Pʉɔ-Lɔ́mɑ 11:32 - Kɑɑ Fí

³² MbíꞋŋɡɔ Sɛ́ kɑ nɑ́ pʉɔtsʉʉ tʉʉ tú mbɔ̌ wɛ́ nɛpɔ́ yi ɑ ɡʉ ŋ́ɡɛ ńtsɑ́ɑ mɛjʉ́ŋ mɔ́p pɔ tsʉʉ.

Pʉɔ-Lɔ́mɑ 11:32 Referans Kwoze

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

Pʉɔ-Lɔ́mɑ 3:9

Tɛ ɛ́ pɑ́Ꞌnɛ ḿbɔ́ pɛkŋɛ cú ŋɡɔ kʉ̈ɔ́? Ŋɡɔ ɛ́ mbi Sɛ́ pɛk pɑyúdɑ lɛɛ pʉɔ pi pɔ́p kɑ́ pɔ́ pɑyúdɑ pɔ́ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Mɔ ńdɑ́Ꞌmɔ́ ńdɛꞋlɛ pɑ́Ꞌ nu kɛpɔŋ ńjʉ́ mɔ́ pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 3:22

Pɔ pɑ́Ꞌ ŋu lɑɑ ńzɑ́p tʉ́m nǔu Yɛ́su Kɛlístɔ, mbɔ Sɛ́ ɡʉ tsʉ́Ꞌ ńdíŋɛ ŋɡɑŋ, ɑ pɔ́ mbi yɛ́ ḿbɔ́ pɔ ndʉ́ŋndʉŋ. Ɛ́ ndɑꞋ ndúŋ mbɔ̌ pʉɔ tsʉʉ. Pɔ́p mbi Sɛ́ tɛꞋ ḿbɔ́ pɔ tɑ́Ꞌ yúu,

Jɑ̂ŋ 12:32

Ɛ́ ɡʉ nǔu mɔ, mbɔ pɛ́ lɑɑ ŋ́ɡɛ ŋ́kɑꞋ wɑ́ɑ nǔu tʉ́ mɛkʉ́Ꞌ tɛ ŋ́ɡɑ́ tʉ́, mbɔ ŋ ɡʉ shuŋ pʉɔ tsʉʉ ŋ́ɡɑ́ nɛjɔ́ŋ mɔ.

Jɑ̂ŋ 1:7

A tɔ́ ḿbɔ́ jʉ́njʉ́ɔ, nɛsẅíi yúu mi ɑ jínɛ ntɛ́ kyɛꞌ ɛ̂yɑ́, nɛpɔ́ yi mbɑ wɔ̌ lɑ́ ɡʉ ńzúꞋ sẅiŋɛ-Jɑ̂ŋ, ńzɑ́p tʉ́m yɛ́ nǔu kyɛꞌ ɛ̂yɑ́.

Pʉɔ-Lɔ́mɑ 5:19

Ndʉ́ŋndʉŋ pɑ́Ꞌ tɑ́Ꞌ ŋumɛsɔŋ kɑ lʉꞋnɛ nɛzúꞋ ntsu-Sɛ́, nɔɔ-lɑ́Ꞌ fú nǔu ńtsʉ́Ꞌ ɡɑŋmɛfɑɑnɛ lɑ́, tɑ́Ꞌ ŋu wɛ́mɔ́Ꞌ kɑ zúꞋ ntsu-Sɛ́, ɛ́fú nǔu nɔɔ-mɛlɑ́Ꞌ mɛlɑ́Ꞌ tsʉ́Ꞌ pʉɔ pi Sɛ́ líŋɛ́nɛ wɔ́p pɔ́p pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 11:31

Ɛ́ ŋ́ɡɛ ḿbɛn ḿbɔ́ pɔ pɔ́Ꞌɔ nǔu pɔ́p. Pɔ́p sɛ́ ńtʉʉ tú mbɔ̌ Sɛ́ ŋkɔ̂ɔnɛ, ɛ́ fú pɔ́Ꞌɔ, Sɛ́ pɔ́ ńtsɑ́ɑ mɛjʉ́ŋ mʉ́ʉ, ŋ́ɡɛ pɔ́Ꞌɔ, nɛpɔ́ yi pɔ́p ɡʉ ḿbɛn mbɔ̌ wɛ́, ɑ tsɑ́ɑ mɛjʉ́ŋ mɔ́p pɑ́Ꞌ ɑ kɑ tsɑ́ɑnɛ mʉ́ʉ lɑ́.

Ŋɡɑlɑ̂t 3:23

Kɛlístɔ kɑ ɡɔ́ ńtɔ́ tɛ pɛ́ zɑ́p tʉ́m nǔu wɛ́, pɛk pɑyúdɑ pɔ́ ńzúꞋ pɔ ntsu nɛpʉ́ʉ-Mɔ̌sɛ̂ɛ, ɛ́ pɔ́ ńcẅɛ́ɛ wɛ́k pɑ́Ꞌ pɛ́ cẅɛ́ɛnɛ ɡɑŋtsɑ́ŋ lɑ́, tɛ ŋ́kúu nǔu ŋkɑ́ yi Sɛ́ kɑ pɔ́ ŋ́ɡʉ ŋ́ɡɛ pɛ́ jí Yɛ́su Kɛlístɔ ńzɑ́p tʉ́m nǔu wɛ́.