Pʉɔ-Lɔ́mɑ 1:20 - Kɑɑ Fí

²⁰ Ɛ́ zɛɛ ŋ́ɡɔ́ ḿbɔ́, mbɔ tɛ fúnɛ pɑ́Ꞌ Sɛ́ kɑ niitɛ́nɛ ndǔmbí, pɛ́ fú pɔ nǔu yúu mi ɑ kɑ niitɛ́nɛ, ńjí ŋɡɔ ɑ Sɛ́, tɛ mbɑ pɑ́Ꞌ pɛ́ kɑ́ pɔ́ ńjʉ́ɔ wɛ́ nɛ́ mík pɔ́. Pɛ́ jí mɛtʉʉ mɛ́ mi ɛ́ ŋ́ɡʉ ńdɑ́Ꞌ ḿmɛ pɔ́. Ɛ́ lɛɛ pɔ́Ꞌɔ, mbɔ pʉɔmɛsɔŋ pɔɔ lɑ́Ꞌ ńcú ŋɡɔ pɔ́p ŋkɑɑ ḿbɔ́ ńjí Sɛ́ pɔ́ pɔ́.

Pʉɔ-Lɔ́mɑ 1:20 Referans Kwoze

Pʉɔ-Lɔ́mɑ 1:19

mbíꞋŋɡɔ yúu mi mbɔ pɛ́ jí nǔu Sɛ́, pɔ́p pɛn ḿbɔ́ ńjí yɔ́p. Sɛ́ kɑ sɑ́ɑnɛ sɑ́ɑnɛ́nɛ ńnyɛt wɔ́p nɛ́ yúu ɛ̂mɑ́.

Pʉɔ-Lɔ́mɑ 2:15

Pɔ́p lɔk pɔ́Ꞌɔ, ńnyɛt ŋɡɔ mɛfɑꞋ mi nɛpʉ́ʉ sɛ́ ḿbíkŋɛ ŋɡɔ pɛ́ fɑꞋ, Sɛ́ kɑ ŋwɑꞋnɛ tsɛt tʉ́m pɔ́p, tɛ mbʉʉ yɔp pɔ́ ḿbɛ́m ŋɡɔ ɛ́ nu nɛ́nẅín. Kwɑŋɛ yɔ́p ɡʉ ŋkɑ́ yi ɛ́ ɡʉ ŋ́ŋɑk wɔ́p, ńdɔk pɔ mɛfɑꞋ ɛ̂mɑ́ ŋ́ŋɑk wɔ́p, ŋ́ɡʉ ŋkɑ́ yi ɛ́ ḿbɛꞋ mɛlɑꞋ mɔ́p ḿbɛn ŋ́ɡɛ pɔ pɔ́Ꞌɔ.

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Jɑ̂ŋ 15:22

«Mɔ ḿbɔ́ pɛ́Ꞌnɛ, mbɔɔ tɔ́, m bɔ́ pɛ́Ꞌnɛ pɛk pɛ́ pɔ́p pɔɔ sẅiŋɛ, mbɔ yɛcɔ́ mɛnu kɛpɔŋ kɑ́ pɔ́ nǔu pɔ́p pɔ́. Lɑ́ ɛ́ kɛ́ ḿbɔ́ ŋkɔ̂ɔnɛ pɑ́Ꞌnɛ yɛcɔ́ nu mbɔ pɔ́p cú ńdɔk ńcẅɛ́ɛ tú yɔ́p ntɛ́ mɛnu kɛpɔŋ mɔ́p kɑ́ pɔ́ ɡú pɔ́.»

1 Timɔtɛ́ɛ 1:17

MɛkuꞋ pɔ́p ɡúꞋlɛ ńdɑ́Ꞌ ḿbɔ́ mɛŋɡuꞋ mɛŋɡuꞋ, pɔ mbɔ̌ fɔɔ ẅí ɑ ɡʉ ńdɑ́Ꞌ ḿbɔ́ pɔ ɡú. Jʉ́ ẅí ɑ ndɑ́Ꞌ Sɛ́, ḿbɔ́ kɛpfú, ḿbɔ́ ẅi pɛ́ kɑ́ pɔ́ ńjʉ́ɔ wɛ́ nɛ́ lík pɔ́. Ɛ́ pɔ́Ꞌɔ.

Kɔlɔsíyɛ̂ŋ 2:9

MbíꞋŋɡɔ kʉ̈ɔ́ lɑ́ yi ɛ́ nǔu Sɛ́ ɔɔ, pɛ́ jʉ́ɔ nǔu Kɛlístɔ.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

Pʉɔ-Lɔ́mɑ 2:1

Mbɔ ŋu zɛ nɛtɔ́ lɔ́Ꞌ-pʉɔ pi pɔ́p ɡɛnɛ yîyɑ́ ntɛ́ mɛnu, ɡu ẅí mbɔ ɔ tɔ́, jí ŋɡɔ mbɔ ɔ pɔɔ nɑ́ kɛ́ vu yú ntsɑŋ vunɛ pɔ́, tɛ pɑ́Ꞌ ɔ lɑɑ ńzɛɛ ḿbɔ́ pɔ wɔ̌ lɑ́. Pɔ́Ꞌɔ mbíꞋŋɡɔ ɔ sɛ́ ńtɔ́ lɔ́Ꞌ-pʉɔ lɑ́ ḿbɛn ḿbɔ́ ŋ́ɡɛ yú pɔ pɑ́Ꞌ pɔ́p ńdɔk ɛ́shɔtnɛ ńtɔ́k pɔ lʉɔ ńdɔk ŋ́kút mbʉʉ yu.

Kɔlɔsíyɛ̂ŋ 1:15

Pɛ́ ŋ́kɑɑ mɔ́ jʉ́ɔ Sɛ́ pɔ́, lɑ́ Mɔ́ɔ nɛ ẅí pɛ́ kɑ jʉ́ɔnɛ wɛ́ ɑ pɔ́ pɔ Sɛ́ tɛ ḿmɛ. Jʉ́ tʉ́ʉnɛ túmbi nǔu mbɑ kʉ̈ɔ́ lɑ́ yi Sɛ́ kɑ pɔ́ɔnɛ.

1 Timɔtɛ́ɛ 6:16

A ndɑꞋ jʉ́ zɛ́nɛjʉ́ ẅi ɑ kɛpfú. A ńnɑ́ŋ nǔu zʉꞋ yi ɛ́ ŋwɑŋɛ́nɛ tɛ ḿbɔ́ ŋumɛsɔŋ pɔɔ kẅɛ́Ꞌlɛ tɛ ḿbɑ́ɑtɛ zúꞋu pɔ́. Ŋu ŋkɑɑ mɔ́ zɛɛ ńjʉ́ɔ wɛ́ pɔ́, ḿbɔ́ ŋu pɔɔ kuꞋ nɛjʉ́ɔ wɛ́ pɔ́. Ɛ́ pɔŋ ŋɡɔ mɛkuꞋ mɛ́ mbɑ nɛfɔɔ nɛ́ lɑ́Ꞌ ḿbɔ́ pɔ ɡú. Ɛ́ pɔ́Ꞌɔ.

Pʉɔ-Lɔ́mɑ 16:26

Ɛ́ pɛn ḿbɔ́ ŋkɔ̂ɔnɛ, mbɔ ɛ́ cẅɛt mɔ́ mɑ́ntɑ́ɑ. Pɑ́Ꞌ Sɛ́ kɑ cúnɛ lɑ́, pɛ́ ŋkɔ̂ɔnɛ ḿbɔ́ ɛ́fú nǔu yúu mi pɑcẅiŋkʉʉ-Sɛ́ kɑ ŋwɑꞋnɛ́nɛ, ḿbɔ́ ɛ́sɑ́Ꞌ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ńjí Kɛlístɔ, ńzɑ́p tʉ́m nǔu wɛ́, ńzúꞋ ntsu wɛ́.

ŊwɑꞋnɛ-Gɑŋntúu Yɛ́su Kɛlístɔ 17:29

Pɛkŋɛ lɔk ḿbɔ́ pʉɔ-Sɛ́. Pɔ́Ꞌɔ lɑ́, kɔɔ pɛkŋɛ kwɑŋɛ ŋɡɔ Sɛ́ yɛcɔ́ yúu mi pʉɔ kɑ lɔk jínu, ńdɔk tʉ́n-ŋɡɔ̂l, kɛ pɔ tʉ́n-ŋkɑ́p ɔɔ, kɛ ŋɡɔꞋ ɔɔ, ńdɔk ńniitɛ wɛ́.

Ɛ́bɛlʉʉ 11:27

Ɛ́ kɑ fú pɔ nǔu pɑ́Ꞌ ɑ kɑ zɑ́pnɛ tʉ́m yɛ́ nǔu Sɛ́, lɑ́ fɔɔ Ɛ́ɡíptɔ zɛ nɛzɑ́ŋ lɔ́ŋ, ɑ fú zúꞋu ńcẅɛt ŋ́ɡʉ kɛ́ pɔ́k yúu mi ḿbɔ́ ɑ ɡɛ nǔu wɛ́. Tʉ́m yɛ́ tɛntɛ tɛntɛnɛ, mbíꞋŋɡɔ ɛ́ kɑ pɔ́ ŋkɑ́ yi ɑ sɛ́ ńdɔk mík ńjʉ́ɔ Sɛ́ ẅi ḿbɔ́ ŋu pɔɔ wɛ́ jʉ́ɔ.

Mɑtʉ̈ɔ 5:45

Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡʉ ḿbɔ́ kwɑꞋ pɔ́ɔ-Tɑ̌ɑ wʉʉ ẅí ɑ tʉ́nɛ́pú. A ɡɛ mɔ́nɛm wɛ tɑ́ nǔu pʉɔ kɛpɔŋ mbɑ nǔu pʉɔ sʉ́Ꞌnɛ, ḿbɛn ŋ́ɡɛ mbʉŋ lɔ́ nǔu pʉɔ pinɛ pɔ́p ɡẅɛɛnɛ nɛpʉ́ʉ nɛ́ mbɑ pinɛ pɔ́p kɑ́ ɡẅɛɛ.

ŊwɑꞋnɛ-Gɑŋntúu Yɛ́su Kɛlístɔ 22:1

«Pɔ́ɔpɛ́mɑ́ pɑ́ɑ, pɛtɑ́t pɑ́ɑ, pʉʉ zẅíꞋlɛ. Ŋ ɡʉ ḿbɛ́ɛtɛ ntsu wɑ́ɑ.»

Mɑ́lɛ́kúshi 10:6

Ɛ́ kɑ kɛ́ ɛ́fú nɔŋŋɡɔŋ, ḿbɔɔ pɔ́Ꞌɔ pɔ́. Ɛ́ tsɛt ŋwɑꞋnɛ-Sɛ́ ŋɡɔ: «Sɛ́ kɑ pɔ́ɔ ŋu mbɛ́ɛnɛ pɔ́p mɑŋɡɛ́.»

1 Kɔlɛ̂ŋtɛ 1:20

Jínu lɔk pɑ́Ꞌɑ ḿbɛn ḿbɔ́ ɡɔ́? Ŋkyɛ́Ꞌtɛ ŋwɑꞋnɛ-Sɛ́ pɔ́ ɡɔ́? Nzɔŋnu nǔu yɔ kɛm-njí pɔ́ yɛ́ ɡɔ́? Sɛ́ ŋkɑɑ kɛ́ ŋ́ɡɛ jínu-ndǔmbí tsʉ́Ꞌ mɛnu-pʉɔ pɔɔ?