Mɑtʉ̈ɔ 9:1 - Kɑɑ Fí

¹ Pɔ́p cú pɔ́Ꞌɔ, Yɛ́su kúu tsɛt kɑnúꞋ, ńtúu ŋki ḿbɛn nɛ́ tsɛt tʉ́sɔŋ yɔ́p.

Mɑtʉ̈ɔ 9:1 Referans Kwoze

Mɑtʉ̈ɔ 4:13

ŋ́kúu Nɑ̌ɑzɑlɛt ŋ́ɡɛ ḿbɛn ŋ́ɡʉ ńtsʉ́Ꞌ ńnɑ́ŋ pɔ Kɑpɛɛnɑwûm. Ɛ́ pɔ́ tʉ́sɔŋ ḿbɔ́ mbʉʉ nɛkʉŋ-ŋki-Ŋɡɑlilɛɛ, lɑ́Ꞌ yi Zɑbulɔŋ pɔ́p Nɛftɑlî tʉ̈ɔ́tɛ́nɛ wɛ́ ńníꞋ sɔŋ.

Lúkɑ́shi 8:37

Pʉɔ nǔu wîwɑ́ shʉ́ pɛ́tsʉʉ zɛ nɛpɔ́k, ḿbɔ́k pɔ́knɛ tɛ ḿbúꞋ mbɔ́ mbɔ̌ Yɛ́su ŋɡɔ ɑ fú nǔu wɔ́p shʉ́ ŋ́ɡʉ. Yɛ́su ɡɔ́ɔ ŋ́kɛ́ ŋ́kúu tsɛt kɑnúꞋ nɛɡʉ,

Mɑ́lɛ́kúshi 5:21

Yɛ́su lɔk kɑnúꞋ ńtúu ŋki tɛ ŋ́kúu nǔu yɛcɔ́ njʉ́n. Mɑ́mɑ́ nɔɔ-lɑ́Ꞌ cúꞋlɛ nɛjɔ́ŋ yɛ́. A pɛ́t ḿbɔ́ pɔ mbʉʉ-ŋki,

Mɑtʉ̈ɔ 8:18

Yɛ́su jʉ́ɔ pɑ́Ꞌ lɑ́Ꞌ cúꞋlɛ́nɛ nɛjɔ́ŋ yɛ́ tɛ ńzɑ́ɑ, ńcú mbɔ̌ ɡɑŋku pɛ́ ŋɡɔ pɔ́p pɛ́pɔ́p túu nǔu yɛcɔ́ njʉ́n-ŋki.

Mɑtʉ̈ɔ 7:6

Kɔɔ pʉʉ ɡɑ́ yúu mi ɛ́ yɛ́ Sɛ́, mbɔ̌ mvú mbɔ pɔ́p ḿbɛn ɛ́shɔtnɛ ńnɛ́mtɛ wʉ́ʉ. Kɔɔ pʉʉ mɑꞋ túkcí yʉ́ʉ mbi mɛnjínɑɑ. Mbɔ Pɔ́p ɡʉ ńnʉŋtɛ nɛ́ mɛku.

Mɛnu ɛ́ ńdɑ́Ꞌ ńcẅɛt 22:11

Pɔ́Ꞌɔ lɑ́, ŋu lɑɑ ḿbɔ́ yi ɑ kɑ́ pɔ́ ŋ́ɡɛ yúu mi ɛ́ ndʉ́ŋndʉŋ mbi Sɛ́ pɔ́, ɑ kɛ́ ŋ́ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi. Ŋu ẅi ntsɛ́llɛ́ nǔu wɛ́, ɑ pɛn ŋ́kẅiꞋ ńníꞋ ntsɛ́llɛ́ nǔu wɛ́. Lɑ́ ŋu ẅí ɑ sɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ɑ kɛ́ ḿbɛn ŋ́kẅiꞋ ḿbɔ́ ŋ́ɡɛ pɔ yúu mi ɛ́ ndʉ́ŋndʉŋ. Ŋu ẅí ɑ ŋu-Sɛ́, ɑ kɛ́ ḿbɛn ŋ́kẅiꞋ ḿbɔ́ pɔ wɛ́tɛ́.

Mɑtʉ̈ɔ 8:23

Yɛ́su ŋ́kúu tsɛt kɑnúꞋ, ɡɑŋku pɛ́ kúu yɔ́p tsɛtú.

Lúkɑ́shi 8:40

Yɛ́su pɛn nzʉʉ tɛ ŋ́kúu nǔu yɛcɔ́ njʉ́n, lɑ́Ꞌ pɔ́ zúꞋu, mbɔ pɔ́p ńdɑ́Ꞌ mɔ́ ńzɛ nɛzẅíꞋlɛ wɛ́, pɔ́p jʉ́ɔ wɛ́, ŋ́ɡɔ́ɔ ńtsɑ́ɑtɛ tɛꞋ.