Pʉɔ-Lɔ́mɑ 11:2 - Kɑɑ Fí

² Sɛ́ kɑ́ mɛꞋ pʉɔ pɛ́ pi ɑ kɑ zɑ́Ꞌnɛ njí ńtsɔ́Ꞌ wɔ́p pɔ́. Ɛ́ ɡʉ ŋ́ɡɛ pɑ́Ꞌ lɑ pʉʉ pɔ́ ńjí zʉꞋ-ŋwɑꞋnɛ-Sɛ́ yi ɛ́ zúꞋu Ɛlîi pɔ́ ɛ́sẅíi Sɛ́ nɛ́ yúu mi pɑíslɑyɛ̂l ɡɛnɛ,

Pʉɔ-Lɔ́mɑ 11:2 Referans Kwoze

1 Pyɛ̂ 1:2

Sɛ́ Tɑ́t kɑ tsɔ́Ꞌ wʉ́ʉ, ɛ́ pɔ́ pɑ́Ꞌ ɑ kɑ lɑ́Ꞌnɛ ńzɑ́Ꞌ njí ńzɑ́p, ḿbɛn ńdɛɛ nǔu Zẅikŋɛ yɛ́ ŋ́ɡɛ pʉʉ tsʉ́Ꞌ pʉɔ pɛ́, nɛpɔ́ yi pʉʉ ɡʉ ńzúꞋ ntsu-Yɛ́su Kɛlístɔ, ɑ lɔk mɛci mɛ́ ɛ́suk wʉ́ʉ. Sɛ́ pɔ́ mbɔ̌ pʉʉ, ŋ́ɡɑ́ mɔ́fíitɛ mbɔ̌ pʉʉ tɛ ɛ́ zɑ́ɑ zɑ́ɑnɛ.

Pʉɔ-Lɔ́mɑ 9:23

Lɑ́ Sɛ́ kɑ pɔ́ ḿbɛn ŋ́kɔŋ nɛnyɛt ndɛn fuꞋ yi ɛ́ tsɛt nɛɡúꞋ wɛ, ḿbɔ́ yi ɑ ŋ́ɡɑ́ mbɔ̌ pʉɔ pi ɑ tsɑ́ɑnɛ mɛjʉ́ŋ mɔ́p, pʉɔ pi ɑ kɑ lɑ́Ꞌnɛ ńzɑ́Ꞌ njí ńniitɛ wɔ́p ńtík, nɛɡẅɛɛ nɛɡúꞋ wɛ ẅîwɑ́.

ŊwɑꞋnɛ-Gɑŋntúu Yɛ́su Kɛlístɔ 3:17

Pɔ́ɔpɛ́mɑ́ pɑ́ɑ, n tsuŋ ḿbɔ́ ńjí sʉ́Ꞌnɛ ŋɡɔ yúu pʉʉ pɛ́ pɛfɔɔ pʉ́ʉ kɑ ɡɛnɛ nǔu Yɛ́su kɑ lɔk ḿbɔ́ pɔ ɡʉʉnɛ.

Pʉɔ-Lɔ́mɑ 9:6

Pɔ́p zɛɛ ḿbɔ́ ḿmuŋɛ Kɛlístɔ, lɑ́ mbɔ m bɔɔ cú ŋɡɔ nu yi Sɛ́ kɑ kɑꞋnɛ mbɔ̌ Pɑíslɑyɛ̂l kɑ́ kɛ́ ńcẅɛt nu pɔ́ pɔ́. Ɛ́ mbíꞋŋɡɔ ɛ́ zɛɛ ŋ́ɡɔ́ ḿbɔ́, pʉɔ pi pɔ́p nǔu njẅɛt-Pɑíslɑyɛ̂l, nɛlʉ́m kɑ́ pɔ́ kwɑꞋ pʉɔ-Pɑíslɑyɛ̂l pɔ́,

ŊwɑꞋnɛ-Gɑŋntúu Yɛ́su Kɛlístɔ 13:48

Pʉɔ pí pɔ́p kɑ́ pɔ́ pɑyúdɑ pɔ́ zúꞋ yɔ nu, ńtsɑ́ɑtɛ tɛꞋ, ŋ́ɡúꞋlɛ sẅiŋɛ-tsɑpʉɔ. Pʉɔ pi pɔ́p tsɛtsɛt pɔ́p, mbɔ Sɛ́ tsɔ́Ꞌ wɔ́p pɑ́Ꞌ pɔ́p pɛ́ pɔ́p ɡʉ ŋ́ɡẅɛɛ luk kɛ́mɛ, zɑ́p tʉ́m yɔ́p nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 7:40

ńcú mbɔ̌ Álɔŋ ŋɡɔ: «Pɛk kɑ́ zɛɛ ḿbɔ́ ńjí yúu mi ɛ́ ɡɛnɛ Mɔ̌sɛ̂ɛ ɛ̂wɑ́ cẅɛɛtɛ wɛk tsɛt ŋɡɔŋ-Ɛɡíptɔ pɔ́. Niitɛ mɛcɔ́ mɛsɛ́, ɛ́ pɔ́ mbi pɛkŋɛ ńnyɛt wɛkŋɛ nɛ́ ndúŋ.»

Jɑ̂ŋ 4:11

Mɑŋɡɛ́ ɛ̂wɑ́ cú mbɔ̌ Yɛ́su ŋɡɔ: «Ndɛ, ɔ zɛɛ mbɔɔ luŋɡɑ́ɑ ɡẅɛɛ, ŋki pɛn ḿbɔ́ tsɛt sɛ́ tɛꞋ pɑ́Ꞌɑ, ẅîwɑ́ ŋki ẅí ɛ́ ɡɑ́nɛ luk pɛn ɛ́fú pɔ ɡɔ́?

Lúkɑ́shi 4:1

Jɑ̂ŋ kɑ pɔ́ tɛ ńnuꞋ Yɛ́su ŋki, ɑ fú mbʉʉ-ŋki Juudɛŋ ŋ́ɡʉ. Zẅikŋɛ Lɛ́ɛnɛ́nɛ kúu nǔu wɛ́, ńdɔk wɛ́ ŋ́ɡʉ nɛ́ kɔ̂ŋtɛt.

Ɛ́bɛlʉʉ 1:1

Ɛ́ kɑ pɔ́ yɛcɔ́ ŋkɑ́, Sɛ́ cú nu mbɔ̌ pɛmɑ̂ɑŋɡɑpnjẅɛt pɛkŋɛ, nǔu mɛku tɛ ńzɑ́ɑ, mbɑ nǔu mɛntɛ́ tɛ ńzɑ́ɑ. Pɔ́Ꞌɔ, ńdɛɛ nǔu pɑcẅiŋkʉʉ pɛ́.

Filipɛ 1:22

Lɑ́ ɛ́ pɔ́Ꞌɔ, pɑ́Ꞌɑ ḿbɔ́ yi n dɑɑ ḿbɛ́t ŋ́ɡẅɛɛ nɛnɑ́ŋ ndǔ tsɛ́tsɑ́Ꞌ, ɛ́fɑꞋ mɛfɑꞋ sʉ́Ꞌnɛ, mbɔ mɔ ŋ́kɑŋ pɔ nɛpfú kɛ nɛnɑ́ŋ? Ŋ kɑ́ jí yi mɔ ŋ́kɑŋ pɔ́.

ŊwɑꞋnɛ-Gɑŋntúu Yɛ́su Kɛlístɔ 15:18

Ɛ́ pɔ́ mɛnu mí ɑ kɑ lɑ́Ꞌmɔ́ ŋ́ɡɛ pɛ́ jí.

1 Kɔlɛ̂ŋtɛ 6:2

Pʉʉ kɑ́ pɔ́ ńjí ŋɡɔ pʉɔ Ndɛ́ɛnɛ Lɛ́ɛnɛ́nɛ ɡʉ ńdɑ́Ꞌ lɛ́Ꞌ ŋ́ŋɑk pʉɔ-ndǔmbí pɔ́ kɛ? Ɛ́ lɑɑ ḿbɔ́ yi pʉʉ ɡʉ ńdɑ́Ꞌ ŋ́ŋɑk pʉɔ-ndǔmbí, mbɔ kʉ̈ɔ́ ḿbɛn ŋ́ɡɛ pʉʉ pɔɔ kuꞋ nɛŋɑk mɛnu mi ɛ́ zɛɛ mbɔɔ yɛcɔ́ yúu kuꞋ?

Mɑ́lɛ́kúshi 12:26

Ɛ́ ɡʉ nǔu pɛpfú pi pɔ́p ńzẅíimɛ nǔu nɛvú, mbɔ pʉʉ ŋkɑɑ mɔ́ ɛ́fúŋ yúu mi Mɔ̌sɛ̂ɛ kɑ ŋwɑꞋnɛ́nɛ, ńdɛꞋlɛ yúu mi Sɛ́ kɑ cúnɛ mbɔ̌ wɛ́, zʉꞋ yí yɛcɔ́ mɔ́yúu tʉ́ kɑ pɔ́nɛ zúꞋu, múk pɔ́ nǔu pɔ́ kɛ? Sɛ́ kɑ pɔ́ ńcú ŋɡɔ: «Mɔ, Sɛ́-Ábɛlɛhɑ̂m, ḿbɔ́ Sɛ́-Ɛ́sɑk, ḿbɔ́ Sɛ́-Yɑkɔ̂p.»

Pʉɔ-Lɔ́mɑ 6:16

Kɔɔ pʉʉ kɛ́ ńdikŋɛ ŋɡɔ ŋu lɑɑ ḿbɛ́m ŋkwɑɑ-ŋu pɑ́Ꞌ ɑ ɡʉ ḿbɔ́ ńzúꞋ ntsu-ŋɡɑŋ, mbɔ ɑ tsʉ́Ꞌ ŋkwɑɑ-ŋɡɑŋ. Ɛ́ lɔk ḿbɔ́ ŋɡɔ pʉʉ lɑɑ ḿbɔ́ ńzúꞋ ntsu-nu kɛpɔŋ, mbɔ pʉʉ tsʉ́Ꞌ ŋkwɑɑ-nu kɛpɔŋ, ɛ́ ɡɛ pʉʉ pfú, ŋ́kɛ́ ḿbɔ́ yi pʉʉ lɑɑ ḿbɔ́ ńzúꞋ ntsu-Sɛ́, mbɔ pʉʉ ɡʉ ńtsʉ́Ꞌ ŋkwɑɑ-Sɛ́, ɑ ɡɛ pʉʉ ɡɛ yúu mi ɛ́ ndʉ́ŋndʉŋ mbi yɛ́.

1 Kɔlɛ̂ŋtɛ 8:3

Lɑ́ ḿbɔ́ yi ŋu lɑɑ ḿbɔ́ ŋ́kɔŋ Sɛ́, mbɔ ŋɡɑŋ ŋu ẅí Sɛ́ ńdɑ́Ꞌ mɔ́ ńjí wɛ́.