Filɛmɔ̂ŋ 1:5 - Kɑɑ Fí

⁵ Ŋ ɡɑ́ pɑ́Ꞌlɑ́ mbɔ̌ wɛ́ mbíꞋŋɡɔ mɔ sɛ́ ńzúꞋ pɛ́ lɛꞋlɛ ntɛ́ ŋkɔŋɛ yí ɔ ɡẅɛɛnɛ nzʉʉ pʉɔ-Sɛ́ mbɑ ntɛ́ yi ɔ lɔknɛ ńzɑ́p tʉ́m yú nǔu Tsɑpʉɔ Yɛ́su Kɛlístɔ.

Filɛmɔ̂ŋ 1:5 Referans Kwoze

Kɔlɔsíyɛ̂ŋ 1:4

mbíꞋŋɡɔ pɛ́ kɑ sẅíi wɛ́k nɛ́ ntɛ́ yi pʉʉ sɛ́ ńdɔk ńzɑ́p tʉ́m nǔu Yɛ́su Kɛlístɔ mbɑ ntɛ́ yi pʉʉ sɛ́ ńdɔk ŋ́kɔŋ pʉɔ-Sɛ́ pɛtsʉʉ.

Ɛ́fɛ̂zɛ 1:15

Pɑ́Ꞌ ŋ kɑ zúꞋnɛ ŋɡɔ pʉʉ sɛ́ ŋ́kẅiꞋ ńzɑ́p tʉ́m yʉ́ʉ nǔu Tsɑpʉɔ Yɛ́su, ḿbɛn ńzúꞋ ŋɡɔ pʉʉ sɛ́ ŋ́kɔŋ pʉɔ-Sɛ́ pɛtsʉʉ lɑ́,

1 Kɔlɛ̂ŋtɛ 16:1

Ɛ́ ɡʉ nǔu nu-ntsup yi pɛ́ sɛ́ ńcúꞋlɛ nɛɡɑ́ mbɔ̌ pʉɔ-Kɛlístɔ pi pɔ́p Yɛlúsɑlɛm, pʉʉ ɡúu ɡɛ pɑ́Ꞌ ŋ kɑ cúnɛ mbɔ̌ mɛcúꞋlɛ mi ɛ́ Ŋɡɑlɑ̂t lɑ́.

1 Jɑ̂ŋ 3:23

Nɛpʉ́ʉ nɛ́ ɛ̂nɑ́, ɛ́ pɔ ŋɡɔ: Pɛkŋɛ zɑ́p tʉ́m nǔu Mɔ́ɔ nɛ Kɛlístɔ, ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ, ɛ́ nɛpʉ́ʉ ni Yɛ́su kɑ zɑ́pnɛ ŋɡɔ pɛkŋɛ nɛn nǔu.

Filɛmɔ̂ŋ 1:7

N cú mbíꞋŋɡɔ, ŋkɔŋɛ yi ɔ ɡẅɛɛnɛ kɑ ɡɛ n tsɑ́ɑtɛ tɛꞋ. Mɔ́ɔmɑ́ mɔ, tʉ́m yɑ́ɑ pɔ́tnɛ, ɛ́ fú nǔu pɑ́Ꞌ ɔ kɑ kuutɛ́nɛ pʉɔ-Sɛ́.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

Pʉɔ-Lɔ́mɑ 12:13

Yúu lɑɑ ńjɑ́k mbɔ̌ pɔ́ɔpɛ́mɑ́, pʉʉ pʉɔ-Kɛlístɔ, pʉʉ cẅɛ́lɛ́ wɔ́p. Pʉʉ ńnɑ́ŋ ńcẅɛ́ɛ pʉɔ-túu sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 20:21

Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.

1 Tɛsɑlɔník 3:6

Lɑ́ ɛ́ nǔu ŋkɔ̂ɔnɛ, mbɔ ɑ fú lɑ́Ꞌ pʉʉ ḿbɛn tɛ ŋ́kúu zɑꞋnɛ. A sẅíi wɛ́k nɛ́ nu nǔu wʉʉ nɛzɑ́p tʉ́m nǔu Sɛ́, nǔu ŋkɔŋɛ yi pʉʉ ɡẅɛɛnɛ, tɛ nu pɔŋ wɛ́k. A sẅíi wɛ́k pɑ́Ꞌ pʉʉ nɑŋnɛ ŋ́kẅíi wɛ́k pɔ sʉ́Ꞌnɛ, mbɑ pɑ́Ꞌ pʉʉ sɛ́ ńtsɑ́ɑ nɛpɛn ńjʉ́ɔ wɛ́k pɑ́Ꞌ pɛk ɡúu sɛ́ ńtsɑ́ɑ nɛpɛn ńjʉ́ɔ wʉ́ʉ.