Pʉɔ-Lɔ́mɑ 1:23 - Kɑɑ Fí

²³ Pɔ́p nɑ́ nɛɡúꞋlɛ Sɛ́ ẅí ɑ ɡẅɛɛnɛ nɛɡúꞋ, ḿbɔ́ kɛ́ pfú, ńtsʉ́Ꞌ ŋ́ɡúꞋlɛ pɔ yúu níinɛ, mɛyúu mi ɛ́ fínɛ ŋumɛsɔŋ ẅí ɑ ḿpfú, fí pɛshʉ́ŋ, pɛcɔ́ fí mɛyúumɛku mi ɛ́ ɡẅɛɛnɛ mɛku mɛ́nɛ́kwɑ, pɛcɔ́ fí mɛyúumɛku mi ɛ́ shuŋnɛ nɛpɛm nɔ́p pɔ sɛ́.

Pʉɔ-Lɔ́mɑ 1:23 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 17:29

Pɛkŋɛ lɔk ḿbɔ́ pʉɔ-Sɛ́. Pɔ́Ꞌɔ lɑ́, kɔɔ pɛkŋɛ kwɑŋɛ ŋɡɔ Sɛ́ yɛcɔ́ yúu mi pʉɔ kɑ lɔk jínu, ńdɔk tʉ́n-ŋɡɔ̂l, kɛ pɔ tʉ́n-ŋkɑ́p ɔɔ, kɛ ŋɡɔꞋ ɔɔ, ńdɔk ńniitɛ wɛ́.

Pʉɔ-Lɔ́mɑ 1:25

Pɔ́p kɑ nɑ́ nu nɛ́nẅín yi ɛ́ nǔu Sɛ́, ńcʉ́ɔ nzʉʉ cɔtnu, ɛ́ pɔ́ pɑ́Ꞌ pɔ́p tsʉ́Ꞌ ŋ́ɡúꞋlɛ pɔ́ yúu mi Sɛ́ kɑ niitɛ́nɛ, ńtsʉ́Ꞌ ɛ́fɑꞋ pɔ mbɔ̌ mîmɑ́ mɛyúu. Lɑ́ pɛ́ ɡẅɛɛ nɛɡúꞋlɛ pɔ jʉ́ mbuꞋŋɡɔŋ, ŋ́ɡúꞋlɛ wɛ́ nǔu mɛŋɡuꞋ mɛŋɡuꞋ, Ɛ́ pɔ́Ꞌɔ.

1 Pyɛ̂ 4:3

Yɔ ndẅiklɛ pɑ́Ꞌ ɛ́ zɛɛ ŋ́ɡɔ́ ḿbɔ́ mbɔ pʉʉ kɑ pɔ́ yɛcɔ́ ŋkɑ́ ḿbɔ́ ŋ́ɡɛ yúu mi pɑkɛ́jí Sɛ́ sɛ́ ŋ́kɔŋ. Pʉʉ kɔŋ nɛfʉꞋ mɛnu tɛ ɛ́sɑ́Ꞌ sɑ́Ꞌnɛ, ḿbɔ́ ŋ́ɡɛ mbɑ kʉ̈ɔ́ lɑ́ yi mbʉʉ yʉʉ tsʉ́ʉnɛ́nɛ wʉ́ʉ nɛɡɛ, ḿbɑ́ mɛluꞋ, ńcúꞋlɛ nǔu ndínɑ nɛkwɛ́t yúu ŋ́ɡɛ mɛnu sʉ́ʉ, pʉʉ kɔŋ nɛjúk pɔ nɛnɔ́ mɛluꞋ, pʉʉ kɔŋ nɛɡúꞋlɛ yúu ŋɡɔ ɛ́ mɛsɛ́, ɛ́ pɔ́ yúu mi Sɛ́ kɑ́ sii ŋ́kɔŋ pɔ́.

1 Kɔlɛ̂ŋtɛ 12:2

Pʉʉ sɛ́ ńjí ŋɡɔ, ɛ́ kɑ pɔ́ ŋkɑ́ yi pʉʉ kɑ pɛ́tnɛ kɛ́ zɑ́p tʉ́m nǔu Yɛ́su Kɛlístɔ, yɛcɔ́ yúu pɔ́ ńtsʉ́ʉnɛ wʉ́ʉ pʉʉ ɡúꞋlɛ mɛsɛ́, tɛ mbɑ pɑ́Ꞌ ɛ́ yúu mi mbɔ ɛ́ pɔɔ nu cú lɑ́.

Mɛnu ɛ́ ńdɑ́Ꞌ ńcẅɛt 9:20

Ɛ́ ɡʉ nǔu pfuꞋ pʉɔ pí sɑ̌ɑ yúu mi ɛ́ ɡɑ́nɛ ŋɡʉ̈ɔ́Ꞌ ŋkɑɑ wɔ́p jẅí, pɔ́p kɛ́ ḿbɔɔ kúpmɛ mɑt wɔ́p ḿmɛꞋ mɛfɑꞋ kɛpɔŋ mí pɔ́p lɔɔnɛ pɔ́. Pɔ́p ŋkɑɑ nɑ́ nɛɡúꞋlɛ mɛzẅikŋɛ kɛpɔŋ pɔ́. Pɔ́p pɔɔ nɑ́ nɛɡúꞋlɛ yúu mi pɛ́ ɡúꞋlɛ́nɛ ŋɡɔ ɛ́ mɛsɛ́ pɔ́, mi pɛ́ kɑ lɔknɛ tʉ́n-ŋɡɔ̂l ńniitɛ, kɛ pɔ́ mi pɛ́ kɑ lɔknɛ tʉ́n-ŋkɑ́p ńniitɛ pɔ́, kɛ mi pɛ́ kɑ lɔknɛ tʉ́n-Mbɛlɔŋzɛ ńniitɛ pɔ́, kɛ mi pɛ́ kɑ lɔknɛ ŋɡɔꞋ ńniitɛ pɔ́, kɛ mi pɛ́ kɑ lɔknɛ kɛm tʉ́ ńniitɛ pɔ́, mɛyúu mi ɛ́ kɑ́ kuꞋ nɛjʉ́ɔ zʉꞋ pɔ́, ŋ́kɛ́ mbɔɔ kuꞋ nɛzúꞋ nu pɔ́, ŋ́kɛ́ mbɔɔ kuꞋ nɛnɛn pɔ́.

ŊwɑꞋnɛ-Gɑŋntúu Yɛ́su Kɛlístɔ 10:12

Ntɛ́ nɛ́ ntɛ́ mɛyúumɛku pɔ́ tsɛtú. Mɛnɑɑ mɛku mɛ́nɛ́kwɑ, mɛyúumɛku mi pɔ́p shuŋnɛ nɛpɛm nɔ́p pɔ sɛ́, ŋ́ɡɛ pɛshʉ́ŋ.