Ŋɡɑlɑ̂t 6:7 - Kɑɑ Fí

⁷ Kɔɔ ŋu shɔtnɛ ɛ́fúklɛ túmbʉʉ yɛ́, pɛ́ lɔɔ ŋ́ɡwɑ́k Sɛ́ pɔ́. Ŋu lɑɑ ḿbi kʉ̈ɔ́lɑ́, mbɔ ɑ ɡʉ ńdɑ́Ꞌ ŋ́kɑ́p pɔ yɛ́tɛ́.

Ŋɡɑlɑ̂t 6:7 Referans Kwoze

2 Kɔlɛ̂ŋtɛ 9:6

Pʉʉ jí ŋɡɔ ŋu lɑɑ ḿbi yúu ɛ́ pɔɔ zɑ́ɑ, mbɔ ɑ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ pɔɔ zɑ́ɑ, ḿbi ɛ́ zɑ́ɑ, mbɔ ɛ́ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ zɑ́ɑ.

1 Kɔlɛ̂ŋtɛ 15:33

Kɔɔ pʉʉ pɛ́m pɛ́ fu wʉ́ʉ, pʉʉ mɑ́ɑ ńdikŋɛ ŋɡɔ tɑ́ɑ-kuꞋú kɛpɔŋ lɔ mbʉ́ʉpɛ cúꞋ?

Ɛ́fɛ̂zɛ 5:6

Kɔɔ ŋu lɔk pǔu sẅiŋɛ ɛ́fú wʉ́ʉ. Mɛnu mi pɛ́ tʉ́ʉnɛ lɑɑ zɛɛ ŋ́ɡɛ, Sɛ́ zɑ́ŋ pɔ́ lɔ́ŋ mbíꞋ pʉɔ pi pɔ́p kɑ́ pɔ́ ŋ́ɡɛ yúu mi ɑ sɛ́ ŋ́kɔŋ pɔ́.

1 Kɔlɛ̂ŋtɛ 6:9

Pʉʉ kɑ pɔ́ ńjí ŋɡɔ pʉɔ pi pɔ́p ɡẅɛɛnɛ mɑt kɛpɔŋ pɔ́p kɛ́ lɑ́Ꞌ ŋ́ɡẅɛɛ yɔ́p zʉꞋ tsɛt nu-nɛfɔɔ-Sɛ́ pɔ́ kɛ? N dɑꞋ pʉɔ pɑ́Ꞌ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pʉɔ pi pɔ́p ɡúꞋlɛ́nɛ yúu ŋɡɔ ɛ́ mɛsɛ́, mbɑ mbɛ́ɛnɛ pɔ́p pɑŋɡɛ́ pi pɔ́p ɡɛnɛ ɡɑp, mbɑ pɑɡɛ mɛnu shẅɛtshẅɛtnɛ, mbɑ mbɛ́ɛnɛ yi ɛ́ shɔtnɛ́nɛ ŋ́ɡɛ nu-ŋu mbɛ́ɛnɛ pɔ́p mɑŋɡɛ́ tsɛtsɛt pɔ́p kɛ pɑŋɡɛ́ ɔɔ, mbɑ pɛtsɔ́ŋ, kɛ pɑkɔŋ ŋkɑ́p tɛꞋ, pɔ́p pɛpɑ́lɛ́-mɛluꞋ, pɔ́p pɑsẅíŋɛ kɛpɔŋ nǔu mɛlík-pʉɔ, pɔ́p pɑɡẅɛɛ ńcẅɛ́ɛ, líkcɔ́ pʉʉ fúklɛ mbʉʉ yʉʉ nǔu mɔnɛ mɛnu kíi, pîpɑ́ pʉɔ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.

Lúkɑ́shi 16:25

Ábɛlɛhɑ̂m tsɔ́Ꞌ mbɔ̌ wɛ́ ŋɡɔ: «Mɔ́ɔ wɑɑ, kẅíitɛ pɑꞋ ɔ kɑ pɛ́t ndǔ mbí ḿbɔ́ tsɛt fuꞋ, Lɑzɑ̂ɑ pɔ́ ńjʉ́ɔ ŋɡʉ̈ɔ́Ꞌ, ɛ́ pɛn ḿbɔ́ ŋkɔ̂ɔnɛ, Lɑzɑ̂ɑ pɔ́ tsɛt fuꞋ, ɔ pɔ́ ńjʉ́ɔ ŋɡʉ̈ɔ́Ꞌ.

Jɑ̂k 1:22

Kɔɔ pʉʉ pɔ́ pɑzúꞋ sẅíŋɛ-Sɛ́ zúꞋnɛ ndɑꞋ, pʉʉ ɡɛ yúu mi sẅiŋɛ ɛ̂yɑ́ cúnɛ ŋɡɔ pʉʉ ɡɛ. Tɛ ɛ́ pɔ́ɔ pɔ́Ꞌɔ pɔ́, mbɔ pʉʉ ɛ́shɔtnɛ fʉ́klɛ mɛmbʉʉ mʉ́ʉ.

1 Jɑ̂ŋ 3:7

Mbɔ́ŋkʉ̈ɔ́ pɑ́ɑ, ḿbɑ́ɑ ŋu nɛɡɛ pʉʉ fɑɑnɛ sɛ̂ndúŋ. Ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ŋɡɑŋ lɔk ŋ́ɡɛ yɛ́ pɑ́Ꞌ Yɛ́su Kɛlístɔ. A ɡɛ yúu mi ɛ́ ndʉ́ŋndʉŋ mbi Sɛ́.

Ŋɡɑlɑ̂t 6:3

Ŋu lɑɑ ŋ́kwɑŋɛ ŋɡɔ ɑ yúu, kɛ́ pɔ́ yɛ́tɛ́, mbɔ ɑ shɔtnɛ ɛ́fúklɛ túmbʉʉ yɛ́.

Jɑ̂k 1:26

Ŋu lɑɑ ḿbɔ́ ŋ́kwɑŋɛ ŋɡɔ ɑ nǔu nu-Sɛ́, ntsu wɛ́ pɛn mbɔɔ pɔŋ, mbɔ ɑ fʉ́klɛ túmbʉʉ yɛ́. Wɛ nɛpɔ́ nǔu nu-Sɛ́ pɔ́ pɔ fɛ̌ɛ.

1 Kɔlɛ̂ŋtɛ 3:18

Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.

1 Jɑ̂ŋ 1:8

Pɛkŋɛ lɑɑ ńcú ŋɡɔ nu kɛpɔŋ kɑ́ pɔ́ nǔu pɛkŋɛ pɔ́, mbɔ pɛkŋɛ lɔk pɔ́Ꞌɔ, ɛ́fɑɑnɛ sɛ̂ndúŋ, ḿbɛn ŋ́kɛ́ ḿbɔɔ ńjí nu nɛ́nẅín yi ɛ́ fúnɛ mbɔ̌ Sɛ́ pɔ́.

Lúkɑ́shi 21:8

A tsɔ́Ꞌ ŋɡɔ: «Pʉʉ lɑk tú yʉ́ʉ, ḿbɑ́ɑ wʉ́ʉ nɛfʉꞋnɛ mɑt-pɛcɔ́ pʉɔ. MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ ńcú ŋɡɔ mɔ pɔ́nɛ Nzɑ́Ꞌŋkʉ, ŋkɑ́ kuꞋ. Pɔ́p lɑɑ ńcú pɔ́Ꞌɔ, kɔɔ pʉʉ zúꞋ tɛ ńcʉ́ɔ nzʉʉ pɔ́p.

Jẅidɛ 1:18

Pɔ́p kɑ cú mbɔ̌ pʉʉ ŋɡɔ, ɛ́ ɡʉ ńdɑ́Ꞌ ḿbɔ́ nǔu ŋkɑ́ yi ndǔmbí ɡʉ ḿmɛ, pɛcɔ́ pʉɔ ɡwɛ wʉ́ʉ, ŋ́ɡɛ mɛnu kɛpɔŋ nǔu ntɛ́ yi mbʉʉ yɔp sɛ́ ńtsʉ́ʉnɛ wɔ́p nɛɡɛ pɔ́Ꞌɔ.

2 Tɛsɑlɔník 2:3

«Kɔɔ pʉʉ pɛ́m ŋu fúklɛ wʉ́ʉ, kɛ pɔ nɛ́ yɛ́tɛ́ ntɛ́ lɑ́. Yîyɑ́ lɛ́Ꞌlɑ́Ꞌ kɛ́ lɑ́Ꞌ ńtɔ́ kɛ́ pɔ́ yi yɛcɔ́ ntɛ́ mɛnu piitɛ ńdɛɛtɛ pɔ́. Ɛ́ lɔk ḿbɔ́ pɑ́Ꞌ pʉɔ tɛ ńzɑ́ɑ ɡʉ ńdɑ́Ꞌ ńdʉꞋ nɛzúꞋ ntsu-Sɛ́. Fɔɔ-mɛnu kɛpɔŋ cẅɛt ńtʉ́ʉ lɑ yîyɑ́ lɛ́Ꞌlɑ́Ꞌ ɡɔ́ɔ ŋ́kɛ́ ńtɔ́. Jʉ́ wɑ́ ẅí pɛ́ ɡʉ ńdɑ́Ꞌ ḿmɑꞋ wɛ́ tsɛt múk lɑ́.»