Ŋɡɑlɑ̂t 5:6 - Kɑɑ Fí

⁶ MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

Ŋɡɑlɑ̂t 5:6 Referans Kwoze

Ŋɡɑlɑ̂t 6:15

Ɛ́ mbɔ̌ Sɛ́ nɛpúꞋ ŋu, kɛ nɛnɑ́ ŋɡɑŋ kɛ́ púꞋ ɔɔ, pɔɔ cẅɛ́lɛ́. Nu yi ɛ́ cẅɛ́lɛ́nɛ pɔ́ pɔ pɑ́Ꞌ ŋu shɔtnɛ ńtsʉ́Ꞌ ŋu fí.

1 Kɔlɛ̂ŋtɛ 7:19

Nɛpɔ́ yi pɛ́ kɑ púꞋ ŋu kɛ pɛ́ ŋkɑɑ wɛ́ púꞋ pɔ́ kɑ́ pɔ́ yɛcɔ́ nu mbi Sɛ́ pɔ́. NɛkúꞋlɛ nɛpʉ́ʉ-Sɛ́ pɔ́nɛ nu.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

Ŋɡɑlɑ̂t 3:28

Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.

2 Kɔlɛ̂ŋtɛ 5:14

Yɛ́k pɔ́ pɔ ŋɡɔ pɑ́Ꞌ Kɛlístɔ kɔŋnɛ wɛkŋɛ lɑ́, pɛk sɛ́ ńzúꞋ pɔ ntsu wɛ́. Pɛk sɛ́ ńtsuŋ ńjí ŋɡɔ tɑ́Ꞌ ŋu wɛ́mɔ́Ꞌ kɑ pfú nǔu tú-pʉɔ tsʉʉ. Ɛ́ lɔk pɔ́Ꞌɔ, ḿbɔ́ ŋɡɔ pɔ́p pʉɔ pɛtsʉʉ kɑ tɛmtɛ ḿpfú.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

Kɔlɔsíyɛ̂ŋ 3:11

Pɔ́Ꞌɔ lɑ́, kɔɔ tɔŋ pɛn ḿbɔ́ tsɛtsɛt pʉʉ tɛ ḿbɔ́ pɛ́ cú ŋɡɔ: «Yɔ ŋu-Ŋɡɛlɛk, yɔ pɔ́ ŋu-pɑyúdɑ pɔ́. Pɛ́ pɔɔ pɛn ńcú ŋɡɔ yɔ ŋu ẅí pɛ́ kɑ púꞋnɛ wɛ́, yɔ pɔ́ ŋu ẅí pɛ́ ŋ́kɑɑ wɛ́ púꞋ pɔ́. Kɛ pɔ nɛpɛn ńcú ŋɡɔ wɔ kɑ zíꞋ ŋwɑꞋnɛ, wɔ pɔɔ zíꞋ pɔ́. Pɛ́ kɛ́ ḿbɔɔ pɛn ńcú ŋɡɔ wɔ ŋu ŋkwɑɑ, wɔ pɔɔ ŋkwɑɑ pɔ́. Kɛlístɔ tsʉ́Ꞌ ḿbɔ́ yʉ́ʉ nu tsʉʉ, ḿbɔ́ tʉ́m pʉʉ pɛtsʉʉ.»

Ɛ́bɛlʉʉ 11:8

Ɛ́ kɑ fú pɔ nǔu pɑ́Ꞌ Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, lɑ Sɛ́ fúŋ wɛ́ ɑ zúꞋ ntsu wɛ́, ŋ́ɡʉ nɛ́ tsɛt wɛcɔ́ ŋɡɔŋ ẅí ɛ́ kɑ pɔ́ ŋ́ɡʉ ŋ́ɡɛ tsʉ́Ꞌ ḿbɔ́ pɔ wɛ́, ńdɔ sɛ́ ŋ́ɡʉ kɛ́ jí zʉꞋ yi ɑ ɡʉnɛ tɛ ŋ́kúu zúꞋu.

1 Kɔlɛ̂ŋtɛ 13:13

Pɛkŋɛ lɔk pɑ́Ꞌɑ ńjʉ́ɔ ŋɡɔ yúu mi ɛ́ ɡʉ ńdɑ́Ꞌ ḿbɔ́ pɔ ɡú ɛ́ yɛ́tɑ́t: «Yɔ nɛzɑ́p tʉ́m nǔu Sɛ́, yɔ pɔ́ nɛnɑ́ŋ ḿbɔ́ ńzẅíꞋlɛ yúu mbɔ̌ Sɛ́, ŋ́ɡɛ nɛkɔŋ ŋumɛsɔŋ.» Lɑ́, tú yi ɡwɛ́ nǔu mɛyúu mɔnɛ mɛ́ntɑ́t ɛ́ pɔ́ pɔ nɛkɔŋ ŋumɛsɔŋ.

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

Ɛ́fɛ̂zɛ 6:23

Sɛ́ Tɑ́t, mbɑ Tsɑpʉɔ Yɛ́su Kɛlístɔ níꞋ mɔ́fíitɛ tsɛt tʉ́m pɔ́ɔpɛ́mɑ́ pi pɔ́p sɛ́ ŋ́ɡẅɛɛ ŋkɔŋɛ, ḿbɔ́ ńzɑ́p tʉ́m pɔ nǔu Sɛ́.

Kɔlɔsíyɛ̂ŋ 1:4

mbíꞋŋɡɔ pɛ́ kɑ sẅíi wɛ́k nɛ́ ntɛ́ yi pʉʉ sɛ́ ńdɔk ńzɑ́p tʉ́m nǔu Yɛ́su Kɛlístɔ mbɑ ntɛ́ yi pʉʉ sɛ́ ńdɔk ŋ́kɔŋ pʉɔ-Sɛ́ pɛtsʉʉ.

Lúkɑ́shi 7:5

A kɔŋ lɑ́Ꞌ yɛkŋɛ kɔŋnɛ tɛ mbɔ ɑ kɑ kút ndɑ́-cúꞋlɛ mbɔ̌ pɛk.»