Filɛmɔ̂ŋ 1:9 - Kɑɑ Fí

⁹ n jʉ́ɔ ŋɡɔ ŋ ɡʉ ńdɛɛ nǔu ŋkɔŋɛ yúu, ḿbúꞋ mbɔ́ mbɔ̌ ɡu púꞋnɛ. Tɛ mbɑ pɑ́Ꞌ mɔ Pɔ̂l, n tsʉ́Ꞌ pɔ ndwɛn ndʉ́m, ḿbɛn ŋ́ɡɔ́ ḿbɔ́ ŋkɔ̂ɔnɛ, ḿbɔ́ ndɑ́tsɑ́ŋ ntɛ́ Yɛ́su Kɛlístɔ lɑɑ.

Filɛmɔ̂ŋ 1:9 Referans Kwoze

Ɛ́fɛ̂zɛ 4:1

Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

2 Kɔlɛ̂ŋtɛ 5:20

Pɛk lɔk pɑ́Ꞌɑ ḿbɔ́ pɛmɑ́ntúu-Kɛlístɔ lɑ ńcú nu. Ɛ́ pɑ́Ꞌɑ ńdɔk ḿbɔ́ ŋɡɔ Sɛ́ ɛ̂wɑ́ fúŋnɛ pʉɔ. Pɛk lɔk lík-Kɛlístɔ, ḿbúꞋ mbɔ́ ŋɡɔ pʉɔ pɛ́m Sɛ́ ŋ́ɡɛ pɔ́p pɛpɔ́p pɛn ḿbɔ́ sʉ́Ꞌnɛ.

Pʉɔ-Lɔ́mɑ 12:1

Pɔ́ɔpɛ́mɑ́ pɑ́ɑ, pɑ́Ꞌ Sɛ́ kɑ ńtsɑ́ɑ mɛjʉ́ŋ mɛkŋɛ lɑ́, mɔ sɛ́ ńcú mbɔ̌ pʉʉ ŋɡɔ pʉʉ ɡɑ́ mbʉʉ yʉʉ mbɔ̌ wɛ́ pɑ́Ꞌ yúu-pɔꞋ lɑ́, ńtsʉ́Ꞌ ńnɑ́ŋ ńzúꞋ pɔ mbɔ̌ wɛ́, ḿbɔ́ pɔ pʉɔ pɛ́ ndɑꞋ, ŋ́ɡɛ pɔ yúu mi ɛ́ ɡʉ ḿbɔŋ wɛ́. Nɛɡɛ pɔ́Ꞌɔ, ɛ́ nɛɡúꞋlɛ Sɛ́ nǔu ntɛ́ yi sʉ́Ꞌnɛ.

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

1 Pyɛ̂ 2:11

Pɛsúu pɑ́ɑ pɛ́ tʉʉndɛn, pʉʉ ndǔ tsɛ́tsɑ́Ꞌ zɑ́Ꞌnɛ ḿbɔ́ pɔ pɑlɛɛndúŋ, ḿbɛn ḿbɔ́ pɔ pɛɡʉʉ. Yúu mi ɛ́ ɡɛnɛ m bɔ́ ɛ́sẅíi wʉ́ʉ ŋɡɔ kɔɔ pʉʉ nɑ́ tɛ mbʉʉ yʉʉ tsʉ́ʉnɛ wʉ́ʉ nɛɡɛ yúu mi ɛ́ ŋ́kɔŋnɛ, mbíꞋŋɡɔ ɛ́ pɔ́Ꞌɔ, ḿbɔ́ ńdʉ̈ɔꞋ tʉ́m yʉ́ʉ nɛ́ ntsɔ.

Ɛ́bɛlʉʉ 13:19

N tsuŋ ńdɔ́ɔ mbɔ̌ pʉʉ ŋɡɔ pʉʉ niitɛ ḿbúꞋ mbɔ́ mbɔ̌ mbɔ́ Sɛ́, ɑ pɛ́m m bɛn nzʉʉ ńtɔ́ ńtsɛ́t wʉ́ʉ.

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

Ɛ́fɛ̂zɛ 6:20

Mɔ mɑ́ntúu nɛcẅi ẅîwɑ́ Ŋkʉʉ, tɛ mbɑ pɑ́Ꞌ mɔ pɔ ndɑ́tsɑ́ŋ lɑɑ. Pʉʉ cɛꞋlɛ Sɛ́ ŋɡɔ ŋ ɡẅɛɛ sʉk nɛlɔk ńcú pɑ́Ꞌ ɛ́ sɛ́ ḿbíkŋɛ ŋɡɔ n cú.

1 Timɔtɛ́ɛ 1:12

Ŋ ɡɑ́ pɑ́Ꞌlɑ́ mbɔ̌ Tsɑpʉɔ wɛkŋɛ Yɛ́su Kɛlístɔ pɑ́Ꞌ ɑ kɑ ɡɑ́nɛ wɑ́ɑ nɛ́ mɛtʉʉ nɛlɔk ɛ́fɑꞋ fɑꞋ yɛ́. Ŋ ɡɑ́ pɑ́Ꞌlɑ́ mbɔ̌ wɛ́ pɑ́Ꞌ ɑ kɑ jʉ́ɔnɛ ŋɡɔ ŋ kuꞋ wɛ ŋu, ńtsɔ́Ꞌ wɑ́ɑ ńdɔk ŋ́ɡɛ ŋɡɑŋfɑꞋ wɛ.

Tîtɛ 2:2

ZíꞋ mbɔ̌ pɛlʉ́m mbɛ́ɛnɛ ŋɡɔ kɔɔ pɔ́p ɡɛ yɛcɔ́ yúu tɛ ɛ́ lɛɛ, ŋɡɔ pɔ́p pɔ́ pʉɔ-mɛkuꞋ, ŋɡɔ pɔ́p pɔ́ pʉɔ pi pɔ́p sɑ́ŋnɛ nu lɑ ŋ́ɡɛ. Pɔ́p pɛn ńzɑ́p tʉ́m nǔu Sɛ́ tɛ ńzɑ́p, ńnɑ́ŋ ŋ́kɔŋ pʉɔ tɛ ŋ́kɔŋ, ɛ́sʉk mɛnu tɛ ɛ́sʉk.