Pʉɔ-Lɔ́mɑ 12:5 - Kɑɑ Fí

⁵ Ɛ́ pɛn ḿbɔ́ pɔ ndʉ́ŋndʉŋ nǔu pɑ́Ꞌ pɛkŋɛ pɔ́ tɛ ńzɑ́ɑ zɑ́ɑnɛ lɑ́, ńdɔk pɑ́Ꞌ pɛkŋɛ lɑtnɛ mbʉʉ nǔu Kɛlístɔ, ńtɛmtɛ ńcúꞋlɛ nǔu tɑ́Ꞌ ŋu, pɑ́Ꞌ mɛkɛm mbʉʉ tɛmtɛ́nɛ, mbɑ yɛ́tɛ́ lɑ́ pɔ́ ńtɔ́ɔtɛ yɛcɔ́ lɑ́.

Pʉɔ-Lɔ́mɑ 12:5 Referans Kwoze

1 Kɔlɛ̂ŋtɛ 12:20

MɛzʉꞋ-mbʉʉ zɛɛ ńzɑ́ɑ tɛꞋ lɑ́ ŋ́kɛ́ ńcúꞋlɛ ḿbɔ́ pɔ tɑ́Ꞌ mbɑp-mbʉʉ.

1 Kɔlɛ̂ŋtɛ 10:17

Pɑ́Ꞌ tɑ́Ꞌ mbɛlɛ̂ɛt wɛ́mɔ́Ꞌ pɔ́nɛ sɛ́ lɑ́, pɛkŋɛ pɛtsʉʉ tɛmtɛ ŋ́kwɛ́t yîyɑ́ tɑ́Ꞌ mbɛlɛ̂ɛt ńdɔk ńnyɛt ŋɡɔ pɛkŋɛ tɛmtɛ ḿbɔ́ pɔ tɑ́Ꞌ mbʉʉ wɛ́mɔ́Ꞌ.

Ɛ́fɛ̂zɛ 4:25

Ɛ́ lɑɑ ḿbɔ́ pɔ́Ꞌɔ, pʉʉ mɛꞋ cɔtnu. Ŋu cú pɔ nu nɛ́nẅín mbɔ̌ pɔ́ɔpɛ́mɑ́ pɛ́, mbíꞋŋɡɔ pɛkŋɛ tɛmtɛ ḿbɔ́ pɔ mɛkɛm-tɑ́Ꞌ mbʉʉ yɛ́mɔ́Ꞌ.

Kɔlɔsíyɛ̂ŋ 2:19

Pɔ́p kɑ́ pɔ́ ŋ́kẅiꞋ ńdɑt mbʉʉ nǔu Kɛlístɔ ẅí jʉ́ pɔ́nɛ tú pɔ́. Lɑ́ mbɔ tú ɡɑ́nɛ mbɑ kʉ̈ɔ́ lɑ́ yi ɛ́ ɡʉ ńcẅɛ́lɛ́ mbɑp-mbʉʉ. Tú ɡɛnɛ mɛzuŋ-mbʉʉ mbɑ mɛŋɑŋ-mbʉʉ cúꞋlɛ ŋ́kúꞋlɛ mbɑp-mbʉʉ, ɛ́ ɡúꞋ pɑ́Ꞌ Sɛ́ sɛ́ ŋ́kɔŋ.

Ɛ́fɛ̂zɛ 5:30

mbíꞋŋɡɔ pɛkŋɛ pɔ́ pɔ mɛkɛm-mbʉʉ mɛ́.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

Ɛ́fɛ̂zɛ 1:23

CúꞋlɛ-pʉɔ-Sɛ́ mbʉʉ-Kɛlístɔ. A tsɛt cúꞋlɛ-pʉɔ pɛ́ ŋkɑ́ tsʉʉ, jʉ́ ẅí ɑ zʉꞋ tsʉʉ ndǔmbí.

1 Kɔlɛ̂ŋtɛ 10:33

Ɛ́ pɑ́Ꞌ mɔ sɛ́ ŋ́ɡɛ yɑ́ɑ. Mɔ sɛ́ ńdɔɔ shʉ́ nɛɡɔ́ ŋ́ɡɛ mbɑ kʉ̈ɔ́ lɑ́, ɛ́ pɔ́ yi ɛ́ ɡʉ ḿbɔŋ pʉɔtsʉʉ. Ŋ kɑ́ pɔ́ ńdɔɔ pɔ yúu mi ɛ́ ɡʉ ńcẅɛ́lɛ́ pɔ wɑ́ɑ pɔ́. N dɔɔ pɔ yúu mi ɛ́ ɡʉ ńcẅɛ́lɛ́ pʉɔ tɛ ńzɑ́ɑ, ńjí ŋɡɔ Sɛ́ ɡʉ ŋ́ɡɛ pɔ́p luk.

Pʉɔ-Lɔ́mɑ 12:4

Ɛ́ zɛɛ ḿbɔ́ nǔu mbɑp-mbʉʉ-ŋumɛsɔŋ, mɛkɛm pɔ́ nǔu tɛ ńzɑ́ɑ ḿbɛn ŋ́kɛ́ ḿbɔɔ ɡẅɛɛ tɑ́Ꞌ fɑꞋ pɔ́.

Ɛ́fɛ̂zɛ 5:23

MbíꞋŋɡɔ ndúu-mɑŋɡɛ́ pɔ́nɛ túmbi, mɑŋɡɛ́ pɔ́ mbɑp-mbʉʉ. Kɛlístɔ pɔ́ tú, cúꞋlɛ-pʉɔ pɛ́ pɔ́ mbɑp-mbʉʉ yɛ. Jʉ́ ɡɛnɛ lɑ cúꞋlɛ-pʉɔ pɛ́ ɡẅɛɛ luk kɛ́mɛ.

Jɑ̂ŋ 17:11

Ɛ́ nǔu ŋkɔ̂ɔnɛ, ɛ́ tsʉ́Ꞌ mɔ́zʉꞋ, m bɔɔ pɛn ḿbɔ́ ndǔmbí pɔ́, mbíꞋŋɡɔ ŋ ɡʉ ḿbɛn nɛ́ nɛjɔ́ŋ ɡu. Lɑ́ ŋ́ɡʉ nǔu pɔ́p, mbɔ pɔ́p kɛ́ ḿbɛ́t ḿbɔ́ pɔ ndǔmbí. Tɑ̌ɑ mɔ ɑ ndɑꞋ ɡu ḿbɔ́ Sɛ́-mɛkuꞋ, lɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p, ńjí ŋɡɔ pɔ́p ɡʉ ḿbɔ́ tɑ́Ꞌ ŋu, ndʉ́ŋndʉŋ pɑ́Ꞌ pûu tɑ́Ꞌ ŋu lɑ́.

1 Kɔlɛ̂ŋtɛ 6:15

Pʉʉ kɑ́ pɔ́ ńjí ŋɡɔ mbʉʉ yʉʉ mɛkɛm-mbʉʉ-Kɛlístɔ pɔ́ kíi? Ŋ ɡʉ ńdɔk kɛm-mbʉʉ-Kɛlístɔ ńdɔk ŋ́ɡɛ kɛm-mbʉʉ-ŋkɑttʉ́ mɑŋɡɛ́? Ŋɡɑ́ŋ,

Ɛ́fɛ̂zɛ 4:12

A kɑ zɑ́pnɛ pîpɑ́ pʉɔ nɛpɔ́ yi pɔ́p ɡʉ cẅɛ́lɛ́ pʉɔ-Kɛlístɔ nɛfɑꞋ fɑꞋ-Sɛ́, cúꞋlɛ-pʉɔ-Kɛlístɔ yi ɛ́ mbɑp mbʉʉ yɛ́, kẅiꞋ ŋ́ɡʉ nɛ́ mbi.