Mɑtʉ̈ɔ 9:6 - Kɑɑ Fí

⁶ Ŋ ɡʉ ŋ́kɛ́ ńnyɛt wʉ́ʉ ŋɡɔ: Mɔ́ɔ-Ŋu ɡẅɛɛ mɛtʉʉ ndǔ tsɛ́tsɑ́Ꞌ yɔ, nɛlɔk ńdikŋɛ mɛnu kɛpɔŋ pʉɔmɛsɔŋ ŋ́ɡɑ́ mbɔ̌ pɔ́p.» Pɔ́Ꞌɔ lɑ́, ńcú mbɔ̌ ŋɡɑŋkẅíꞋlɛ ŋɡɔ: «Lɔ sɛ́, ńtíi pɑ́ŋtɛ wu, ńdɔk ŋ́ɡʉ nɛ́ njɛ́Ꞌ ɡu.»

Mɑtʉ̈ɔ 9:6 Referans Kwoze

Mɑtʉ̈ɔ 9:5

Pʉʉ jʉ́ɔ ŋɡɔ ɛ́ zɑŋɛ pɔ nɛcú mbɔ̌ ŋu ŋɡɔ: “Pɛ́ likŋɛ mɛnu kɛpɔŋ mú”, kɛ pɔ nɛcú ŋɡɔ: “lɔ sɛ́ ńnɛn?”

2 Kɔlɛ̂ŋtɛ 2:10

Pʉʉ lɑɑ ńdikŋɛ mɛfɑɑnɛ-ŋu, ŋ́ɡɑ́ mbɔ̌ wɛ́, mbɔ mɔ ńdikŋɛ yɑ́ɑ ŋ́ɡɑ́ mbɔ̌ ŋɡɑŋ, ḿbɔ́ yi n dɑɑ ŋ́ɡẅɛɛ nɛlikŋɛ mɛfɑɑnɛ-ŋu, ńdikŋɛ, mbɔ n tʉ́ʉ mbi Kɛlístɔ ńdikŋɛ pɔ nɛlɔk ńcẅɛ́lɛ wʉ́ʉ,

Kɔlɔsíyɛ̂ŋ 3:13

Pʉʉ ɡẅɛɛ sʉk tʉ́m tsɛtsɛt pʉʉ, ŋu wʉ́ʉ lɑɑ fɑɑnɛ nu pʉʉ likŋɛ ŋ́ɡɑ́ mbɔ̌ wɛ́, ńdikŋɛ mɛfɑɑnɛ mʉ́ʉ tsɛtsɛt pʉʉ nɛ́ pʉʉ, pɑ́Ꞌ Tsɑpʉɔ kɑ likŋɛ́nɛ mɛfɑɑnɛ mʉ́ʉ ɡúu lɑ́.

Ɛ́fɛ̂zɛ 4:32

ńdíŋɛ pɔ́ɔpɛ́mɑ́ pʉ́ʉ pɔ nɛ́ tʉ́m sʉ́Ꞌnɛ, ŋ́ɡẅɛɛ tsɑ́ɑ mɛjʉ́ŋ nzʉʉ pɛcɔ́ pʉɔ, pʉʉ likŋɛ mɛfɑɑnɛ tsɛtsɛt pʉʉ nɛ́ pʉʉ, ndʉ́ŋndʉŋ pɑ́Ꞌ Sɛ́ kɑ lɛɛnɛ nǔu Kɛlístɔ ńdikŋɛ mʉ́ʉ ŋ́ɡɑ́ mbɔ̌ pʉʉ.

2 Kɔlɛ̂ŋtɛ 5:20

Pɛk lɔk pɑ́Ꞌɑ ḿbɔ́ pɛmɑ́ntúu-Kɛlístɔ lɑ ńcú nu. Ɛ́ pɑ́Ꞌɑ ńdɔk ḿbɔ́ ŋɡɔ Sɛ́ ɛ̂wɑ́ fúŋnɛ pʉɔ. Pɛk lɔk lík-Kɛlístɔ, ḿbúꞋ mbɔ́ ŋɡɔ pʉɔ pɛ́m Sɛ́ ŋ́ɡɛ pɔ́p pɛpɔ́p pɛn ḿbɔ́ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 9:34

Pyɛ̂ cú mbɔ̌ wɛ́ ŋɡɔ: «Ɛ́nɛ́ɛ, Yɛ́su Kɛlístɔ ɡɛ ɔ fíitɛ. Lɔ sɛ́, kwɑꞋ ɡu niitɛ́nɛ kúu wú.» Ɛ́nɛ́ɛ ɡɔ́ɔ ńdɔ sɛ́.

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

Jɑ̂ŋ 17:2

Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»

Jɑ̂ŋ 10:28

Ŋ ɡɑ́ luk kɛ́mɛ mbɔ̌ pɔ́p, pɔ́p ŋ́ɡʉ ńdɑ́Ꞌ ḿbɛn ńtíi ndɔɔ kɛ́mɛ pɔ́. Sɑ̌ɑ ŋu pɛn mbɔɔ kuꞋ nɛfú mbɔ̌ mɔ ɛ́sɑꞋ wɔ́p pɔ́.

Lúkɑ́shi 5:21

Pɑkyɛ́Ꞌtɛ nɛpʉʉ-Mɔ̌sɛ̂ɛ pɔ́p pʉɔ-Fɑlísɑy zúꞋ, ńzɛ nɛpíkŋɛ ŋɡɔ: «Yɔ wɔ̌ ẅí ɑ ɡwɑ́knɛ Sɛ́? Sɛ́ zɛ́nɛ́ jʉ́ kuꞋnɛ nɛlikŋɛ mɛnu kɛpɔŋ-ŋu.»

Mɑ́lɛ́kúshi 2:10

Ŋ ɡʉ ŋ́kɛ́ ńnyɛt wʉ́ʉ ŋɡɔ, Mɔ́ɔ-Ŋu ɡẅɛɛnɛ nɛlikŋɛ mɛnu kɛpɔŋ-pʉɔmɛsɔŋ.» Yɛ́su píkŋɛ pɑ́Ꞌɑ, ńcú mbɔ̌ ŋɡɑŋkẅíꞋlɛ ŋɡɔ:

Mɑ́lɛ́kúshi 2:7

«ŋu wɔ sẅiŋɛ ŋɡɔ́ku lɑ́ɑ! A zɔɔtɛ Sɛ́. Sɛ́ zɛ́nɛjʉ́ kuꞋnɛ nɛlikŋɛ mɛnu kɛpɔŋ ŋu.»

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.

Mɑtʉ̈ɔ 4:24

Ɛ́ pɔ́ pɔ́Ꞌɔ, pɛ́ lɔk lík yɛ́ ɛ́sɑt ŋɡɔŋ-Silii tsʉʉ. Pɛ́ pɔ́ ńdɔk pʉɔ tsʉʉ pinɛ mɛɡɔɔ ntɛ́ nɛ́ ntɛ́ m̄bɔ́nɛ nǔu pɔ́p, pʉɔ pinɛ mɛzẅikŋɛ kɛpɔŋ kɑ pɔ́ ḿbúunɛ wɔ́p, mbɑ pɑvu tú, pɔ́p ɡɑŋkẅíꞋlɛ ńtɔ́, Yɛ́su ɡɛ pɔ́p fíitɛ.

Mɑtʉ̈ɔ 9:2

Ŋ́kúu zúꞋu, pɛ́ lɔk wɛcɔ́ ŋɡɑŋkẅíꞋlɛ ńtɔ́, ɑ nɔɔ ndǔ pɑ́ŋtɛ. Yɛ́su jʉ́ɔ ntɛ́ yi, mbɛ́ɛnɛ yí pɔ́p lɔknɛ wɛ́ ńtɔ́, lɔknɛ ńzɑ́p tʉ́m nǔu wɛ́, ńcú mbɔ̌ ŋɡɑŋkẅíꞋlɛ ŋɡɔ: «Mɔ́ɔ wɑɑ kɔɔ pɔ́k! Pɛ́ likŋɛ mɛnu kɛpɔŋ mú ŋ́ɡɑ́ mbɔ̌ ɡu.»

Mɑtʉ̈ɔ 9:7

Ŋu ɛ̂wɑ́ lɔ sɛ́, ŋ́ɡʉ nɛ́ njɛ́Ꞌ yɛ́.

Jɑ̂ŋ 5:8

Yɛ́su cú mbɔ̌ wɛ́ ŋɡɔ: «Lɔ sɛ́, ḿbɛ́ɛ mɑ́tɑ wu, ńnɛn.»

Jɑ̂ŋ 5:27

A kɑ pɛn ŋ́ɡɑ́ wɛ́ nɛ́ mɛtʉʉ nɛlɔk ńzɑ́Ꞌ mɛtsɑŋ-pʉɔmɛsɔŋ, mbíꞋŋɡɔ jʉ́ pɔ́nɛ Mɔ́ɔ-Ŋu.