Mɑtʉ̈ɔ 8:22 - Kɑɑ Fí

²² Yɛ́su pʉ̈ɔt mbɔ̌ wɛ́ ŋɡɔ: «Cʉ́ɔ pɔ nzʉʉ mɔ, ńnɑ́ pɛpfú pɔ́p tẅíi pɛpfú pɔ́p.»

Mɑtʉ̈ɔ 8:22 Referans Kwoze

Lúkɑ́shi 15:32

Lɑ́, ɛ́ ḿbɔ́ ḿbɔŋ ŋɡɔ pɛkŋɛ tsɑ́ɑtɛ kwɑꞋ sʉ́Ꞌnɛ, mbíꞋŋɡɔ mɔ́ɔmɑ́ wu wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.»

Kɔlɔsíyɛ̂ŋ 2:13

Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, ḿbɔ́ pɔ pɛpfú, mbíꞋ mɛnu kɛpɔŋ mʉ́ʉ, mbɑ pɑ́Ꞌ pʉʉ kɑ pɔ́ pʉɔ pi pɛ́ kɑ púꞋnɛ wɔ́p nɛlɔk wɔ́p ŋ́ɡɛ pʉɔ-Sɛ́ lɑ́. Ɛ́ kɛ́ ḿbɔ́ nǔu ŋkɔ̂ɔnɛ, mbɔ Sɛ́ tɛmtɛ njẅɛt-Kɛlístɔ ńzẅíimɛ nǔu nɛvú. A likŋɛ mɛnu kɛpɔŋ mɛkŋɛ tsʉʉ, ŋ́ɡɑ́ mbɔ̌ pɛkŋɛ.

Ɛ́fɛ̂zɛ 5:14

Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.

Ɛ́fɛ̂zɛ 2:5

ɑ kɑ ɡɛ pɛkŋɛ pɛ Kɛlístɔ pɛn ḿbɔ́ ɡú, tɛ mbɑ pɑ́Ꞌ pɛkŋɛ kɑ pɔ́ mbɔ̌ wɛ́ yɛcɔ́ ŋkɑ́, mbɔ pɛkŋɛ kɑ pfú mbíꞋ mɛfɑɑnɛ mɛkŋɛ lɑ́. A kɑ lɔk pɔ pɔŋtʉ́m yɛ́ ŋ́ɡɛ pɛkŋɛ luk.

Ɛ́fɛ̂zɛ 2:1

Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, mbɔ pʉʉ kɑ pfú mɔ́ mbíꞋ pɑ́Ꞌ pʉʉ kɑ pɔ́ ɡɑŋmɛfɑɑnɛ ḿbɛn ḿbɔ́ pɑɡɛ mɛnu kɛpɔŋ.

1 Timɔtɛ́ɛ 5:6

Lɑ́ ŋ́ɡʉ nǔu mpfúk ẅí ɑ kɑ́tnɛ ńjʉ́ mbyɑŋtɛ, mbɔ pɛ́ líŋɛ wɛ́ tɛ ḿbɔ́ ńcú ŋɡɔ mɑŋɡɛ́ pʉ́ɔ lɑ́, lɑ́ ɑ pɔ́ mbɔ̌ Sɛ́ ḿbɔ́ pɔ mpfú.

Jɑ̂ŋ 1:43

Njí ɡɛ ŋ́kiɛ, Yɛ́su zɑ́p ŋɡɔ ɑ ɡʉ ŋ́ɡʉ tsɛt pɑk-ŋɡɔŋ-Ŋɡɑlilɛɛ, ḿbɔ́ ŋ́ɡʉ, ḿbuutɛ Filîp, ńcú mbɔ̌ wɛ́ ŋɡɔ cʉ́ɔ nzʉʉ mɔ.

Mɑtʉ̈ɔ 9:9

Yɛ́su fú zúꞋu ŋ́ɡʉ, ŋ́ɡɔ ńdɛɛ zʉꞋ yí pɛ́ cẅɛ́ɛnɛ ntsup-Pɑlɔ́mɑ zúꞋu, wɛcɔ́ ŋu nɑ́ŋ, lík yɛ́ pɔ́ ŋɡɔ Mɑtʉ̈ɔ. Yɛ́su cú mbɔ̌ wɛ́ ŋɡɔ: Tɔ́ pûu tsʉ́Ꞌnɛ ńnɛn. A lɔ sɛ́, ńcʉ́ɔ nzʉʉ yɛ́.

Mɑtʉ̈ɔ 8:21

Wɛcɔ́ tɑ́Ꞌ nǔu pʉɔ pí pɔ́p nzʉʉ yɛ́ cú mbɔ̌ wɛ́ ŋɡɔ: «Ndɛ tsʉ́Ꞌ n zɛɛ ŋ́ɡʉ ńtẅíi tɑ̌ɑ mɔ.»

Mɑ́lɛ́kúshi 2:14

A pɔ́ ńnɛn, ńjʉ́ɔ Lɛ́vi mɔ́ɔ-Alfɛ̂, ɑ nɑ́ŋ zʉꞋ yi ɑ kɑ pɔ́ ńcẅɛ́ɛ ntsup pʉɔ-Lɔ́mɑ zúꞋu. Yɛ́su cú mbɔ̌ wɛ́ ŋɡɔ: «Tɔ́ pǔu tsʉ́Ꞌnɛ ńnɛn.» Lɛ́vi lɔ sɛ́ ńcʉ́ɔ nzʉʉ yɛ́.

Lúkɑ́shi 9:59

Yɛ́su cú mbɔ̌ wɛcɔ́ ŋu ŋɡɔ: «Cʉ́ɔ nzʉʉ mɔ, puu tsʉ́Ꞌnɛ ńnɛn.» Ŋɡɑŋ cú ŋɡɔ: «Tɑ̌ɑ wɛk, piitɛ ńnɑ́ wɑ́ɑ ŋ ɡʉ nɛtẅíi tɑ̌ɑ mɔ.»

Lúkɑ́shi 9:60

Yɛ́su tsɔ́Ꞌ mbɔ̌ wɛ́ ŋɡɔ: «Ńnɑ́ pɛpfú pɔ́p tẅíi pɛpfú pɔ́p. Ŋ́ɡʉ nǔu ɡu, ɔ ɡẅɛɛ pɔ nɛɡʉ ɛ́sẅíi pɑꞋ nu-nɛfɔɔ-Sɛ́ pɔ́nɛ.»

Lúkɑ́shi 15:24

mbíꞌŋɡɔ mɔ́ɔ wɑɑ wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.» A cú pɔ́Ꞌɔ, pɔ́p ɡɔ́ɔ ńzɛ nɛtsɑ́ɑtɛ.

Jɑ̂ŋ 21:19

Yɛ́su cú pɔ́Ꞌɔ, ńdɔk ńdɛꞌlɛ ntɛ́ nɛvú ni pyɛ̂ ɡʉ ŋ́ɡɛ ḿpfú yɛ́t, ɛ́ lɔk ŋ́ɡúꞋlɛ Sɛ́. Yɛ́su cú pɔ́Ꞌɔ, ḿmɛkŋɛ ŋɡɔ: «Cʉ́ɔ nzʉʉ mɔ.»

Jɑ̂ŋ 21:22

Yɛ́su tsɔ́Ꞌ mbɔ̌ wɛ́ ŋɡɔ: «N dɑɑ ŋ́kɔŋ ŋɡɔ ɑ pɔ́ pɔ ɡú tɛ n dɑ́Ꞌ ḿbɛn nzʉʉ, mbɔ yú nu nǔu ḿbɔ́ kʉ̈ɔ́? Cʉ́ɔ yú pɔ nzʉʉ mɔ.»