɛ́ tɔ́ ḿbɔ́ pɔ́Ꞌɔ, mbɔ mɔ pɔ́ttú, mbɔ pɛkŋɛ ɡʉ ńtɛmtɛ ńtsɑ́ɑtɛ.


Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»


mbíꞋŋɡɔ ɛ́ kɑ tsʉ́Ꞌ mɔ́zʉꞋ, ɑ tɔ́ nɛfɑꞋ fɑꞋ-Kɛlístɔ, ḿpfú nǔu. A kɑ tɔ́ nɛɡɛ yúu mi pʉʉ kɑ pɔ́nɛ ŋ́ɡʉ ŋ́ɡɛ nǔu mɔ, ɛ́ tsʉ́Ꞌ mɔ́zʉꞋ ɑ ɡɑ́ tú yɛ́.


Ɛ́ ɡʉ nǔu fɔɔ Ndɑvît, mbɔ ɑ kɑ ɡɛ yúu mi Sɛ́ kɑ cúnɛ ŋɡɔ ɑ ɡɛ nǔu yɛ́ ŋkɑ́, ŋ́ɡɛ ḿpfú. Pɛ́ níꞋ pfú yɛ́ zʉꞋ yí pɛ́ kɑ níꞋnɛ yi pɛtɑ́t pɛ́ zúꞋu. A lʉ̈ɔ́ tsɛt nɛshi.


Yɛ́su cú pɔ́Ꞌɔ, ńdɔk ńdɛꞌlɛ ntɛ́ nɛvú ni pyɛ̂ ɡʉ ŋ́ɡɛ ḿpfú yɛ́t, ɛ́ lɔk ŋ́ɡúꞋlɛ Sɛ́. Yɛ́su cú pɔ́Ꞌɔ, ḿmɛkŋɛ ŋɡɔ: «Cʉ́ɔ nzʉʉ mɔ.»


Yɛ́su pɛn ńcú ŋɡɔ, Sɛ́ kɑ́ pɔ́ Sɛ́-pɛpfú pʉɔ pɔ́, A Sɛ́-pʉɔ ntʉʉ. MbíꞋŋɡɔ ɛ́ ɡʉ mbɔ̌ Sɛ́, mbɔ pʉɔ pɛtsʉʉ ntʉʉ.»


Swiv nou:

Piblisite


Piblisite