Ŋɡɑlɑ̂t 1:14 - Kɑɑ Fí

¹⁴ Ɛ́ ɡʉ nǔu nɛɡúꞋlɛ Sɛ́ nǔu ntɛ́ yɛ́ pɑyúdɑ, mbɔ n dɑtnɛ nǔu tɛ ńdɛɛ ŋkɑŋ yɛk pɔ́ɔ-Yúdɑ. Ŋ kɑ pɔ́ ḿmɑꞋ mbʉʉ yɑɑ tɛꞋ nǔu mɑt ẅí pɛtɑ́t pɛk kɑ zíꞋnɛ wɛ́k, n dɛɛ wɔ́p.

Ŋɡɑlɑ̂t 1:14 Referans Kwoze

Kɔlɔsíyɛ̂ŋ 2:8

Pʉʉ pɑ́ɑ ŋu nɛlɔk jínu-pʉɔmɛsɔŋ yi ɛ́ pɔ́ pɔ fɑ́k fɛ̌ɛ, ɛ́fúklɛ wʉ́ʉ, pʉʉ vu nǔu ɡwɑk yɛ́. Yîyɑ́ pɔ́ pɔ cɔtnu yi ɛ́ jʉ́ɔꞋnɛ nǔu nɔŋ-pʉɔmɛsɔŋ, ḿbɛn ńjʉ́ɔꞋnɛ nǔu mɛtʉʉ mɛntɛ́ mɛntɛ́ mi ɛ́ ndǔmbí, ɛ́ kɑ́ jʉ́ɔꞋnɛ nǔu Kɛlístɔ pɔ́.

ŊwɑꞋnɛ-Gɑŋntúu Yɛ́su Kɛlístɔ 26:5

Ŋ kɑ nɑ́ŋ nǔu ntɛ́ yi ŋu nǔu nɔɔ-pɑfɑlísɑy nɑŋnɛ pɔ́Ꞌɔ, pɔ́p pɛn ḿbɔ́ pʉɔ ńcʉŋɛ nǔu nɛpʉ́ʉ-nu-Sɛ́ yɛ́k tɛ ńtsɑ pɛcɔ́ pʉɔ. Pɑyúdɑ lɑɑ ŋ́kɔŋ, pɔ́p sẅíi zɑɑmɔɔ ŋɡɔ, nu yi n cúnɛ lɑɑ, ɛ́ nu nɛ́nẅín. Pɔ́p zɛɛ ńjí wɑ́ɑ tɛ ɛ́fú tɛ lɛ́Ꞌ.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

ŊwɑꞋnɛ-Gɑŋntúu Yɛ́su Kɛlístɔ 22:3

«Mɔ mɔ́ɔ-Yúdɑ. Pɛ́ pí wɑ́ɑ tʉ́sɔŋ-Tɑ́lsɔ, tsɛt ŋɡɔŋ-Silisî. Lɑ́ mbɔ ŋ kɑ ɡúꞋ pɔ Yɛlúsɑlɛm wɔ; lɑ́ Ŋɡɑmɑlíyɛ̂l pɔ́nɛ cícɑ wɑɑ. A kɑ ŋ́kẅiꞋ niitɛ ńzíꞋ wɑ́ɑ nɛ́ nɛpʉ́ʉ-pɛmɑ́ŋɡɑpnjẅɛt pɛk. Mɔ ḿbɔ́ ŋ́kúꞋlɛ nu-Sɛ́ kɛ́ kɑ́ɑ pɔ pɑ́Ꞌ pʉʉ pɛtsʉʉ ɡɛnɛ lɔ́Ꞌnɛ lɑ́.

Mɑtʉ̈ɔ 15:6

Ŋu piitɛ tɛ ńcú pɔ́Ꞌɔ, mbɔ ɑ kɛ́ pɛn ńdɔk yúu pɛ́ ŋ́ɡúꞋlɛ tɑ́t wɛ pɔ́ ɔɔ? Pɔ́Ꞌɔ, pʉʉ lɔk mɑt-lɑ́Ꞌ wʉʉ ŋ́ɡwɑ́k sẅíŋɛ-Sɛ́.»

ŊwɑꞋnɛ-Gɑŋntúu Yɛ́su Kɛlístɔ 26:9

Mbɑ mɔ yɑ́ɑ, ŋ kɑ pɔ́ ŋ́kwɑŋɛ ŋɡɔ, ŋ ɡʉ ńdɔk ntsɔ ńdʉ̈ɔ́Ꞌ Yɛ́su mɔ́ɔ-tʉ́sɔŋ-Nɑ̌zɑlɛt, nǔu mɛshʉ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 21:20

Pɑcẅɛ́ɛ mbi tsɛt cúꞋlɛ-pʉɔ-Kɛlístɔ-Yɛ́lúsɑlɛm zúꞋ yɔ nu ɛ́ pɔŋ wɔ́p tɛꞋ. Pɔ́p kɑꞋ lík-Sɛ́ ŋ́ɡɑ́ tʉ́, ńcú mbɔ̌ Pɔ̂l ŋɡɔ: Mɔ́ɔmɑ́ wɛk, jʉ́ɔ yú. Mbɑ kwɑꞋ Pɑyúdɑ ntsɑ́Ꞌ tɛ ńzɑ́ɑ kɑ ńtsʉ́Ꞌ pʉɔ-Kɛlístɔ, ḿbɛn ḿbɔ́ kwɑꞋ pɑkúꞋlɛ nɛpʉ́ʉ-Mɔ̌sɛ̂ɛ kɛ́ kɑ́ɑ.