Mɑtʉ̈ɔ 5:5 - Kɑɑ Fí

⁵ Pɛpɔ́ttú pʉɔ pinɛ pɔ́p kɑ́ ɡɛ ɡɑꞋɡɑꞋ pɔ́, mbíꞋŋɡɔ pɔ́p ɡʉ ŋ́ɡɛ ńjʉ́ ŋɡɔŋ.

Mɑtʉ̈ɔ 5:5 Referans Kwoze

Jɑ̂k 3:13

Ŋu lɑɑ ḿbɔ́ tsɛtsɛt pʉʉ, ḿbɔ́ ŋ́kwɑŋɛ ŋɡɔ ɑ ɡẅɛɛ jínu, ḿbɛn ŋ́ɡẅɛɛ kwɑŋɛ nu, ɑ lɔk tswɛ́ sʉ́Ꞌnɛ yɛ́ ńnyɛt, ḿbɛn ńdɔk mɛfɑꞋ mi ɛ́ nyɛtnɛ ŋɡɔ ɑ ŋu ḿbɔ́tnɛ pɔ́tnɛ́nɛ ḿbɔ́ njínu, ńnyɛt.

Ŋɡɑlɑ̂t 5:23

ḿbɔ́ nɛpɔ́tnɛ, ḿbɔ́ nɛkúꞋlɛ mbʉʉ. Ɛ́ kwɑꞋ nɛ́nẅín, nɛpʉ́ʉ kɑ́ lʉꞋ mɔnɛ mɛyúu pɔ́.

Jɑ̂k 1:21

Pɔ́Ꞌɔ lɑ́, pʉʉ mɛꞋ mɛnu-ndǔmbí tsʉʉ, ḿmɛꞋ mɑt ẅí ɛ́ fúnɛ nǔu shíshí tʉ́m. Pʉʉ nɔɔ sɛ́ mbi Sɛ́, ḿbɛ́m sẅiŋɛ yi ɑ kɑ pinɛ tsɛt tʉ́m pʉʉ. Ɛ́ mbíꞋŋɡɔ ɛ́ kuꞋ nɛɡɛ pʉʉ luk.

Kɔlɔsíyɛ̂ŋ 3:12

Sɛ́ kɑ kɔŋ wʉ́ʉ, ńtsɔ́Ꞌ wʉ́ʉ, ńdɔk ŋ́ɡɛ pʉɔ pɛ́. Pɔ́Ꞌɔ lɑ́, pʉʉ pɛ́ɛ tsẅɛ́ fí ḿmɑꞋ, ńtsɑ́ɑ mɛjʉ́ŋ pɛcɔ́ pʉɔ tɛꞋ, ŋ́ɡẅɛɛ pɔŋtʉ́m, ŋ́ɡɑ́ mbʉʉ sɛ́, ḿbɔ́ ŋɡɑŋ-mbɔ́tnɛ, ŋ́ɡẅɛɛ sʉk tʉ́m.

Mɑtʉ̈ɔ 11:29

Pʉʉ tíi mbɑɑndyɔŋ-piꞋ yɑ́ɑ ńzɑ́p mbʉ̈ɔꞋ pʉʉ, ḿbɛn ḿbɛ́m ŋɡɔ n zíꞋ wʉ́ʉ pɑ́Ꞌ pʉʉ ɡʉ ŋ́ɡɛ, mbíꞌŋɡɔ m bɔ́tnɛ, tʉ́m yɑ́ɑ pɛn ŋ́kɛ́ mbɔɔ cʉ́ɔk. Ŋ ɡʉ ŋ́ɡɑ́ zʉꞋ yí pʉʉ ɡʉ fíitɛ tʉ́m yʉ́ʉ zúꞋu.

Ɛ́fɛ̂zɛ 4:2

Pʉʉ kɔk mbʉʉ yʉʉ ŋ́ɡɑ́ Sɛ́, ḿbɔ́ pʉɔ pɔ́tnɛ́nɛ, ŋ́ɡẅɛɛ kɔkmbʉʉ. Ńdɛɛ nǔu kɔŋɛ yi ɛ́ tsɛtsɛt pʉʉ, ḿmɛꞋ zɑ́ŋ lɔ́ŋ.

1 Pyɛ̂ 3:15

Tɛ ńtsʉ́Ꞌ pɔ́Ꞌɔ, pʉʉ pɔ́ tsɛt tʉ́m pʉʉ, ḿbɔ́ ŋ́ɡɑ́ pɔ mɛkuꞋ-Kɛlístɔ ŋɡɔ jʉ́ pɔ́nɛ Ndɛ wʉʉ. Pʉʉ pɔ́ ŋkɑ́ tsʉʉ ńtʉ́ʉ pɔ pɑ́Ꞌ ŋu lɑɑ píkŋɛ wʉ́ʉ ŋɡɔ mɛlɑ́Ꞌ kʉ̈ɔ́ pʉʉ tík kwɑŋɛ yʉ́ʉ nǔu Kɛlístɔ ɔɔ, pʉʉ kyɛ́Ꞌtɛ ɛ́sẅíi ŋɡɑŋ.

Tîtɛ 3:2

Cú mbɔ̌ pɔ́p ŋɡɔ kɔɔ pɔ́p cú nu kɛpɔŋ mbɔ̌ ŋu, ŋɡɔ pɔ́p pɑ́ɑ mɛfɛꞋ, ḿbɔ́ pʉɔ mbɔ́tnɛ pɔ́tnɛ́nɛ, ńnɑ́ŋ ŋ́ɡɑ́ mɛkuꞋ mbɑ wɔ̌ lɑ́.

1 Pyɛ̂ 3:4

Ɛ́ pɔŋ ŋɡɔ yʉ́ʉ kẅii-mbʉʉ fú pɔ tsɛt tʉ́m pʉʉ. Yîyɑ́ ɛ́ kẅii-mbʉʉ yí ɛ́ ɡʉ ńdɑ́Ꞌ ńjúk nɑ́ŋ nɑ́ŋnɛ, ɛ́ pɔ́ nɛpɔ́tnɛ pɔ́tnɛnɛ kɛ́ lɔɔ fɛꞋ. Ɛ́ mbɔ̌ Sɛ́ ḿbɔ́ mɑ́mɑ́ kẅii.

1 Timɔtɛ́ɛ 6:11

Ɛ́ kɛ́ ŋ́ɡʉ nǔu ɡu ẅí ɔ ŋu-Sɛ́, pɔ́ ŋ́kʉɔ mîmɑ́ mɛnu kɛpɔŋ, ḿbɔ́ ɛ́sɑ́Ꞌ tʉʉ ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ḿbɔ́ yúu mi ɛ́ pɔŋnɛ Sɛ́, ḿbɔ́ ńzɑ́p tʉ́m yú pɔ nǔu wɛ́, ḿbɔ́ ŋ́kɔŋ ŋumɛsɔŋ, ḿbɔ́ ńtɛntɛ tɛntɛnɛ nzʉʉ Sɛ́, ńtʉ́ʉ nǔu yɛ́tɛ́ nu ɔɔ, ḿbɔ́tnɛ pɔ́tnɛ́nɛ.

2 Timɔtɛ́ɛ 2:25

A ɡẅɛɛ nɛlɔk mbɔ́tnɛ ńdɛꞋlɛ yúu mbɔ̌ pʉɔ pi ɑ cúnɛ nu pɔ́p kúp pɔ shʉ́-nu yîyɑ́. Líkcɔ́ Sɛ́ ɡʉ ŋ́ɡɑ́ shʉ́ mbɔ̌ pîpɑ́ pʉɔ pɔ́p kúpmɛ yɔp ntɛ́ nɛsɑ́ŋ nu, ɛ́fú pɔ́Ꞌɔ, ńjí nu yi ɛ́ nɛ́nẅín,

Pʉɔ-Lɔ́mɑ 4:13

Yɛcɔ́ nu pɛn ḿbɔ́ ŋɡɔ Sɛ́ kɑ kɑꞋ mbɔ̌ Ábɛlɛhɑ̂m, mbɑ mbɔ̌ njẅɛt yɛ́ ŋɡɔ ɑ ɡʉ ńdɑ́Ꞌ ŋ́ɡɑ́ ŋɡɔŋ mbɔ̌ pɔ́p. Sɛ́ ŋ́kɑɑ ḿbɔ́ ŋ́kɑꞋ pɑ́Ꞌɑ, pɔ́ mbíꞋŋɡɔ Ábɛlɛhɑ̂m kɑ pɔ́ ŋ́ɡɛ yúu mi nɛpʉ́ʉ sɛ́ ḿbíkŋɛ pɔ́, ɛ́ kɑ fú pɔ nǔu pɑ́Ꞌ ɑ zɑ́pnɛ tʉ́m nǔu Sɛ́, Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Mɑtʉ̈ɔ 21:5

pʉʉ cú mbɔ̌ pʉɔ pí pɔ́p tsɛt tʉ́sɔŋ-Syɔ́ŋ ŋɡɔ: «Pɔ́p líŋɛ ńjʉ́ɔ pɑ́Ꞌ fɔɔ wɔp sɛ́ ńtɔ́ nɛ́ nɛjɔ́ŋ pɔ́p, ḿbɔ́ ŋɡɑŋ-mbɔ́tnɛ, ńnɑ́ŋ ndǔ njɑkɑ́ɑshi, ɑ pɔ́ mɔ́ɔ njɑkɑ́ɑshi.»