Mɑtʉ̈ɔ 6:9 - Kɑɑ Fí

⁹ Pʉʉ lɑɑ ḿbɔ́ ńcɛꞋlɛ Sɛ́ pʉʉ cú ŋɡɔ: «Tɑ́t wɛk, ɡu ẅí ɔ pɔ́nɛ tʉ́nɛ́pú. Gɛ pʉɔmɛsɔŋ jí ŋɡɔ ɑ ndɑꞋ ɡu ḿbɔ́ Sɛ́.

Mɑtʉ̈ɔ 6:9 Referans Kwoze

Mɛnu ɛ́ ńdɑ́Ꞌ ńcẅɛt 4:11

Ɔ ŋu ẅí ɔ kuꞋnɛ mbɑ̌ɑ Tsɑpʉɔ wɛk, ḿbɔ́ Sɛ́ yɛk, Ɔ kuꞋ pɑ́Ꞌ ɛ́ lɑɑ ḿbɔ́ pɛ́ ɡɑ́ nɛɡúꞋ mbɔ̌ ɡu, ŋ́ɡɑ́ mɛkuꞋ mbɔ̌ ɡu, pɑ́Ꞌ ɛ́ lɑɑ ḿbɔ́ ɡu ɡẅɛɛnɛ mɛtʉʉ. Ɛ́ mbíꞋŋɡɔ ɔ kɑ ɡɛ kʉ̈ɔ́ lɑ́ ɛ́ pɔ́ ɡú, ɡu kɑ kɔŋnɛ lɑ mîmɑ́ mɛyúu cẅɛt ndǔmbí, ɡu pɛnnɛ ḿbɔ́ ŋ́kɔŋ lɑ ɛ́ pɔ́ ɡú.

Pʉɔ-Lɔ́mɑ 8:15

Zẅikŋɛ yi pɛ́ kɑ níꞋnɛ nǔu pʉʉ, zɛɛ mbɔɔ Zẅikŋɛ yi ɛ́ ɡʉ ŋ́ɡɛ pʉʉ pɛn ḿbɔ́ pɔ pɛkwɑɑ pi pɔ́p ŋ́ɡɛ ḿbɔ́ ńcʉ̈ɔꞋ cʉɔꞋnɛ pɔ́. Ɛ́ pɔ́ pɔ Zẅikŋɛ yi ɛ́ ŋ́ɡɛ ŋ́ɡɛ pʉʉ tsʉ́Ꞌ pɔ́ɔ-Sɛ́. Pɛkŋɛ pɛn ńdúꞋnɛ yîyɑ́ Zẅikŋɛ, ɛ́fúŋ wɛ́ ŋɡɔ Ábɑ; ɛ́ pɔ́ ŋɡɔ Tɑ̌ɑ.

Ŋɡɑlɑ̂t 4:6

Ɛ́ nɛ́nẅín pʉʉ tsuŋ ḿbɔ́ kwɑꞋ pɔ́ɔ-Sɛ́. Lii pɑ́Ꞌ Sɛ́ kɑ níꞋnɛ Zẅikŋɛ-Mɔ́ɔ nɛ tsɛt mɛtʉ́m mɛkŋɛ, Zẅikŋɛ yi ɛ́ ɡɛnɛ pɛkŋɛ fúŋ Sɛ́ ŋɡɔ Ábɑ. Ńdɔk ńcú ŋɡɔ Tɑ̌ɑ.

Mɛnu ɛ́ ńdɑ́Ꞌ ńcẅɛt 5:12

ḿbɔ́ ńzɔp ńcú ŋɡɔ; Mɔ́ɔ-Njinjɔ ẅí pɛ́ kɑ jẅínɛ wɛ́ lɑ́, ɑ kuꞋ ŋu ẅí ɛ́ lɑɑ ḿbɔ́ pɛ́ ɡɑ́ mɛtʉʉ mbɔ̌ wɛ́, ŋ́ɡɑ́ mɛyúu mbɔ̌ wɛ́, ŋ́ɡɑ́ jínu mbɔ̌ yɛ́, ńtɔꞋ ŋɡúꞋ yɛ, ŋ́ɡɑ́ mɛkuꞋ mbɔ̌ wɛ́, ŋ́ɡɑ́ nɛɡúꞋ mbɔ̌ wɛ́, ńzɔp lík yɛ́.

Mɑtʉ̈ɔ 7:11

Pʉʉ ẅí pʉʉ fʉꞋnɛ́nɛ nu tɛꞋ jí nɛɡɑ́ yúu sʉ́Ꞌnɛ mbɔ̌ mbɔ́ŋkʉ̈ɔ́ pʉ́ʉ, tɛ ŋkɑ́ yɛsʉ́Ꞌʉ́ nǔu Tɑ̌ɑ wʉʉ ẅí ɑ tʉ́nɛ́pú? A ɡʉ ŋ́ɡɑ́ yúu sʉ́Ꞌnɛ mbɔ̌ pʉɔ pi pɔ́p lɔ́ɔnɛ mbɔ̌ wɛ́.

Mɑtʉ̈ɔ 26:29

Ɛ sẅíi wʉ́ʉ, ŋ kɛ́ lɑ́Ꞌ ḿbɛn ńnɔ́ mɔnɛ mɛluꞋ pɔ́, tɛ ńdɑ́Ꞌ ńtsʉ́Ꞌ ńnɔ́ pɔ mɛ fí ŋkɑ́ yi pɛkŋɛ ńtsʉ́Ꞌ ḿbɔ́ pɔ tsɛt nɛfɔɔ-Tɑ̌ɑ mɔ.»

Mɑtʉ̈ɔ 23:9

Kɔɔ pʉʉ fúŋ wɛcɔ́ ŋu ndǔ tsɛ́tsɑ́Ꞌ ŋɡɔ tɑ̌ɑ wʉʉ, mbíꞌŋɡɔ pʉʉ ɡẅɛɛ pɔ tɑ́Ꞌ tɑ́t wɛ́mɔ́Ꞌ ɑ pɛn ḿbɔ́ pɔ tʉ́nɛ́pú.

Mɑtʉ̈ɔ 5:16

Ɛ́ pɔ́Ꞌɔ lɑ ɛ́ píkŋɛ ŋɡɔ pʉʉ pɔ́ kyɛꞌ-pʉɔmɛsɔŋ tɛ pɔ́p jʉ́ɔ nu sʉ́Ꞌnɛ yi pʉʉ sɛ́ ŋ́ɡɛ, ŋ́ɡúꞋlɛ Tɑ̌ɑ wʉʉ ẅí ɑ tʉ́nɛ́pú.

Lúkɑ́shi 15:18

Mɔ ŋ́ɡɛ ɛ́fú zɑꞋnɛ ḿbɛn nzʉʉ nɛ́ njɛ́Ꞌ-Tɑ̌ɑ mɔ, ńtɔ́ ńcú mbɔ̌ wɛ́ ŋɡɔ: Tɑ̌ɑ mɔ, ŋ kɑ ɡɛ nu kɛpɔŋ mbɔ̌ Sɛ́, mbɑ mbɔ̌ ɡu.

1 Pyɛ̂ 1:17

Pʉʉ ɡʉ ŋkɑ́ tsʉʉ yi pʉʉ cɛꞋlɛ́nɛ Sɛ́, yi pʉʉ fúŋnɛ Sɛ́ ŋɡɔ Tɑ́t wʉ́ʉ, ńdɔk mɛlɛ́Ꞌ lɑ́Ꞌ mi pʉʉ pɛ́tnɛ ŋ́ɡẅɛɛ ndǔ yɔ mbí, ńnyɛt tsɛt wʉʉ nɛnɑ́ŋ ŋɡɔ pʉʉ sɛ́ ŋ́ɡɑ́ mɛkuꞋ mɛ́. A ŋu ẅí ɑ zɑ́Ꞌnɛ ntsɑŋ-pʉɔmɛsɔŋ kɛ́ ɡẅɛɛ tɔŋ, ɛ́fú pɔ nǔu yúu mi ŋu ɡɛnɛ lɑ ńzɑ́Ꞌ ntsɑŋ-ŋɡɑŋ.

1 Timɔtɛ́ɛ 6:16

A ndɑꞋ jʉ́ zɛ́nɛjʉ́ ẅi ɑ kɛpfú. A ńnɑ́ŋ nǔu zʉꞋ yi ɛ́ ŋwɑŋɛ́nɛ tɛ ḿbɔ́ ŋumɛsɔŋ pɔɔ kẅɛ́Ꞌlɛ tɛ ḿbɑ́ɑtɛ zúꞋu pɔ́. Ŋu ŋkɑɑ mɔ́ zɛɛ ńjʉ́ɔ wɛ́ pɔ́, ḿbɔ́ ŋu pɔɔ kuꞋ nɛjʉ́ɔ wɛ́ pɔ́. Ɛ́ pɔŋ ŋɡɔ mɛkuꞋ mɛ́ mbɑ nɛfɔɔ nɛ́ lɑ́Ꞌ ḿbɔ́ pɔ ɡú. Ɛ́ pɔ́Ꞌɔ.

Lúkɑ́shi 15:21

Mɔ́ɔ cú mbɔ̌ tɑ́t wɛ ŋɡɔ: «Tɑ̌ɑ mɔ, ŋ kɑ ɡɛ nu kɛpɔŋ mbɔ̌ Sɛ́, mbɑ mbɔ̌ wu, ŋ kɑ́ pɛn ŋ́kuꞋ pɑ́Ꞌ ɛ́ lɑɑ ḿbɔ́ ɔ fúŋ wɑ́ɑ nɛ́ mɔ́ɔ nu pɔ́.»

Lúkɑ́shi 2:14

«Gúꞌlɛ pɔ́ mbɔ̌ Sɛ́ tɛ tʉ́nɛ́pú, mbɔ́tnɛ pɔ́ mbɔ̌ pʉɔmɛsɔŋ ndǔ tsɛ́tsɑ́Ꞌ. Sɛ́ kɔŋ wɔ́p.»

Mɑtʉ̈ɔ 6:14

Ɛ́ pɔ́Ꞌɔ, ḿbɔ́ yi pʉʉ lɑɑ ńzɛɛ ńdikŋɛ mɛfɑɑnɛ pɛcɔ́ pʉɔ, lɑ́ mbɔ Tɑ̌ɑ wʉʉ ẅí ɑ tʉ́nɛ́pú ɡʉ ŋ́ɡɛ ńdíkŋɛ mʉ́ʉ ɡúu.

Mɑtʉ̈ɔ 6:6

Lɑ́ ŋ́ɡʉ nǔu pʉʉ, mbɔ ŋu lɑɑ ḿbɔ́ ŋ́ɡʉ ńcɛꞋlɛ Sɛ́, ɑ kúu tsɛt lûmndɑ́ lʉɔmɛ́nɛ, ŋ́kẅíipɛ ntsundɑ́, ńnɑ́ŋ pɔ ndʉɔmɛ lʉɔmɛ́nɛ lɑ́ ńcɛꞋlɛ Tɑ́t wɛ ẅí pɛ́ ńjʉ́ɔ wɛ́ pɔ́. Tɑ́t wu ẅí ɑ jʉ́ɔnɛ yúu mi ɔ ɡɛnɛ zʉꞋ lʉɔmɛ́nɛ, ɑ ɡʉ ŋ́ɡɛ ńtsɔ́Ꞌ fɑꞋ yú.

Mɑtʉ̈ɔ 5:48

Pɔ́Ꞌɔ lɑ́, pʉʉ pɔ́ pɑ kɛ́ lɔ́Ꞌ, pɑ́Ꞌ Tɑ̌ɑ wʉʉ ẅí ɑ tʉ́nɛ́pú kɛ́ lɔ́Ꞌ.»

Ŋɡɑlɑ̂t 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋntúu-Yɛ́su Kɛlístɔ, mbɔ pʉɔmɛsɔŋ ŋ́kɑɑnɛ wɑ́ɑ tsɔ́Ꞌ, wɛcɔ́ ŋumɛsɔŋ kɛ́ mbɔɔ wɑ́ɑ túu. Yɛ́su Kɛlístɔ pɔ́p Sɛ́ tɑ́t kɑ túunɛ wɑ́ɑ. Jʉ́ tɑ́t kɑ ɡɛnɛ lɑ Yɛ́su zẅíimɛ nǔu nɛvú.

Jɑ̂ŋ 20:17

Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»

Mɑtʉ̈ɔ 26:42

Yɛ́su pɛn ɛ́fú nɛjɔ́ŋ pɔ́p ŋ́ɡʉ nǔu mbɑ́ɑtɛ yɛ́pɑ́, ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi yɛcɔ́ nɛɡɛ tɛ kẅɛ́Ꞌlɛ yɔ ntúꞋ nɛjɔ́ŋ mɔ kɑ́ pɔ́ ɡú pɔ́, ŋ́kɛ́ ḿbɔ́ yi ŋ kɛ́ ńnɔ́ nɔ́nɛ, ɔ ɡɛ pɑ́Ꞌ ɔ kɔŋnɛ,»

Pʉɔ-Lɔ́mɑ 1:7

M bɛn ŋ́ɡɑ́ yɔ ŋwɑꞋnɛ mbɔ̌ pʉʉ tsʉʉ pi pʉʉ tʉ́sɔŋ-Lɔ́mɑ. Pʉʉ pi Sɛ́ kɔŋnɛ wʉ́ʉ, yɛ́tɛ́ kɑ ɡɛnɛ ɑ fúŋ wʉ́ʉ pɑ́Ꞌ pʉʉ ɡʉ ḿbɔ́ pʉɔ pɛ́ pi ɑ tsɔ́Ꞌnɛ. Mɔ sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

Mɑtʉ̈ɔ 10:29

Pʉʉ jí ŋɡɔ pɛ́ fɛn pɛtsẅíkɔt pɛ́pɑ́ ɛ́ pɔɔ kuꞋ yɛcɔ́ yúu pɔ́. Tɛ mbɑ pɔ́Ꞌɔ, ḿbɔ́ wɛcɔ́ tɑ́Ꞌ pɔɔ vu sɛ́ kɛ́ pɔ́ yi Tɑ̌ɑ wʉʉ Sɛ́ pɛ́mnɛ pɔ́.