Mɑtʉ̈ɔ 4:3 - Kɑɑ Fí

³ Sɑ́ttɑ tɔ́ ŋ́kwɑꞋlɛ wɛ́, ńcú ŋɡɔ: «Pɑ́Ꞌ ɔ mɔ́ɔ-Sɛ́ lɑ́, ɡɔ́ɔ ŋ́kɛ́ ńcú mbɔ̌ mɛŋɡɔꞋ mɔ ŋɡɔ ɛ́ shɔtnɛ ńtsʉ́Ꞌ yúujʉ́ ɔ jʉ́.»

Mɑtʉ̈ɔ 4:3 Referans Kwoze

1 Tɛsɑlɔník 3:5

Ɛ́ yúu mi ɛ́ kɑ ɡɛnɛ lɑ m bɔɔ pɛn ŋ́kuꞋ nɛzẅíꞋlɛ pɔ́, ńtsʉ́Ꞌ ńtúu Timɔtɛ̂ɛ, ŋɡɔ ɑ ɡʉ ńjʉ́ɔ pɑ́Ꞌ wʉʉ nɛzɑ́p tʉ́m nǔu Sɛ́ kɑ tsʉ́Ꞌnɛ ḿbɔ́ pɔ́Ꞌɔ, ŋ́ɡɔ ńtúu wɛ́, ḿbɔ́ ḿbɔ́k ŋɡɔ Sɑ́ttɑ kɑ tsʉ́Ꞌ ŋ́kwɑꞋlɛ wʉ́ʉ tɛ fɑꞋ yi pɛk kɑ fɑꞋnɛ lɛɛ níinɛ.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɑtʉ̈ɔ 3:17

Ŋɡi-ŋu fú tʉ́nɛ́pú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.»

Ɛ́bɛlʉʉ 12:16

Pʉʉ pɑ́ɑ pɑ́Ꞌ ḿbɔ́ ŋu wʉ́ʉ puutɛ mbɑ wɔ̌ lɑ́ pɔ́p nɛ́ nɔɔ nɔɔnɛ, ḿbɑ́ɑ pɑ́Ꞌ ḿbɔ́ ŋu nɑ́ kɛ́ ɡɑ́ mɛkuꞋ nǔu yúu mi ɛ́ yɛ́ Sɛ́, ndʉ́ŋndʉŋ pɑ́Ꞌ Ɛzɑẅi ẅi ɑ kɑ fɛnnɛ nu-ndʉ́m ẅi ɑ kɑ pɔ́ wɛ́tɛ́, pɛ́ lɔk tɑ́Ꞌ kɑ́ŋ yúupɛjʉ́ ńzúu.

ŊwɑꞋnɛ-Gɑŋntúu Yɛ́su Kɛlístɔ 9:20

Ɛ́ ɡɔ́ ḿbɔ́, mbɔ ɑ ŋkɑɑ kɛ́ ńzẅíꞋlɛ lɑ́ ńzɛ nɛpɔ́ ŋ́kúu mɛndɑ́-mɛcúꞋlɛ-pɑyúdɑ mi ɛ́ zúꞋu, ḿbɔ́ ɛ́sɑ́Ꞌ ŋɡɔ Yɛ́su mɔ́ɔ-Sɛ́ pɔ́.

Lúkɑ́shi 4:9

Sɑ́ttɑ ɡɔ́ɔ ńdɔk Yɛ́su ŋ́ɡʉ nɛ́ Yɛlúsɑlɛm ŋkɔ̂ɔnɛ, ńtík wɛ́ ndǔ ntsɔꞋ-ndɑ́-nɛnɔŋpɔꞋ, Ńcú mbɔ̌ wɛ́ ŋɡɔ: «Ɔ lɑɑ ḿbɔ́ mɔ́ɔ-Sɛ́, ɔ fú zɑ́Ꞌnɛ, ŋ́kít, ńcʉ́ɔ sɛ́! MbíꞋŋɡɔ

Lúkɑ́shi 4:3

Sɑ́ttɑ tɔ́ ńcú mbɔ̌ wɛ́ ŋɡɔ: «Pɑ́Ꞌ ɔ mɔ́ɔ-Sɛ́ lɑ́, kɛ́ ŋ́ɡɔ́ɔ ńcú mbɔ̌ ŋɡɔꞋ yɔ ŋɡɔ ɛ́ shɔtnɛ ńtsʉ́Ꞌ yúujʉ́ ɔ jʉ́!»

Mɑtʉ̈ɔ 14:33

Pʉɔ pínɛ pɔ́p tsɛt kɑnúꞋ pi mɛkẅíꞋlɛ mɔ́p mbi Yɛ́su ńcú ŋɡɔ: «Ɛ́ kwɑꞋ nɛ́nẅín, ɔ mɔ́ɔ-Sɛ́.»

Mɑtʉ̈ɔ 16:16

Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»

Mɑtʉ̈ɔ 26:63

Lɑ́ Yɛ́su pɔɔ tsɔ́p. NɔŋpɔꞋ wɛ ɡwɛ́ cú mbɔ̌ wɛ́ ŋɡɔ: «Lɔk lík-Sɛ́ ẅi ɑ ntʉʉ, ŋ́kɑɑ ɛ́sẅíi wɛ́k ŋɡɔ ɔ Nzɑ́Ꞌŋkʉ ẅí ɑ mɔ́ɔ-Sɛ́ kɛ ɔ kɑ́ pɔ́ ńjʉ́ɔ pɔ́ ɔɔ?

Mɑ́lɛ́kúshi 1:1

Nzɛnɛ Ŋkʉʉ Sʉ́Ꞌnɛ nǔu Yɛ́su Kɛlístɔ mɔ́ɔ-Sɛ́, pʉ̈ɔ́lɑ́.

Mɑ́lɛ́kúshi 3:11

Pʉɔ pi mɛzẅikŋɛ kɛpɔŋ kɑ pɔ́ ḿbúunɛ wɔ́p kɑ pɔ́ tɛ ńjʉ́ɔ wɛ́, ńnɔɔ mɛku wɛ́, ńdɔk ŋɡi tɛnnɛ ńcú ŋɡɔ: «Ɔ Mɔ́ɔ Sɛ́.»

Mɑ́lɛ́kúshi 5:7

ńdɔk ŋɡi tɛnnɛ ŋ́ɡíɛt ŋɡɔ: «Yɛ́su mɔ́ɔ-Sɛ́ ẅi ɑ piꞋnɛ mbɑ kʉ̈ɔ́ lɑ́, ɔ cẅɛ́ɛ kʉ̈ɔ́ mbɔ̌ mɔ? Sɛ́sẅíi, n dɔk lík-Sɛ́ ḿbuꞋ mbɔ́ mbɔ̌ wu ŋɡɔ, ɔ pɑ́ɑ nɛníꞋ wɑ́ɑ tsɛt ŋɡʉ̈ɔ́Ꞌ?»

Lúkɑ́shi 1:35

Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.

Lúkɑ́shi 4:41

Mɛzẅikŋɛ kɛpɔŋ pɔ́ ŋ́ɡɔ́ ɛ́fú nǔu nɛlʉ́m wɔp ńcẅɛt, ŋ́kíi ńcú ŋɡɔ: «Ɔ mɔ́ɔ-Sɛ́.» Lɑ́ Yɛ́su cɔ́k wɔ́p, ḿbɔɔ pɛ́m ŋɡɔ pɔ́p cú nu pɔ́, mbíꞋŋɡɔ pɔ́p kɑ jí ŋɡɔ Yɛ́su Nzɑ́Ꞌŋkʉ-puꞋ ẅí Sɛ́ kɑ kɑꞋnɛ mbɔ̌ pʉɔmɛsɔŋ.

Lúkɑ́shi 22:70

Pɔ́p pɛtsʉʉ kɑ zúꞋ ńcú ŋɡɔ: «Ɔ lɔk ḿbɔ́ mɔ́ɔ-Sɛ́ pɔ?» Yɛ́su tsɔ́Ꞌ ŋɡɔ: «Ɛ́ cẅɛt pɔ ntsu pʉʉ, mɔ kwɑꞋ wɛ́t.»

Jɑ̂ŋ 1:34

N jʉ́ɔ, lɑ́ mɔ sɛ́ ɛ́sɑ́Ꞌ ɛ́sẅíi pʉɔ ŋɡɔ jʉ́ pɔ́nɛ mɔ́ɔ-Sɛ́.

Jɑ̂ŋ 1:49

Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»

Jɑ̂ŋ 9:35

Yɛ́su ɡɛ ńzúꞋ ŋɡɔ pɔ́p fú ndɑ́-cúꞋlɛ ńzuŋ fʉmík, ŋ́ɡʉ ńcú mbɔ̌ wɛ́ ŋɡɔ: Ɔ zɑ́b tʉ́m nǔu Mɔ́ɔ-Ŋu?

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

2 Kɔlɛ̂ŋtɛ 1:19

N cú pɑ́Ꞌɑ mbíꞋŋɡɔ Yɛ́su Kɛlístɔ, mɔ́ɔ-Sɛ́ ẅi pɛk Sílɑs, ŋ́ɡɛ Timɔtɛ̂ɛ kɑ cúnɛ nu yɛ́ mbɔ̌ pʉʉ, ɑ ŋ́kɑɑ ḿbɔ́ ńtɔ́ ḿbɔ́ ŋu ẅi mbɔ ɑ cú nu, ḿbɛn ŋ́kúpmɛ pɔ́. A kɑ tɔ́ ḿbɔ́ pɔ ŋu ẅí ɑ cúnɛ nu, mbɔɔ kúpmɛ.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ɛ́bɛlʉʉ 4:14

Pɑ́Ꞌ pɛkŋɛ ɡẅɛɛnɛ tɑ́Ꞌ NɔŋpɔꞋ wɛ ɡwɛ́ ẅí ɑ kwɑꞋ ẅîwɑ́ lɑ́, ẅi ɑ kɑ ɡʉnɛ tɛ ŋ́kúu nɛjɔ́ŋ Sɛ́ ntɛ́ wɛkŋɛ lɑ́, ɑ pɔ́ Yɛ́su, ḿbɔ́ mɔ́ɔ-Sɛ́ lɑ́, pɛkŋɛ kúꞋlɛ nu yi pɛ́ kɑ sẅíinɛ wɛkŋɛ, pɛkŋɛ zɑ́p tʉ́m nǔu, ḿbɛn ḿbɔ́ ɛ́sẅíi yîyɑ́ nu mbɔ̌ pɛcɔ́ pʉɔ.

Ɛ́bɛlʉʉ 7:3

Pɛ́ kɑ́ jí tɑ́t pɛ Mɛlkisɛdɛk pɔ́. Pɛ́ kɑ́ jí mɑ́ wɛ pɔ́, ŋ́kɛ́ mbɔɔ jí tsɛ́nndɑ́ yi ɑ fúnɛ nǔu pɔ́, pɛ́ kɑ́ tɔ́ nǔu yɛcɔ́ zʉꞋ tsɛt ŋwɑꞋnɛ-Sɛ́ ńzúꞋ pɛ́ cú nu nǔu nɛpí wɛ́ pɔ́, ŋ́kɛ́ mbɔɔ zúꞋ pɛ́ cú nu nǔu nɛvú wɛ pɔ́. Ɛ́ pɔ́ pɔ́Ꞌɔ, ɑ lɔk ḿbɔ́ pɑ́Ꞌ mɔ́ɔ-Sɛ́, mbíꞋŋɡɔ ɑ nɔŋpɔꞋ ẅí ɑ pɔ́ pɔ ɡú.

1 Jɑ̂ŋ 3:8

Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.