Pʉɔ-Lɔ́mɑ 1:2 - Kɑɑ Fí

² Ntí sɑk pɑ́Ꞌ Sɛ́ kɑ lɑ́Ꞌnɛ ŋkɑꞋ ẅîwɑ́ Ŋkʉʉ Sʉ́Ꞌnɛ tɛ ŋ́ɡɛ pɑcẅiŋkʉʉ pɛ́ pɛ́ ŋkɑ́mbi ŋwɑꞋnɛ tsɛt ŋwɑꞋnɛ yɛ́.

Pʉɔ-Lɔ́mɑ 1:2 Referans Kwoze

Tîtɛ 1:2

Pɔ́Ꞌɔ, mbɔ pɔ́p ńnɑ́ŋ ḿbɔ́ ńzẅíꞋlɛ luk kɛ́mɛ yi Sɛ́ kɑ lɑ́Ꞌ ḿbɛ́t pɔ kɛ́ puꞋ ŋɡɔŋ, ŋ́kɑꞋ mbɔ̌ pʉɔ pɛ́. Pɛ́ jí ŋɡɔ ɑ lɔ̌ɔ ńcú nu pɛ́ lɔɔ kɛ́kɑ́ŋ pɔ́.

Lúkɑ́shi 1:70

ɛ́ pɔ́ nu yinɛ ɑ kɑ lɑ́Ꞌ ńcú tɛ ntí ɡú, ɔ́ɔŋ, ɑ kɑ lɔk ntsu-pɛɡɛ́mndʉ̈ɔ́Ꞌ pɛ́ ńcú ŋɡɔ:

Pʉɔ-Lɔ́mɑ 16:26

Ɛ́ pɛn ḿbɔ́ ŋkɔ̂ɔnɛ, mbɔ ɛ́ cẅɛt mɔ́ mɑ́ntɑ́ɑ. Pɑ́Ꞌ Sɛ́ kɑ cúnɛ lɑ́, pɛ́ ŋkɔ̂ɔnɛ ḿbɔ́ ɛ́fú nǔu yúu mi pɑcẅiŋkʉʉ-Sɛ́ kɑ ŋwɑꞋnɛ́nɛ, ḿbɔ́ ɛ́sɑ́Ꞌ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ńjí Kɛlístɔ, ńzɑ́p tʉ́m nǔu wɛ́, ńzúꞋ ntsu wɛ́.

Pʉɔ-Lɔ́mɑ 3:21

Lɑ́ ɛ́ nǔu ŋkɔ̂ɔnɛ, mbɔ Sɛ́ kɛ́mɔ́ ńdɛꞋlɛ ntɛ́ yi ɑ ɛ́fú nǔu ńtsʉ́Ꞌ ńdíŋɛ ŋu ɑ pɔ́ pɔ ndʉ́ŋndʉŋ mbi yɛ́, ɛ́ kɛ́ mbɔɔ ntɛ́ yi ɛ́ fúnɛ nǔu nɛpʉ́ʉ pɔ́. ŊwɑꞋnɛ-nɛpʉ́ʉ-Mɔ̌sɛ̂ɛ tɛ mbɑ nɛ́ pɑncẅiŋkʉʉ-Sɛ́ kɑ cú nu ntɛ́ ẅîwɑ́ sɛ̂ndúŋ.

Pʉɔ-Lɔ́mɑ 3:2

Pii kɛ́ ḿbɔ́ ɡú tɛꞋ, mɛshʉ́ mɛshʉ́ nǔu nɛpɔ́ ŋu-Pɑyúdɑ. Nduŋmbi pɔ́ pɑ́Ꞌ Sɛ́ kɑ ɡɑ́nɛ sẅiŋɛ yɛ́ pɔ mbɔ̌ pɑyúdɑ.

ŊwɑꞋnɛ-Gɑŋntúu Yɛ́su Kɛlístɔ 10:43

Jʉ́ zɛɛnɛ ḿbɔ́ ŋu ẅí pɛŋɡɛ́mndʉ̈ɔ́Ꞌ-Sɛ́ pɛtsʉʉ kɑ pɔ́ ńdɛꞋlɛ, pɑ́Ꞌ pɔ́p kɑ pɔ́ ńcú ŋɡɔ mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su, Sɛ́ ɡʉ ńdikŋɛ mɛnu kɛpɔŋ-ŋɡɑŋ ŋ́ɡɑ́ mbɔ̌ wɛ́, ntɛ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 26:6

Ŋkɔ̂ɔnɛ, yúu mi pɛ́ ŋɑknɛ wɑ́ɑ nǔu ɛ́ pʉ̈ɔ́lɑ́: Ḿbɔ́ yi Sɛ́ kɑ kɑꞋ nu mbɔ̌ pɛmɑ́ŋɡɑpnjẅɛt pɛkŋɛ, m bɛn ḿbɔ́ ńzẅíꞋlɛ pɑ́Ꞌ ɛ́ ɡʉ ŋ́ɡɛ puutɛ.

Mɑtʉ̈ɔ 1:22

Mɔ mɛnu lɔk ḿbuutɛ pɑ́Ꞌɑ nǔu sẅiŋɛ yí Tsɑpʉɔ kɑ lɔknɛ ntsu-Ŋɡɛ́mndʉ̈ɔ́Ꞌ wɛ ńcú ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 13:32

Pɛk yɛ́k, pɛk tʉ́ʉ pɑꞋnɛ, ḿbɔ́ ḿbʉ́ wʉ́ʉ nɛ́ yîyɑ́ nu sʉ́Ꞌnɛ. Ɛ́ pɔ́ nu yí Sɛ́ kɑ lɑ́Ꞌnɛ ŋ́kɑꞋ mbɔ̌ pɛmɑ́ŋɡɑpnjẅɛt-pɑíslɑyɛ̂l.