Pʉɔ-Lɔ́mɑ 1:3 - Kɑɑ Fí

³ Ẅîwɑ́ Ŋkʉʉ cú nu nǔu Mɔ́ɔ nɛ Yɛ́su Kɛlístɔ ẅí ɑ Tsɑpʉɔ wɛkŋɛ. A kɑ shɔtnɛ ńtsʉ́Ꞌ ŋumɛsɔŋ pɛ́ pí wɛ́ nǔu njẅɛtndɑ́-fɔɔ Ndɑvît.

Pʉɔ-Lɔ́mɑ 1:3 Referans Kwoze

Mɑtʉ̈ɔ 1:1

Mɛlík-pɛtɑ́t mɑ̂ɑŋɡɑpnjẅɛt-Yɛ́su Kɛlístɔ ẅi ɑ nǔu njẅɛt-fɔɔ Ndɑvît, ẅi ɑ nǔu njẅɛt-Ábɛlɛhɑ̂m ɡúu pʉ́ɔlɑɑnɛ:

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:49

Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»

Lúkɑ́shi 1:35

Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.

1 Tɛsɑlɔník 1:10

Pɔ́Ꞌɔ, ńtsʉ́Ꞌ ńzẅíꞋlɛ pɔ ŋɡɔ Mɔ́ɔ nɛ fú tʉ́nɛ́pú ńtɔ́, Mɔ́ɔ nɛ ɛ̂wɑ́ Yɛ́su, mbɔ Sɛ́ kɑ zẅíimɛ wɛ́ nǔu nɛvú. Jʉ́ sɛ́ nɛ mbɑ́ɑ wɛkŋɛ nǔu zɑ́ŋlɔ́ŋ-Sɛ́ yi ɛ́ sɛ́ ńtɔ́.

Pʉɔ-Lɔ́mɑ 9:5

Pɛ́ mɑ̂ɑŋɡɑpnjẅɛt pɔ́p kɑ cẅɛt nǔu njẅɛt-Ábɛlɛhɑ̂m. Kɛlístɔ ẅi ɑ Sɛ́, kɑ cẅɛt yɛ́ nǔu yîyɑ́ njẅɛt, ŋkɑ́ yi pɛ́ kɑ pínɛ wɛ́ ɑ pɔ́ ŋumɛsɔŋ. A lɛɛ mbɑ kʉ̈ɔ́ lɑ́. Mbɔ́tnɛ pɔ́ nǔu wɛ́ mɛŋɡuꞋ mɛŋɡuꞋ. Ɛ́ pɔ́Ꞌɔ.

Jɑ̂ŋ 20:28

Tɔmɑ́shi tsɔ́Ꞌ mbɔ̌ wɛ́ ŋɡɔ: «Tsɑpʉɔ wɑɑ, ḿbɔ́ Sɛ́ wɑɑ.»

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Mɑtʉ̈ɔ 1:16

Yɑkɔ̂p pí Yɔsɛ̂p, Yɔsɛ̂p pɔ́ ndúu Mɑlíyɑ, Mɑlíyɑ pɔ́ mɑ́ pɛ́ Yɛ́su ẅí pɛ́ fúŋnɛ ŋɡɔ Nzɑ́Ꞌŋkʉ.

2 Timɔtɛ́ɛ 2:8

Kẅíitɛ Yɛ́su Kɛlístɔ, pɑ́Ꞌ ɑ kɑ zẅíimɛ́nɛ nǔu nɛvú, ɑ kɑ fú nǔu njẅɛt-fɔɔ Ndɑvît, ɛ́ pɑ́Ꞌ Ŋkʉʉ sʉ́Ꞌnɛ ẅi mɔ sɛ́ ńcẅi ńcúnɛ.

1 Kɔlɛ̂ŋtɛ 1:9

Jʉ́ Sɛ́ ẅi ɑ kɑ tsɔ́Ꞌnɛ wʉ́ʉ pɑ́Ꞌ pʉʉ ɡʉ ńnɑ́ŋ ŋkɑ́ tsʉʉ ńtɛmtɛ mbʉʉ yʉʉ nǔu Mɔ́ɔ nɛ Yɛ́su Kɛlístɔ ẅi ɑ Tsɑpʉɔ wɛkŋɛ, ɑ lɔɔ ŋ́kɑꞋ yúu mi ɑ ɡʉ ŋ́ɡɛ ḿbɛn ŋ́kúpmɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 2:30

Lɑ́ ɑ m̄bɔ́ Ŋɡɛ́mdʉ̈ɔ́Ꞌ-Sɛ́, ḿbɛn ḿbɔ́ ńjí nu yí Sɛ́ kɑ kɑꞋnɛ mbɔ̌ wɛ́ tɛ ŋ́kɑɑ ŋɡɔ jʉ́ Sɛ́ ɡʉnɛ ńdɑ́Ꞌ ŋ́ɡɛ, mɔ́ɔ ẅi ɑ cẅɛtnɛ nǔu njẅɛt yɛ nɑ́ŋnɛ nǔu kɔꞋ-nɛfɔɔ nɛ́.

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

Jɑ̂ŋ 10:36

mɔ m bɛn ńtʉ́ʉ pɑ́Ꞌɑ ḿbɔ́ ŋu ẅí Tɑ̌ɑ mɔ Sɛ́ kɑ tsɔ́Ꞌnɛ ńtúu ndǔ yɔ mbí, mbíꞋŋɡɔ n cúnɛ ŋɡɔ mɔ mɔ́ɔ-Sɛ́, pʉʉ cú ŋɡɔ n zɔɔtɛ Sɛ́?

Jɑ̂ŋ 5:25

Lɑ́ ɛ sẅíi wʉ́ʉ, kwɑꞋ nɛ́nẅín, ŋkɑ́ sɛ́ ŋ́kuꞋ, ɛ́ zɛɛ mɔ́ ńdɑ́Ꞌ ŋ́kuꞋ, pɑ́Ꞌ pɛpfúsɛ́ ɡʉ ńzúꞋ ŋɡi mɔ́ɔ-Sɛ́, pʉɔ pí pɔ́p zúꞋnɛ yîyɑ́ ŋɡi luk.

Lúkɑ́shi 1:69

A túu Nzɑ́Ꞌŋkʉ wɛ ɡwɛ́ mbɔ̌ pɛkŋɛ. A cẅɛt nǔu njẅɛtndɑ́-ŋɡɑŋfɑꞋ wɛ́, fɔɔ Ndɑvît,

Mɑtʉ̈ɔ 27:43

A kɑ zɑ́p tʉ́m yɛ́ nǔu Sɛ́, Sɛ́ lɑɑ ḿbɔ́ ŋ́kɔŋ wɛ́ tɛ ɛ́sẅíi nu, ɑ ɡɛ ɑ luk ŋkɔ̂ɔnɛ!» Jʉ́ ŋkɑɑnɛ zɛɛ ńcú ŋɡɔ: «A mɔ́ɔ-Sɛ́ pɔ́ ɔɔ?»

Mɑtʉ̈ɔ 26:63

Lɑ́ Yɛ́su pɔɔ tsɔ́p. NɔŋpɔꞋ wɛ ɡwɛ́ cú mbɔ̌ wɛ́ ŋɡɔ: «Lɔk lík-Sɛ́ ẅi ɑ ntʉʉ, ŋ́kɑɑ ɛ́sẅíi wɛ́k ŋɡɔ ɔ Nzɑ́Ꞌŋkʉ ẅí ɑ mɔ́ɔ-Sɛ́ kɛ ɔ kɑ́ pɔ́ ńjʉ́ɔ pɔ́ ɔɔ?

Mɑtʉ̈ɔ 15:22

ŋ́kúu zúꞋu, wɛcɔ́ mɑŋɡɛ́ Kɑ̌nɑhɑ̂n fú zúꞋu ńtɔ́, ńzɛ nɛɡɑ́ ɡwɑ́t, ńcú ŋɡɔ: «Tsɑpʉɔ, ŋu nǔu njẅɛt-fɔɔ Ndɑvît! Tsɑ́ɑ mɛjʉ́ŋ mɑ́ɑ zẅikŋɛ kɛpɔŋ sɛ́ ŋ́ɡɑ́ɑnɛ mɔ́ɔ wɑɑ wɛ mɑŋɡɛ́ tɛꞋ.»

Mɑtʉ̈ɔ 12:23

Lɑ́Ꞌ tsʉʉ jʉ́ɔ ḿmɑɑ tɛꞋ, ńcú ŋɡɔ: «Lɛ́Ꞌcɔ́ ɑ ŋu nǔu njẅɛt-fɔɔ Ndɑvît pɛ́ pyɛ́pnɛ lɑ́.»

Mɑtʉ̈ɔ 9:27

Yɛ́su fú zúꞋu ḿbɔ́ ŋ́ɡʉ, pɛcɔ́ pɛfʉmík pɛ́pɑ́ cʉ́ɔ nzʉʉ yɛ́, ḿbɔ́ ŋ́ɡɑ́ ŋɡi tʉ́ ńcú ŋɡɔ: «Ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɛ́k!»

Mɑtʉ̈ɔ 3:17

Ŋɡi-ŋu fú tʉ́nɛ́pú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.»

Mɑtʉ̈ɔ 1:6

Jɛsɛ́ pí fɔɔ Ndɑvît, fɔɔ Ndɑvît kɑ pí Sɑlɛ́mɔ, mbɔ mɑ́ pɛ́ Sɑlɛ́mɔ kɑ pɔ́ nzwɛ́ Ẅílí.

Mɛnu ɛ́ ńdɑ́Ꞌ ńcẅɛt 2:18

Ŋ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Tyɑtîi. Ŋwɑꞌnɛ ŋɡɔ: mɔ́ɔ-Sɛ́ ẅi mík mɛ́ kyɛꞋnɛ zʉꞋ pɑ́Ꞌ lʉ́m-múk lɑ́, mɛku mɛ́ pɔ́ pɑ́Ꞌ tʉ́n Mbɛlɔŋzɛ lɑ́, ɑ sɛ́ ńcú ŋɡɔ:

2 Jɑ̂ŋ 1:7

Pɑcɔtnu sɑt mɔ́ ndǔmbí tɛ ńzɑ́ɑ. Pɔ́p kɑ́ pɔ́ ḿbɛ́m ŋɡɔ Yɛ́su Kɛlístɔ kɑ tsuŋ ɛ́shɔtnɛ ńtsʉ́Ꞌ ŋumɛsɔŋ pɔ́, pɔ́p kwɑꞋ ɡɑŋcɔtnu, ḿbɔ́ pɛɡɑŋmbuu-Kɛlístɔ.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

1 Jɑ̂ŋ 5:5

Mbɔ wɔ̌ zɛɛ ńtɛn ńdɛɛ ndǔmbí? A pɔ́ pɔ ndɑꞋ ŋu ẅí ɑ pɛ́mnɛ ŋɡɔ Yɛ́su ɑ mɔ́ɔ-Sɛ́?

1 Jɑ̂ŋ 5:1

Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.

1 Jɑ̂ŋ 4:15

Ŋu lɑɑ ḿbɛ́m ŋɡɔ Yɛ́su mɔ́ɔ-Sɛ́, mbɔ Sɛ́ ɡʉ ńdɑt mbʉʉ yɛ nǔu ŋɡɑŋ, ŋɡɑŋ pɛn ńdɑt yɛ nǔu Sɛ́.

1 Jɑ̂ŋ 3:23

Nɛpʉ́ʉ nɛ́ ɛ̂nɑ́, ɛ́ pɔ ŋɡɔ: Pɛkŋɛ zɑ́p tʉ́m nǔu Mɔ́ɔ nɛ Kɛlístɔ, ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ, ɛ́ nɛpʉ́ʉ ni Yɛ́su kɑ zɑ́pnɛ ŋɡɔ pɛkŋɛ nɛn nǔu.

1 Jɑ̂ŋ 3:8

Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.

1 Jɑ̂ŋ 1:3

Yúu mi pɛk kɑ jʉ́ɔnɛ ḿbɛn ńzúꞋ, ɛ́ yîyɑ́ yi pɛk sẅíinɛ wʉ́ʉ ɡúu, ńjí ŋɡɔ pʉʉ ɡʉ tɛmtɛ nǔu pɛk, pɛkŋɛ pɛtsʉʉ tɛmtɛ nǔu Tɑ̌ɑ mbɑ nǔu Mɔ́ɔ nɛ Yɛ́su Kɛlístɔ.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Pʉɔ-Lɔ́mɑ 1:9

Mbɑ ŋkɑ́ kʉ̈ɔ́ lɑ́ yi mɔ sɛ́ ḿbúꞋ mbɔ́ mbɔ̌ Sɛ́, m bɔɔ nɑ́ kɛ́ kɛ́ ŋ́kẅíitɛ wʉ́ʉ pɔ́. Sɛ́ sɛ́ ńjí pɔ́Ꞌɔ. N cú pɑ́Ꞌɑ ḿbɔ́ ŋu ẅí ɑ sɛ́ fɑꞋ fɑꞋ yɛ́ nɛ́ ŋɡɔŋ tʉ́m yɛ́ tsʉʉ, ḿbɔ́ ńcẅi Ŋkʉʉ Sʉ́Ꞌnɛ ẅí ɛ́ líŋɛ́nɛ Mɔ́ɔ nɛ.

ŊwɑꞋnɛ-Gɑŋntúu Yɛ́su Kɛlístɔ 9:20

Ɛ́ ɡɔ́ ḿbɔ́, mbɔ ɑ ŋkɑɑ kɛ́ ńzẅíꞋlɛ lɑ́ ńzɛ nɛpɔ́ ŋ́kúu mɛndɑ́-mɛcúꞋlɛ-pɑyúdɑ mi ɛ́ zúꞋu, ḿbɔ́ ɛ́sɑ́Ꞌ ŋɡɔ Yɛ́su mɔ́ɔ-Sɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 8:36

Pɔ́pmɛ́ kɑ pɛ́t ńnɛn nɛnnɛ, ńcẅɛt nǔu yɛcɔ́ zʉꞋ, ŋki pɔ́ zúꞋu. Ŋu-Ɛ́tíyɔ́pîi ɛ̂wɑ́ cú mbɔ̌ Filîp ŋɡɔ: «Ŋki pʉ́ɔlɑ́, ɛ́ lɑɑ ḿbɔ́ kʉ̈ɔ́ kíꞋ tɛ pɛ́ pɔɔ wɑ́ɑ ŋki nuꞋ?»

ŊwɑꞋnɛ-Gɑŋntúu Yɛ́su Kɛlístɔ 3:13

Ɛ́ pɔ́ pɔ ŋɡɔ Sɛ́-Ábɛlɛhɑ̂m, ḿbɔ́ Sɛ́-Ɛsɑk, mbɑ wɛ Yɑkɔ̂p, mbɔ Sɛ́-pɛmɑ̂ɑŋɡɑpnjẅɛt pɛkŋɛ, kɑ ɡɑ́nɛ nɛɡúꞋ mbɔ̌ ŋɡɑŋfɑꞋ wɛ Yɛ́su. Mbɔ pʉʉ kɑ fɛn wɛ́ mbɔ̌ pɑsɑ́Ꞌlɑ́Ꞌ, ḿmuŋɛ wɛ́ mbi Pilɑ́tu. Lɑ́, mbɔ ɑ kɑ ŋɑk ntsɑŋ Yɛ́su ɛ̂wɑ́ tɛ ńzɑ́p ŋɡɔ pɛ́ nɑ́ wɛ́.

Jɑ̂ŋ 7:42

Ntɛ́ ŋɡɔ pɛ́ kɑ ŋwɑꞋnɛ tsɛt ŋwɑꞋnɛ-ndɛn kɑɑ ŋɡɔ: «Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ɛ́fú pɔ nǔu njẅɛtndɑ́-fɔɔ Ndɑvît, ŋɡɔ Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ɛ́fú pɔ Mbɛ́tɛlɛhɛ̂m ẅí ɛ́ lɑ́Ꞌ pɛ́ fɔɔ Ndɑvît.»

Jɑ̂ŋ 1:34

N jʉ́ɔ, lɑ́ mɔ sɛ́ ɛ́sɑ́Ꞌ ɛ́sẅíi pʉɔ ŋɡɔ jʉ́ pɔ́nɛ mɔ́ɔ-Sɛ́.

Pʉɔ-Lɔ́mɑ 4:1

Tɛ ɛ́ pɑ́Ꞌɑ pɛkŋɛ ɡʉ ńcú ŋɡɔ kʉ̈ɔ́, nǔu nu-Ábɛlɛhɑ̂m ẅi ɑ mɑ̂ɑŋɡɑpnjẅɛt wɛk pɑyúdɑ? A kɑ lɔk mɛtʉʉ-ŋumɛsɔŋ ŋ́ɡẅɛɛ kʉ̈ɔ́?

Pʉɔ-Lɔ́mɑ 9:3

Pɛkŋɛ pɛpɔ́p tɑ́Ꞌ njẅɛt. Ɛ́ kɑ pɔ́ yi mbɔ sɛ̂ndúŋ pɔ́ ɡú nɛpɔ́ yi Sɛ́ ɡʉ ḿbɑꞋnɛ wɑ́ɑ pɛk Kɛlístɔ pɛn ɛ́fɑkŋɛ, tɛ ɛ́ pɔ́ yi pɔ́ɔpɛ́mɑ́ pɑ́ɑ pɑyúdɑ ɡʉ ńdɛɛ nǔu ńjí ŋu ẅí Kɛlístɔ jʉ́, mbɔ ɛ́ lɑɑ ḿbɔ́ m bɔɔ lʉꞋ.

1 Kɔlɛ̂ŋtɛ 10:18

Pʉʉ líŋɛ pɑíslɑyɛ̂l lɑ ńjʉ́ɔ, ɛ́ tsɛtsɛt pɔ́p, pʉɔ pí pɔ́p lɔ ŋ́kwɛ́t yɔ́p mbɑp pɔ nǔu yúu pɔꞋ yí pɛ́ lɔknɛ ńtɔ́ mbi Sɛ́ lɑ́, pɔ́p pɛ́ Sɛ́ ẅi zʉꞋ-pɔꞋ yɛ́ lɔk pɔ́Ꞌɔ ńtɛmtɛ ḿbɔ́ tɑ́Ꞌ ŋu.

1 Timɔtɛ́ɛ 2:5

Sɛ́ zɛɛ ḿbɔ́ pɔ wɛ́mɔ́Ꞌ. Nɛnkɛ́m pɔ́ pɔ wɛ́mɔ́Ꞌ tsɛtsɛt Sɛ́ pɔ́p pʉɔmɛsɔŋ. A Yɛ́su Kɛlístɔ, ḿbɔ́ yɛ́ ŋumɛsɔŋ.