Mɑtʉ̈ɔ 8:4 - Kɑɑ Fí

⁴ Yɛ́su cú mbɔ̌ wɛ́ ŋɡɔ: «Pɑ́ɑ nɛkɛ́ ŋ́kẅíi tɛ ŋu zúꞋ, lɑ́ kɛ́ ŋ́ɡʉ ńnyɛt mbʉʉ yu, mbɔ̌ nɔŋpɔꞋ, ḿbɛn ŋ́ɡɑ́ yúu mi nɛpʉ́ʉ-Mɔ̌sɛ̂ɛ sɛ́ ḿbíkŋɛ mbɔ̌ ŋu ẅí ŋkɑꞋ mɛnɛ nǔu wɛ́, pʉɔ tsʉʉ jí ŋɡɔ ɔ fíitɛ.»

Mɑtʉ̈ɔ 8:4 Referans Kwoze

Lúkɑ́shi 17:14

Yɛ́su jʉ́ɔ wɔ́p, ńcú mbɔ̌ pɔ́p ŋɡɔ: «Pʉʉ ɡʉ ńnyɛt mbʉʉ yʉʉ mbɔ̌ pɑnɔ́ŋpɔꞋ.» Pɔ́p cʉ́ɔ sɛ̂ndúŋ, ḿbɔ́ ŋ́ɡʉ, ńjʉ́ɔ, mbɔ ŋkɑꞋ mɛ nǔu pɔ́p.

Lúkɑ́shi 5:14

Yɛ́su tɔꞋ wɛ́ ŋɡɔ: «Pɑ́ɑ nɛkẅíi tɛ ɛ́sẅíi ŋu! Gʉ ńnyɛt pɔ mbʉʉ yu mbɔ̌ pɑnɔ́ŋpɔꞋ, ḿbɛn ŋ́ɡɑ́ yúu mi nɛpʉʉ-Mɔ̌sɛ̂ɛ sɛ́ ḿbíkŋɛ mbɔ̌ ŋu ẅí ŋkɑꞋ ḿmɛnɛ nǔu wɛ́ tɛ pʉɔ pɛtsʉʉ ɡɔ́ɔ ŋ́kɛ́ ńjí ŋɡɔ ɔ fíitɛ! Pɔ́Ꞌɔ ɛ́ pɔ́ mɑ́mɑ́ lii.»

Mɑ́lɛ́kúshi 7:36

Yɛ́su cú mbɔ̌ pʉɔ pi pɔ́p lɑ́Ꞌnɛ ńdɔk wɛ́ ńtɔ́ ŋɡɔ: «Kɔɔ pʉʉ cú tɛ ŋu zúꞋ.» Lɑ́ ŋ́kɛ́ ḿbɔ́ ńtɔꞋ wɔ́p ŋɡɔ́ku lɑ́, pɔ́p kɛ́ ḿbɔ́ ɛ́sɑ́Ꞌ yɔ nu sɑ́Ꞌnɛ.

Mɑtʉ̈ɔ 9:30

Mík mɔ́p ɡɔ́ɔ ŋ́kɛ́ ńjʉ́ɔ zʉꞋ. Yɛ́su tɔꞋ wɔ́p tɛ ḿbʉ́ʉ ŋɡɔ: «Ḿbɑ́ɑ wʉ́ʉ nɛkɛ́ ŋ́ɡɛ tɛ ŋu jí pɑ́Ꞌ ɛ́ lɛɛnɛ.»

Mɑ́lɛ́kúshi 6:11

Pʉɔ yɛcɔ́ lɑ́Ꞌ lɑɑ ńdʉꞋ nɛkúkŋɛ wʉ́ʉ, ńdʉꞋ nɛzúꞋ sẅiŋɛ yʉ́ʉ, pʉʉ fú zúꞋu ŋ́ɡɔ ŋ́ɡʉ, ḿbúꞋ pɛ́pɛ́p-mɛku mʉ́ʉ, nɛlɔk ńnyɛt wɔ́p ŋɡɔ nu yí pɔ́p ɡɛnɛ, ɛ́ tsʉꞋ ńdíŋɛ pɔ wɔ́p.»

Mɑ́lɛ́kúshi 5:43

Yɛ́su tɔꞋ wɔ́p ŋɡɔ pɔ́p pɑ́ɑ nɛɡɛ tɛ wɛcɔ́ ŋu ndɛꞋ jí yúu mi ɛ́ ɡɛnɛ, ḿbɛn ńcú ŋɡɔ pɛ́ ɡɑ́ yúu ɑ jʉ́.

Mɑtʉ̈ɔ 17:9

Pɔ́p pɛ́pɔ́p ɡɛ ḿbɔ́ ɛ́fú ndǔ nɛŋkɔ́Ꞌ ńcúŋ, ɑ kwɛn wɔ́p ŋɡɔ, kɔɔ pɔ́p kẅíi tɛ ŋu ndɛꞋ fɛ́ꞌnɛ ńjí yúu mi pɔ́p jʉ́ɔnɛ, tɛ ńdɑ́Ꞌ ŋ́kúu ŋkɑ́ yi Mɔ́ɔ-Ŋu ńzẅíimɛ nǔu nɛvú.

Mɑtʉ̈ɔ 10:18

Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛŋɡɔ́mnɑɑ pɔ́p pɛfɔɔ mɛlɑ́Ꞌ wɑ́ɑ. Pʉʉ lɔk ŋ́ɡẅɛɛ shʉ́ nɛlɔk ɛ́sẅíi wɔ́p mbɑ pɑkɛ́jí Sɛ́, ŋu ẅí mɔ jʉ́.

Mɑtʉ̈ɔ 6:1

Yɛ́su pɛn ńcú ŋɡɔ: «Pʉʉ lɑɑ ḿbɔ́ ŋ́ɡʉ ŋ́ɡɛ yúu mi nɛpʉ́ʉ-Sɛ́ píkŋɛnɛ, pʉʉ lɑk tú yʉ́ʉ nɛɡɛ zʉꞋ lɑ́Ꞌ zúꞋu, nǔu ntɛ́ yi pɛ́ ɡʉ ḿbɔ́ ńdíŋɛ wʉ́ʉ. Pʉʉ lɑɑ ŋ́ɡɛ pɔ́Ꞌɔ, mbɔ Tɑ̌ɑ wʉʉ ẅí ɑ tʉ́nɛ́pú kɛ́ ɡɛ ńtsɔ́Ꞌ fɑꞋ yʉ́ʉ pɔ́.

Mɑtʉ̈ɔ 5:17

Kɔɔ pʉʉ kwɑŋɛ ŋɡɔ ŋ kɑ tɔ́ nɛpík nɛpʉ́ʉ-Mɔ̌sɛ̂ɛ kɛ pɔ nu yí pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ ɔɔ? Ŋɡɑŋ, mɔ ŋkɑɑ tɔ́ nɛpík pɔ́, ŋ kɑ tɔ́ pɔ nɛɡɛ mɛshʉ́ mɛ́ tsuŋ ńcẅɛt.

Jɑ̂ŋ 8:50

Ŋ kɑ́ pɔ́ ńdɔɔ pɔ wɑɑ nɛɡúꞋ pɔ́. Wɛcɔ́ ŋu ndɛꞋ pɔ́nɛ ḿbɔ́ ńdɔɔ wɑɑ nɛɡúꞋ, jʉ́ ɡʉnɛ ńzɑ́Ꞌ ntsɑŋ.

Jɑ̂ŋ 7:18

Ŋu lɑɑ ḿbɔ́ ńcú nu, ḿbɔ́ yi ɛ́ pɔ́ pɔ sẅiŋɛ yɛ́, mbɔ ɑ lɔɔ pɔ wɛ nɛɡúꞋ. Lɑ́ ḿbɔ́ yi ŋu lɑɑ ḿbɔ́ ńdɔɔ nɛɡúꞋ Sɛ́ ẅí ɑ kɑ túunɛ wɛ́, mbɔ ŋɡɑŋ sẅíi nu nɛ́nẅín, yɛcɔ́ nu ŋɔ́Ꞌnɛ ŋɔ́Ꞌnɛ́nɛ pɔɔ nǔu wɛ́ pɔ́.

Jɑ̂ŋ 5:41

Ŋ kɑ́ pɔ́ ńtsɑ́ɑ yɛcɔ́ nɛŋwɑ́ŋɛ ẅí ɛ́ fúnɛ mbɔ̌ pʉɔmɛsɔŋ pɔ́.

Lúkɑ́shi 21:13

Lɑ́ ɛ́ kɛ ńdɛɛ pɔ́Ꞌɔ, ńdɔk ŋ́ɡɑ́ wʉ́ʉ shʉ́ nɛsẅíi ŋu ẅí mɔ jʉ́.

Mɑ́lɛ́kúshi 8:30

Yɛ́su tɔꞋ wɔ́p tɛꞋ, ńcú ŋɡɔ kɔɔ pɔ́p ŋ́kẅíi tɛ ŋu ndɛꞋ jí ŋu ẅí ɑ jʉ́.

Mɑtʉ̈ɔ 16:20

Yɛ́su cú pɔ́Ꞌɔ, ŋ́ɡɔ́ɔ ŋ́kɛ́ ŋ́kwɛn ɡɑŋku pɛ́ ŋɡɔ, kɔɔ pɔ́p kẅíi tɛ ŋu ndɛꞋ jí ŋɡɔ ɑ Nzɑ́Ꞌŋkʉ.

Mɑtʉ̈ɔ 3:15

Lɑ́ Yɛ́su pʉ̈ɔt mbɔ̌ wɛ́ ŋɡɔ: «Pɛ́m ŋɡɔ ɛ́ pɔ́ pɔ́Ꞌɔ, ŋkɔ̂ɔnɛ, pûu ɡɛ pɔ́Ꞌɔ, mbíꞋŋɡɔ ɛ́ píkŋɛ ŋɡɔ pûu ɡɛ yúu tsʉʉ yí Sɛ́ píkŋɛnɛ ɛ́ lɔk ḿbɔ́ ndʉ́ŋndʉŋ.» Jɑ̂ŋ ɡɔ́ɔ ŋ́kɛ́ ḿbɛ́m,

Mɑ́lɛ́kúshi 13:9

Pʉʉ lɑk tú yʉ́ʉ, pɛ́ ɡʉ ŋ́ɡɛ ńdɔk wʉ́ʉ ŋ́ɡʉ zʉꞋ yí pɛ́ zɑ́Ꞌnɛ ntsɑŋ zúꞋu, ńtswɑ́ɑ wʉ́ʉ mbɑ tsɛt mɛndɑ́-cúꞋlɛ-pɑyúdɑ, ńdɔk wʉ́ʉ ŋ́ɡʉ mbi pɛŋɡɔ́mnɑɑ pɔ́p pɛfɔɔ-mɛlɑ́Ꞌ mɔnɛ, ŋɡɔ pʉʉ sẅíi nu yɑ́ɑ mbi pɔ́p.

Mɑ́lɛ́kúshi 3:12

Lɑ́ ɑ pɔ́ ńtɔꞋ wɔ́p tɛ ḿbʉ́ʉ tɛꞋ ŋɡɔ pɔ́p pɑ́ɑ nɛɡɛ pɛ́ jí ŋu ẅí ɑ jʉ́.

Mɑ́lɛ́kúshi 9:9

Pɔ́p pɛ́pɔ́p ɡɛ ḿbɔ́ ɛ́fú ndǔ nɛŋkɔ́Ꞌ ńcúŋ, ɑ tɔꞋ wɔ́p ŋɡɔ kɔɔ pɔ́p kíɛꞋ yúu mi pɔ́p jʉ́ɔnɛ lɑ́, tɛ ńdɑ́Ꞌ ŋ́kúu ŋkɑ́ yi Mɔ́ɔ-Ŋu ńzẅíimɛ nǔu nɛvú.

Lúkɑ́shi 4:41

Mɛzẅikŋɛ kɛpɔŋ pɔ́ ŋ́ɡɔ́ ɛ́fú nǔu nɛlʉ́m wɔp ńcẅɛt, ŋ́kíi ńcú ŋɡɔ: «Ɔ mɔ́ɔ-Sɛ́.» Lɑ́ Yɛ́su cɔ́k wɔ́p, ḿbɔɔ pɛ́m ŋɡɔ pɔ́p cú nu pɔ́, mbíꞋŋɡɔ pɔ́p kɑ jí ŋɡɔ Yɛ́su Nzɑ́Ꞌŋkʉ-puꞋ ẅí Sɛ́ kɑ kɑꞋnɛ mbɔ̌ pʉɔmɛsɔŋ.

Lúkɑ́shi 8:56

Tɑ́-mɔ́ɔ pɔ́p Mɑ́mɔ́ɔ jʉ́ɔ, ɛ́ kʉꞋnɛ wɔ́p. Lɑ́ Yɛ́su tɔꞋ ŋɡɔ kɔɔ pɔ́p kɛ́ sẅíi ŋu nɛ́ yúu mi ɛ́ lɛɛnɛ.

Lúkɑ́shi 9:21

Yɛ́su tɔꞋ wɔ́p tɛꞋ, ŋɡɔ kɔɔ pɔ́p cú tɛ ŋu ndɛꞋ zúꞋ,