Pʉɔ-Lɔ́mɑ 14:1 - Kɑɑ Fí

¹ Pɔ́ɔpɛ́mɑ́ pɑ́ɑ, pʉʉ sɛ́ ńjí ŋɡɔ ɛ́ tsɛtsɛt pɛkŋɛ, pɛcɔ́ pʉɔ lɔk pɑ́Ꞌ pɔ́p sɛ́ ńzúꞋ yɔ́p nu-Sɛ́, ḿbɔ́ ńdʉ́ɔꞋtɛ yɛcɔ́ yúu, pʉʉ kúꞋlɛ wɔ́p kúꞋlɛ́nɛ kɔɔ pʉʉ pɛpɔ́p zɔŋ nu nǔu yɔ́p yúu mi pɔ́p sɛ́ ŋ́kwɑŋɛ.

Pʉɔ-Lɔ́mɑ 14:1 Referans Kwoze

Pʉɔ-Lɔ́mɑ 15:1

Yúu mi pɛkŋɛ ɡẅɛɛ nɛɡɛ ɛ́ ŋɡɔ pʉɔ pi pɔ́p lɔk nu-Sɛ́ ńjí yúu mi pɔ́p ɡʉ ŋ́ɡɛ, ɡẅɛɛ nɛlɔk tʉ́m sʉ́Ꞌnɛ ńcẅɛ́lɛ pʉɔ pi pɔ́p kɑ́ pɔ́ ńjí pɑ́Ꞌ pɔ́p pɔ́. Ŋu kɑ́ ɡẅɛɛ nɛɡɛ yúu mi ɛ́ pɔŋnɛ pɔ wɛ́ pɔ́.

1 Kɔlɛ̂ŋtɛ 9:22

Mɔ ŋkɑ́ yi mɔ sɛ́ ɛ́fɑꞋ tsɛtsɛt pʉɔ pi pɔ́p pɛ́t ḿbɔ́t pɔ́tnɛ nǔu nɛzɑ́p tʉ́m nǔu Kɛlístɔ, ńnɑ́ŋ pɑ́Ꞌ ŋu ẅí ɑ pɛ́t ḿbɔ́t yɛ́ pɔ́tnɛ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pɔ́p tsʉ́Ꞌ kwɑꞋ pʉɔ-Kɛlístɔ. Ŋu lɑɑ ḿbɔ́ pɔ ŋɡɔ́ku ɔɔ, ḿbɔ́ pɔ ŋɡɔ́ku ɔɔ, n tsʉ́Ꞌ pɑ́Ꞌ jʉ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ nǔu ntɛ́ yi ḿbɔ́ ɑ luk.

Pʉɔ-Lɔ́mɑ 15:7

Pɔ́Ꞌɔ lɑ́, mbɑ wɔ̌ lɑ́ tsɛtsɛt pʉʉ pɛ́m pɛcɔ́ pʉɔ nɛjɔ́ŋ wɛ́, ndʉ́ŋndʉŋ pɑ́Ꞌ Kɛlístɔ kɑ pɛ́mnɛ wʉ́ʉ nɛjɔ́ŋ wɛ́, pʉʉ ɡɛ pɔ́Ꞌɔ, pʉɔ jʉ́ɔ ŋ́ɡúꞋlɛ Sɛ́.

Pʉɔ-Lɔ́mɑ 14:21

Yúu mi ɛ́ pɔŋnɛ, ɛ́ nɛlʉꞋ mbɑ kʉ̈ɔ́ lɑ́ yi mbɔ mɔ́ɔmɑ́ wu kɔɔtɛ nǔu ḿvu Sɛ́, kɛ ḿbɔ́ ɛ́ pɔ́ pɔ nɛkwɛ́t mbɑp ɔɔ, kɛ nɛnɔ́ mɛluꞋ ɔɔ.

2 Jɑ̂ŋ 1:10

Ŋu lɑɑ ńdɔk yɛcɔ́ nu ńtɔ́ tsɛtsɛt pʉʉ, tɛ ɛ́ pɔɔ pɔ́ pɔ yi Kɛlístɔ kɑ zíꞋnɛ wʉ́ʉ pɔ́, kɔɔ pʉʉ kúkŋɛ wɛ́, kɔɔ pʉʉ zɛɛ ḿbúꞋ mbɔ́ mbɔ̌ wɛ́ mbɑ nɛcɛꞋlɛ.

Pʉɔ-Lɔ́mɑ 4:19

Sɛ́ kɑ pɔ́ ńcú yɔ nu mbɔ̌ Ábɛlɛhɑ̂m ɛ́ tsʉ́Ꞌ pɔ mɔ́zʉꞋ ɑ ɡẅɛɛ ŋɡuꞋ ŋkʉ. Mbɔ mbʉʉ yɛ́ tɑŋ tɛꞋ. Nzwɛ́ wɛ Sɑ̌lɑɑ pɛn ńdɛn tɛ ḿbɔ́ yi ɛ́ kɑ lɑɑ ḿbɔ́ ɑ pɔɔ pɛn ḿbí pɔ́. Lɑ́ Ábɛlɛhɑ̂m kɛ́ mbɔɔ kɑ́ɑ nɛzɑ́p tʉ́m nǔu nu yi Sɛ́ cúnɛ pɔ́.

Lúkɑ́shi 17:2

Mbi pɑꞋ mbɔ pɛ́ cʉŋɛ mɑ́mɑ́ luŋ lɔ́ŋ-ŋɡɑŋ, ḿmɑꞋ wɛ́ tsɛt Mí, ńtsɑ pɑꞋ ḿbɔ́ pɛ́ nɑ́ wɛ́, ɑ ɡɛ tɛ wɛcɔ́ tɑ́Ꞌ nǔu pɛɡɛɡʉʉ pɑ́ɑ lɛɛ nzʉʉ yɛ́ lɑ ɛ́fɑɑnɛ nu.

Mɑtʉ̈ɔ 14:31

Yɛ́su ɡɔ́ɔ ńcɑklɛ pɔ́ yɛ́ ŋ́kwɑ́p wɛ́, ńcú mbɔ̌ wɛ́ ŋɡɔ: Ɔ zɑ́p tʉ́m nǔu mɔ pɔ mɔ́zʉꞋ! Ɔ ɡɔ́ ḿmʉꞋlɛ ŋ́ɡɛ pɑ́Ꞌɑ?

Mɑtʉ̈ɔ 12:20

A kɛ́ ńdɑ́Ꞌ mbɔɔ pʉ̈ɔ́Ꞌ kɛkɑꞋ yí ɛ́ ŋɔ́Ꞌnɛ́nɛ pɔ́, ŋ́kɛ́ mbɔɔ pík múk nǔu lɑ̂m ẅí ɛ́ ɡʉ ḿbɛ́ pɔ́, ŋ́kɛ́ ńdɑ́Ꞌ ŋ́ɡɛ pɔ pɔ́Ꞌɔ, tɛ ŋ́ɡɛ ŋɡɔ nu nɛ́nẅín jʉ́ lɑ́Ꞌ tsʉʉ.

Filipɛ 2:29

Pɔ́Ꞌɔ lɑ́, pʉʉ kúkŋɛ wɛ́ nɛ́ kwɑꞋ tsɑ́ɑtɛ, mbíꞋŋɡɔ ɑ mɔ́ɔmɑ́ wʉ́ʉ nzʉʉ Tsɑpʉɔ. Pʉʉ ɡɛ mɛkuꞋ-ntɛ́ pʉɔ pɑ́Ꞌ pɔ́p lɑ́,

Jɑ̂ŋ 13:20

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ŋ́kúkŋɛ ŋu ẅí n túunɛ wɛ́, mbɔ ɑ kúkŋɛ pɔ wɑ́ɑ. Ŋu ẅí ɑ pɛnnɛ ŋ́kúkŋɛ wɑ́ɑ, ɑ kúkŋɛ pɔ ŋu ẅí ɑ túunɛ wɑ́ɑ.

Mɑtʉ̈ɔ 18:10

Pʉʉ lɑk tú yʉ́ʉ nɛɡwɑ́k wɛcɔ́ tɑ́Ꞌ nǔu ɡɛ́ɡɛ́ mbɔ́ŋkʉ̈ɔ́ pɔnɛ. Jínɛ ŋɡɔ, pɛcʉ̈ɔ́Ꞌ-Sɛ́ pínɛ pɔ́p líŋɛ́nɛ wɔ́p tʉ́ʉ mbi Sɛ́ túnɛpú ŋkɑ́ tsʉʉ. [

Mɑ́lɛ́kúshi 7:19

Ɛ́ kɑ́ kúu tsɛt tʉ́m ŋɡɑŋ pɔ́, ɛ́ kúu pɔ tsɛt nɛpɛm nɛ́, ńcẅɛt ŋ́kúu tsɛt kɔt. Yɛ́su lɔk ńcú ŋɡɔ: yúu mi pɛ́ jʉ́ jʉ́nɛ kɑ́ pɔ́ yi ɛ́ mbi Sɛ́ ḿbɔ́ yi ɛ́ níꞋnɛ lɔ́Ꞌ nǔu ŋu pɔ́,

ŊwɑꞋnɛ-Gɑŋntúu Yɛ́su Kɛlístɔ 28:2

Pɑlɑ́Ꞌ ɛ̂pɑ́, ɡɛ nu sʉ́Ꞌnɛ nǔu pɛk tɛ ńniitɛ mɑ́mɑ́ múk, ɛ́fúŋ wɛ́k ŋɡɔ pɛk tɔ́ ńzɔ́k. Ɛ́ ɡɔ́ ḿbɔ́, mbɔ mbʉŋ zɛ nɛlɔ́, fɑ́k pɛn ḿbɔ́ ŋ́kɔ́.

Pʉɔ-Lɔ́mɑ 11:15

Sɛ́ kɑ zɛɛ ḿbɔ́ tɛ ńtík wɔ́p nzʉʉ lɑ ŋ́ɡɛ jʉ́ Sɛ́ pɔ́p pʉɔmɛsɔŋ ndǔmbí ḿmik mbuu, ɑ ɡʉ ḿbɛn ńdɑ́Ꞌ ḿbɔ́ tɛ ḿbɛn ńdíŋɛ wɔ́p ɛ́ pɔ́ ŋɡɔ́ku? Ɛ́ pɔ́ kwɑꞋ nɛpɛn ḿbɔ́ ɡú mbɔ̌ pʉɔ pi pɔ́p kɑ zɛɛnɛ ḿpfú.

Pʉɔ-Lɔ́mɑ 14:2

Wɛcɔ́ ŋu lɔk nu-Sɛ́ ńjí ŋɡɔ ɑ jʉ́ɔ mbɑ kʉ̈ɔ́ lɑ́, ŋ́kwɛ́t yɛ́ kwɛ́tnɛ. Wɛcɔ́ ŋu ẅí ɑ sɛ́ ńdɔk nu-Sɛ́ ńdʉ́ɔꞋtɛ yɛcɔ́ yúu ńjí ŋɡɔ ɑ ɡʉ ŋ́kwɛ́t pɔ ndɑꞋ nzɑp.

Pʉɔ-Lɔ́mɑ 14:3

Ŋu ẅí ɑ jʉ́ɔ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ, pɑ́ɑ nɛkʉ́ʉnɛ ŋu ẅí ɑ kɑ́ pɔ́ ŋ́kwɛ́t yúu tsʉʉ pɔ́. Ŋu ẅí ɑ kɑ́ kwɛ́t yúu tsʉʉ pɔ́ pɑ́ɑ nɛtɔ́ lɔ́Ꞌ ŋu ẅí ɑ jʉ́ɔ yɛ́ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ mbíꞋŋɡɔ Sɛ́ kúkŋɛ wɛ́ ɡúu.

1 Tɛsɑlɔník 5:14

Pɔ́ɔpɛ́mɑ́, pɛk sɛ́ ḿbúꞋ mbɔ́ mbɔ̌ pʉʉ ŋɡɔ pʉʉ ɡɑ́ ntík mbɔ̌ pɛlɔ́ŋ, ńní mɛtʉʉ-pʉɔ pi pɔ́p kɑ́ ɡẅɛɛ mbɔŋyúu pɔ́, ńtɔ́ɔtɛ pʉɔ pi pɔ́p pɛ́t pɔ kɛ́ tɛntɛ, ŋ́ɡẅɛɛ pɔ kɔkmbʉʉ nzʉʉ mbɑ wɔ̌ lɑ́.

Ɛ́bɛlʉʉ 5:14

Lɑ́ ŋ́ɡʉ nǔu pʉɔ pi pɔ́p tsʉklɛ́nɛ, mbɔ pɔ́p ŋ́kwɛ́t pɔ yúupɛ́jʉ́ pi ɛ́ tɛntɛ́nɛ. Pɔ́p pʉɔ pi pɔ́p kɑ zíꞋ mɔ́ tɛ ŋ́ɡẅɛɛ mɑt nɛsɑ́ŋ nu, ńjí yi sʉ́Ꞌnɛ, ńjí yi kɛpɔŋ.