Ŋɡɑlɑ̂t 6:4 - Kɑɑ Fí

⁴ Mbɑ wɔ̌ lɑ́ tsuŋ ńtsɑꞋ kwɑꞋ mɛ́ mɛfɑꞋ. A lɑɑ ńtsɑꞋ, ńjʉ́ɔ ŋɡɔ ḿbɔ́ nu pɔŋ wɛ́ nǔu, mbɔ ɛ́ píkŋɛ ŋɡɔ nu ɡɔ́ ḿbɔŋ wɛ́ mbíꞋ pɔ ŋɡɔ ɛ́ kwɑꞋ mɛfɑꞋ mɛ́. Tɛ ɛ́ pɔɔ pɔ́ ŋ́ɡɔ́ ḿbɔŋ wɛ́ mbíꞋ pɔ pɑ́Ꞌ ɑ lʉŋtɛ mîmɑ́ mɛfɑꞋ nǔu mɛ́ pɛcɔ́ pʉɔ pɔ́,

Ŋɡɑlɑ̂t 6:4 Referans Kwoze

2 Kɔlɛ̂ŋtɛ 13:5

Pʉʉ nɛ́ tú yʉ́ʉ pʉʉ líŋɛ́nɛ mbʉʉ yʉ́ʉ ńjʉ́ɔ. Kɛ pʉʉ sɛ́ ńnɛn ndʉ́ŋndʉŋ nǔu nu-Kɛlístɔ yi pʉʉ kɑ pɛ́mnɛ ɔɔ. Pʉʉ niitɛ ńtsɑꞋ. Pʉʉ kɑ́ pɔ́ ńjʉ́ɔ ŋɡɔ Kɛlístɔ tsɛt tʉ́m pʉʉ pɔ́ ɔɔ? Ɛ́ pɔ́ pɛ́Ꞌnɛ ḿbɔɔ pɔ́Ꞌɔ pɔ́, mbɔ ɛ́ lɔk ḿbɔ́ ŋɡɔ pʉʉ kɑ́ pɔ́ pʉɔ-Kɛlístɔ pɔ́.

1 Kɔlɛ̂ŋtɛ 11:28

Pɔ́Ꞌɔ lɑ́, mbɑ wɔ̌ lɑ́ tsɑꞋ mbʉʉ yɛ́. Lɑ́ mbɔɔ ŋ́kɛ́ ŋ́kwɛ́t yɔ mbɛlɛ̂ɛt ḿbɛn ńnɔ́ yɔ ntúꞋ,

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

Lúkɑ́shi 18:11

Ŋu Fɑlísɑy ŋ́kúu zúꞋu, ńtʉ́ʉ mɑ́ntɑ́ɑ ḿbɔ́ ŋ́ɡúꞋlɛ Sɛ́ ŋɡɔ: Ɔ́ɔ! Sɛ́, ŋ ɡɑ́ pɑ́Ꞌlɑ́ mbɔ̌ ɡu tɛꞋ, ntɛ́ pɑꞋ ɔ kɑ ɡɛ m bɔɔ pɔ́ pɑꞋ pɛcɔ́ pʉɔmɛsɔŋ pɔ́. Pɔ́p pɛtsɔ́ŋ, pɔ́p kɑ́ pɔ́ ŋ́ɡɛ yúu mi ɔ sɛ́ ŋ́kɔŋ pɔ́, ɛ́fúklɛ pɛzwɛ́ pɔ́p. Ŋ ɡɑ́ pɑ́Ꞌlɑ́ mbɔ̌ ɡu, mbíꞋŋɡɔ ŋ kɑ́ pɔ́ pɑꞋ ńcẅɛ́ɛ ntsup-Pɑlɔ́mɑ wɑ́ pɔ́.

Ŋɡɑlɑ̂t 6:13

Pʉɔ pi pɔ́p fyɛ́tnɛ wʉ́ʉ pɔ́Ꞌɔ, kwɑꞋ pɔ́p yɔ́p zɛɛ mbɔɔ ŋ́kúꞋlɛ nɛpʉ́ʉ-pɑyúdɑ tsʉʉ pɔ́. Lɑ́ ŋ́kɛ́ ḿbɔ́ ŋ́kɔŋ pɔ ŋɡɔ pɛ́ púꞋ wʉ́ʉ púꞋnɛ. Pɔ́Ꞌɔ pɔ́p lɔk pɑ́Ꞌ pɔ́p ɡɛ tɛ pɛ́ púꞋ wʉ́ʉ, ńdɔk ŋ́ŋɑ́Ꞌtɛ mbi pɑyúdɑ,

1 Kɔlɛ̂ŋtɛ 3:8

Ŋu ẅí ɑ pinɛ tʉ́ pɔ́p ŋu ẅí ɑ tswɛtnɛ ŋki nǔu pɔ́ pɔ ndʉ́ŋndʉŋ. Mbɑ wɔ̌ lɑ́ nǔu pɔ́p pɔ́ ŋ́ɡʉ ńcẅɛ́ɛ yɛ́ tsɔ́Ꞌ fɑꞋ ɛ́ kuꞋ nǔu fɑꞋ yi ɑ fɑꞋnɛ.

1 Kɔlɛ̂ŋtɛ 3:14

Yúu mi ŋu kɑ lɔknɛ ŋ́kút ndɑ́ nǔu cʉ́ndɑ́ ɛ̂yɑ́, lɑɑ ńdɑ́Ꞌ mbɔɔ shí, mbɔ ŋɡɑŋ ɡʉ ńdɑ́Ꞌ ńcẅɛ́ɛ tsɔ́ꞋfɑꞋ.

Filipɛ 1:26

Pɔ́Ꞌɔ lɑ́, mɔ ŋ́ɡɛ ḿbɛn tɛ ḿbɔ́ tsɛtsɛt pʉʉ, pʉʉ lúꞋnɛ wɑ́ɑ ŋ́kẅiꞋ ŋ́ɡẅɛɛ tsɑ́ɑtɛ yí ɛ́ fúnɛ nǔu pɑ́Ꞌ pʉʉ lɑtnɛ mbʉʉ yʉʉ nǔu Yɛ́su Kɛlístɔ.