Ŋɡɑlɑ̂t 5:3 - Kɑɑ Fí

³ Mɔ ḿbɛn ńcú nǔu yɛcɔ́ ŋkɑ́ mbɔ̌ mbɑ wɛ́tɛ́ ŋu lɑ́ ẅí ɛ́ píkŋɛ ŋɡɔ pɛ́ púꞋ wɛ́, ŋɡɔ ɑ ɡẅɛɛ nɛɡɛ yúu tsʉʉ yi nɛpʉ́ʉ-Mɔ̌sɛ̂ɛ sɛ́ ḿbíkŋɛ.

Ŋɡɑlɑ̂t 5:3 Referans Kwoze

Ŋɡɑlɑ̂t 3:10

Sɛ́ zɛɛ ńníꞋ pɔ ndɔɔ tú-pʉɔ pi pɔ́p lɔknɛ nɛcú ŋɡɔ pɔ́p ɡẅɛɛnɛ nɛpʉ́ʉ ńdɔk ŋ́ɡɛ yɔ́p mbɑ kʉ̈ɔ́lɑ́, mbíꞋŋɡɔ ŋwɑꞋnɛ-Sɛ́ cú ŋɡɔ: Ŋu lɑɑ mbɔɔ kúꞋlɛ nɛpʉ́ʉ pɔ tsʉʉ pɔ́, ḿbɔ́ ŋɡɔŋ ŋkɑ́ tsʉʉ ḿbɔɔ ŋ́ɡɛ pɔ yúu mi ɛ́ tsɛt ŋwɑꞋnɛ-nɛpʉ́ʉ pɔ́, mbɔ ŋɡɑŋ tíi ndɔɔ.

Pʉɔ-Lɔ́mɑ 2:25

Ɛ́ nɛ́nẅín ŋɡɔ ɔ lɑɑ ńnɛn nǔu pɑ́Ꞌ nɛpʉ́ʉ sɛ́ ḿbíkŋɛ, mbɑ nɛpɔ́ ẅí pɛ́ kɑ púꞋnɛ wú pɑ́Ꞌ ɔ ɡʉ ḿbɔ́ ŋu-Sɛ́ ɑ ɡɛ cẅɛ́lɛ́. Lɑ́ ŋ́kɛ́ mbɔɔ nɛn nǔu pɑ́Ꞌ nɛpʉ́ʉ sɛ́ ḿbíkŋɛ pɔ́, mbɔ pɛ́ kɑ zɛɛ ḿbúꞋ mbɑ wú lɑ́, ɔ ɡʉ ńtsʉ́Ꞌ ḿbɔ́ ŋu ẅi pɛ́ ŋkɑɑ wɛ́ púꞋ pɔ́,

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

Mɑtʉ̈ɔ 23:18

Pʉʉ cú ŋɡɔ ŋu lɑɑ ńdɔk zʉꞋ yí pɛ́ nɔŋnɛ pɔꞋ zúꞋu, ŋ́kɑɑ Sɛ́, mbɔ yɛcɔ́ mɛlɑ́Ꞌ kɑ́ pɔ́ ɡú pɔ́. Lɑ́ ŋ́kɛ́ ńdɔk pɔꞋ yi ɛ́ ndǔ ŋ́kɑɑ Sɛ́, mbɔ ɑ tíi ndɔɔ.

1 Jɑ̂ŋ 4:14

Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

1 Tɛsɑlɔník 4:6

Lɑ́ ɛ́ ɡʉ nǔu nu-mɑŋɡɛ́, kɔɔ ŋu ɡɛ nu kɛpɔŋ nǔu mɔ́ɔmɑ́ wɛ, kɔɔ ɑ zɛɛ ɛ́fúklɛ wɛ́ mbɑ fúklɛ́nɛ, mbíꞋŋɡɔ Tsɑpʉɔ wɛkŋɛ ɡʉ ńdɑ́Ꞌ ńníꞋ ŋɡʉ̈ɔ́Ꞌ tú-pʉɔ pinɛ pɔ́p ɡɛnɛ pɔ́Ꞌɔ. Pɛk kɑ lɑ́Ꞌ ɛ́sẅíi wʉ́ʉ tɛ ńtsuŋ ɛ́sẅíi.

ŊwɑꞋnɛ-Gɑŋntúu Yɛ́su Kɛlístɔ 20:21

Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 2:40

Pyɛ̂ kɑ pɛn ńtsuŋ ńcú nu mbɔ̌ pɔ́p nɛlɔk ɛ́sẅíi wɔ́p nɛ́ yúu mi ɑ sɛ́ ńjí nǔu Yɛ́su, ḿbɔ́ ńníꞋ mɛtʉʉ mɔ́p ńcú ŋɡɔ: «Pʉʉ fú tsɛtsɛt pʉɔ pinɛ pɔ́p ndǔ mbí ŋkɔ̂ɔnɛ pi pɔ́p kɑ fɑɑnɛ sɛ̂ndúŋ ńcẅɛt ńjí ŋɡɔ pʉʉ ɡʉ ńduk.»

Lúkɑ́shi 16:28

MbíꞋŋɡɔ pɔ́ɔpɛ́mɑ́ pɑ́ɑ pɛ́ mbɛ́ɛnɛ lɑ́Ꞌ pɛ́tɑɑ. N tsɑ́ɑ ŋɡɔ Lɑzɑ̂ɑ pɛn ŋ́kɑ́k nɛtúutɛ nɔ́p, ŋ́ɡɑ́ wɔ́p nɛ́ ntík ḿbɔ́k pɑꞋ pɔ́p ɡʉ ńdɑ́Ꞌ ḿbɛn ńtɔ́ ŋ́kúu yɔ́p tsɛt yɔ zʉꞋ ŋɡʉ̈ɔ́Ꞌ.»

Mɑtʉ̈ɔ 23:16

Pʉʉ pɛpʉ́ktú, pʉʉ ẅí pʉʉ pɛfʉmík, ḿbɛn ḿbɔ́ ŋ́ɡẅɛɛ pɔ́-pɛcɔ́ pʉɔ, ńnyɛt wɔ́p nɛ́ sɛ̂ndúŋ. Pʉʉ yɛcɔ́ ŋkɑ́ ńzíꞋ pʉɔ ŋɡɔ ŋu lɑɑ ńdɔk zʉꞋ-nɔŋpɔꞋ ŋ́kɑɑ Sɛ́, mbɔ ɑ kɑ́ tíi ndɔɔ pɔ́. Lɑ́ ḿbɔ́ yi ɑ lɔk tʉ́n-ŋɡɔ̂l yi ɛ́ tsɛt zʉꞋ-nɔŋpɔꞋ ŋ́kɑɑ Sɛ́, mbɔ ɑ tíi ndɔɔ.

ŊwɑꞋnɛ-Gɑŋntúu Yɛ́su Kɛlístɔ 15:1

Pɛcɔ́ pʉɔ ɡɛ ɛ́fú Judɛ̂, ńtɔ́ Antíyɔshɛ, ńzɛ nɛzíꞋ pʉɔ-Kɛlístɔ ŋɡɔ Sɛ́ lɑɑ ḿbɔ́ ɑ pɔɔ ɡɛ pɔ́p luk kɛ́ pɔ́ yi pɛ́ púꞋ wɔ́p pɑ́Ꞌ nɛpʉ́ʉ-Mɔ̌sɛ̂ɛ sɛ́ ḿbíkŋɛ pɔ́.

Ŋɡɑlɑ̂t 5:2

Mɔ Pɔ̂l, tsʉ́Ꞌnɛ ɛ sẅíi wʉ́ʉ. Pʉʉ lɑɑ ḿbíkŋɛ ŋɡɔ pɛ́ púꞋ wʉ́ʉ, lɑ pʉʉ pɔ́ pʉɔ-Sɛ́, mbɔ yúu mi Kɛlístɔ kɑ ɡɛnɛ mbíꞋ tú yʉ́ʉ kɛ́ pɛn cẅɛ́lɛ́ wʉ́ʉ nǔu yɛcɔ́ yúu pɔ́.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.