Pʉɔ-Lɔ́mɑ 14:5 - Kɑɑ Fí

⁵ Ɛ́ mbɔ̌ wɛcɔ́ ŋu, ɑ jí ŋɡɔ mɛcɔ́ mɛlɛ́Ꞌlɑ́Ꞌ lɛɛ mɛcɔ́, ḿbɔ́ mbɔ̌ wɛcɔ́ ŋu, ɑ jí yɛ́ ŋɡɔ mɛlɛ́Ꞌlɑ́Ꞌ pɔ́ pɔ ndʉ́ŋndʉŋ. Ɛ́ píkŋɛ ŋɡɔ mbɑ wɔ̌ lɑ́ tsuŋ ńniitɛ ńjí yúu mi ɑ tsɛt tʉ́m yɛ́ ḿbɔ́ ńjí.

Pʉɔ-Lɔ́mɑ 14:5 Referans Kwoze

Pʉɔ-Lɔ́mɑ 14:23

Lɑ́ ŋu lɑɑ ḿmʉ́Ꞌlɛ nǔu yúu kɔɔ ɑ jʉ́, ŋ́kɛ́ ńjʉ́, mbɔ ɑ vu ntsɑŋ mbi Sɛ́. MbíꞋŋɡɔ ɑ kɑ́ ɡɛ pɑ́Ꞌ ɑ jínɛ ŋɡɔ nu-Sɛ́ sɛ́ ḿbíkŋɛ pɔ́. Ŋu lɑɑ ŋ́ɡɔ́ ŋ́ɡɛ yúu ḿbɔ́ ḿmʉ́Ꞌlɛ, mbɔ ɑ ɡɛ nu kɛpɔŋ.

1 Kɔlɛ̂ŋtɛ 8:7

Lɑ́ pʉɔ tsʉʉ tsɛtsɛt pɛkŋɛ kɑ́nɛ jí ŋɡɔ mɛsɛ́ zɛɛ mbɔɔ tsuŋ ḿbɔ́ ɡú pɔ́. Ntí kɑ́ sɑk pɑ́Ꞌ yɛcɔ́ ntɑ́Ꞌ pʉɔ kɑ pɔ́ ŋ́ɡʉ zʉꞋ-yúu mi pɛ́ ɡúꞋlɛ́nɛ ŋɡɔ ɛ́ mɛcɔ́ mɛsɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pɔ́p kɑ pɔ́ ŋ́kwɛ́t pfuꞋ-mbɑp yi pɛ́ ɡɑ́nɛ nǔu yúu ɛ̂mɑ́ pɛ́Ꞌnɛ, ɛ́ pɔ́ mbɔ̌ pɔ́p, pɔ́p pɔ́ ńjí ŋɡɔ pɛ́ ɡɑ mbɔ̌ kwɑꞋ mɛsɛ́, mbɔ mbʉʉ yɔp ńtswɑ́ɑ wɔ́p. Tʉ́m yɔ́p yí ɛ́ pɛ́t ḿbɔ́t pɔ́tnɛ zúꞋ ńtíi ntsɛ́llɛ́.

Pʉɔ-Lɔ́mɑ 14:14

Mɔ sɛ́ ńjí, lɑ́ ńdɔk pɔ pɑ́Ꞌ n dɑtnɛ mbʉʉ yɑɑ nǔu Tsɑpʉɔ Yɛ́su, ńniitɛ ńjí ŋɡɔ yɛcɔ́ yúu kɑ́ pɔ́ ɡú yi ɛ́ ɡẅɛɛnɛ lɔ́Ꞌ pɔ́. Lɑ́ ŋ́kɛ́ ḿbɔ́ yi ŋu lɑɑ ḿbɔ́ ŋ́kwɑŋɛ ŋɡɔ lɔ́Ꞌ nǔu yɛcɔ́ yúu, mbɔ ɛ́ ɡʉ ḿbɔ́ nǔu yɛ́ tú lɔ́Ꞌ pɔ́ nǔu yîyɑ́ yúu.

1 Kɔlɛ̂ŋtɛ 8:11

Pɔ́Ꞌɔ lɑ́, ɛ́ lɛɛ nǔu yúu mi ɔ sɛ́ ńjí, ŋu ẅí ɑ pɛ́t ḿbɔ́t pɔ́tnɛ kúu pɛ́, lɑ́ ḿbɔ́ mɔ́ɔmɑ́ wɛkŋɛ ẅi Kɛlístɔ kɑ pfúnɛ nǔu tú yɛ́.

Lúkɑ́shi 1:1

Nɛtʉʉndɛn Tɛɔfîl, ɔ jí ŋɡɔ pʉɔ tɛ ńzɑ́ɑ tíi mɔ́ fɑꞋ nɛcúꞋlɛ mɛnu mi ɛ́ kɑ lɛɛnɛ tsɛtsɛt pɛkŋɛ tɛ ŋ́ŋwɑꞋnɛ,

Pʉɔ-Lɔ́mɑ 4:21

ḿbɔ́ ńtsuŋ ńjí ŋɡɔ Sɛ́ ɡẅɛɛ mɛtʉʉ nɛlɔk ŋ́ɡɛ yúu mi jʉ́ Sɛ́ kɑꞋnɛ ɛ́ puutɛ.