Mɑtʉ̈ɔ 3:6 - Kɑɑ Fí

⁶ ńtʉ́ʉ mbi pʉɔtsʉʉ, ḿbɛ́m mɛnu kɛpɔŋ mɔ́p, ɑ nuꞋ wɔ́p tsɛt ŋki-Juudɛŋ.

Mɑtʉ̈ɔ 3:6 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 19:18

Nɛzɑ́ɑ pʉɔ pɛ́m nu-Yɛ́su, ḿbɛn ḿbɔ́ ńtɔ́ ńtʉ́ʉ tsɛtsɛt pʉɔ ḿbɛ́m sɑ́ɑnɛ sɑ́ɑnɛ́nɛ ŋɡɔ yúu mi pɔ́p kɑ ɡɛnɛ, ŋkɑɑ pɔŋ.

1 Jɑ̂ŋ 1:9

Pɛkŋɛ lɑɑ ḿbɛ́m mɛfɑɑnɛ mɛkŋɛ, mbɔ Sɛ́ ɡʉ ńdikŋɛ ŋ́ɡɑ́ mbɔ̌ pɛkŋɛ, ɛ́fú nǔu pɛkŋɛ ńcẅɛɛtɛ nu kɛpɔŋ tsʉʉ, mbíꞋŋɡɔ Sɛ́ kɑꞋnɛ yúu ḿbɛn ŋ́ɡɛ, ɛ́ pɔ́ ndʉ́ŋndʉŋ.

Ɛ́bɛlʉʉ 9:10

Yîyɑ́ ntɛ́ nɛɡúꞋlɛ Sɛ́ ntɛ́ yi ɛ́ líŋɛ́nɛ pɔ mbʉʉ-ŋu, ɛ́ pɔ́ nu ńdíŋɛ yúupɛjʉ́, ńdíŋɛ mɛluꞋ, ńdíŋɛ nɛsuk mɛlɔ́Ꞌ. Mɛtʉʉ mîmɑ́ mbʉ́ʉ kɑ ɡẅɛɛ nɛpɔ́ ɡú tɛ ńdɑ́Ꞌ ŋ́kúu pɔ ŋkɑ́ yi Sɛ́ kɑ pɔ́ ŋ́ɡʉ ḿbɛn ŋ́ɡɛ mbɑ kʉ̈ɔ́ lɑ́ pɔ fí fí.

Mɑtʉ̈ɔ 3:11

Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ tsɛt ŋki, nɛlɔk ńnyɛt ŋɡɔ pʉʉ kúpmɛ mɑt. Lɑ́ ŋu ẅí ɑ nzʉʉ mɔ ḿbɔ́ ńtɔ́, ɡʉ ńtɔ́ yɛ́ ńníꞋ pʉɔ mbɔ̌ Zẅikŋɛ Lɛ́ɛnɛ́nɛ, ńníꞋ pʉɔ tsɛt múk. A tsɑ wɑ́ɑ, tɛ ŋ kɑ́ kuꞋ nɛsɔt mɛtɑp mɛ́ pɔ́.

Ɛ́bɛlʉʉ 6:2

pɑ́Ꞌ nɛzíꞋ nu nǔu nɛcẅɛ́ɛ ŋki, pɑ́Ꞌ nɛzíꞋ nu nǔu nɛzɑ́p mbɔ́ tú-pʉɔ, pɑ́Ꞌ nɛzíꞋ nu nǔu nɛzẅíimɛ nǔu nɛvú mbɑ nǔu pɑ́Ꞌ Sɛ́ ɡʉ ńdɑ́Ꞌ ŋ́ŋɑk mɛtsɑŋ ńdɔk ńdẅiklɛ.

Kɔlɔsíyɛ̂ŋ 2:12

Ɛ́ kɑ pɔ́ ŋkɑ́ yi pɛ́ kɑ nuꞋnɛ wʉ́ʉ tsɛt ŋki, pɛ́ kɑ pɔ́ pɔ́Ꞌɔ, ńdɔk ńtɛmtɛ wʉ́ʉ pɛ́ Kɛlístɔ ńníꞋ tsɛt nɛshi, pʉʉ pɛ́ pɔ́p pɛn ńtɛmtɛ ńzẅíimɛ nǔu nɛvú, mbíꞋŋɡɔ pʉʉ pɛ́mnɛ ŋɡɔ Sɛ́ ẅí ɑ kɑ zẅíimɛ́nɛ Yɛ́su nǔu nɛvú, ɑ ɡẅɛɛ tʉʉ nɛlɔk ŋ́ɡɛ pʉʉ ńzẅíimɛ yʉ́ʉ ɡúu.

1 Kɔlɛ̂ŋtɛ 10:2

ńdɔk pɔ́Ꞌɔ, ńcẅɛ́ɛ ŋki, ńtsʉ́Ꞌ pʉɔ-Mɔ̌sɛ̂ɛ.

ŊwɑꞋnɛ-Gɑŋntúu Yɛ́su Kɛlístɔ 22:16

Ɔ ŋkɔ̂ɔnɛ ḿbɛ́t ńzẅíꞋlɛ kʉ̈ɔ́. Lɔ sɛ́ ńtɔ́ pɛ́ lɔk lík yɛ́ ńnuꞋ wú ŋki, ńdɔk ɛ́suk mɛnu kɛpɔŋ mú.»

ŊwɑꞋnɛ-Gɑŋntúu Yɛ́su Kɛlístɔ 11:16

Ŋ ɡɔ́ɔ ŋ́kɛ́ kẅíitɛ sẅiŋɛ-Tsɑpʉɔ pɑ́Ꞌ ɑ kɑ cúnɛ ŋɡɔ: «Jɑ̂ŋ kɑ nuꞋ pʉɔ ŋki, lɑ́ ŋ́ɡʉ nǔu pʉʉ, mbɔ Sɛ́ ɡʉ ŋ́ɡɛ ńnuꞋ wʉ́ʉ mbɔ̌ Zẅikŋɛ Lɛ́ɛnɛ́nɛ.

ŊwɑꞋnɛ-Gɑŋntúu Yɛ́su Kɛlístɔ 1:5

«Jɑ̂ŋ kɑ nuꞋ pʉɔ ŋki, lɑ́ ŋ́ɡʉ nǔu pʉʉ, mbɔ ɛ́ tsʉ́Ꞌ mɛcɔ́ mɛlɛ́Ꞌ, Sɛ́ nuꞋ wʉ́ʉ tsɛt Zẅikŋɛ Lɛ́ɛnɛ́nɛ.»

Lúkɑ́shi 3:16

Lɑ́ ɑ pʉ̈ɔt mbɔ́ pɔ́p pɛ́tsʉʉ ŋɡɔ: «Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ ŋki. Lɑ́ kwɑꞋ ŋu ɡwɛ́ sɛ́ ńtɔ́; ɑ lɛɛ wɑ́ɑ tɛꞋ, ŋ kɑ́ kuꞋ nɛkyɛ́Ꞌ mɛŋkʉ-mɛtɑp mɛ́ pɔ́. A ɡʉ ńtɔ́ ńníꞋ pʉɔ tsɛt mbɔ́-Zẅikŋɛ Lɛ́ɛnɛ́nɛ, ḿbɛn ńníꞋ pʉɔ tsɛt múk.»

Mɑ́lɛ́kúshi 1:5

Pʉɔ tsʉʉ fú tsɛt pɑk-ŋɡɔŋ-Judɛ̂ ḿbɔ́ ńtɔ́, tɛ mbɑ pʉɔ tsʉʉ Yɛlúsɑlɛm tɔ́ nɛjʉ́ɔ Jɑ̂ŋ ɛ̂wɑ́ ńjʉ́ɔ wɛ́ pɔ́Ꞌɔ, ḿbɛ́m mɛnu kɛpɔŋ mɔ́p, ɑ nuꞋ wɔ́p tsɛt ŋki-Juudɛŋ.

1 Pyɛ̂ 3:21

Ẅîwɑ́ ŋki kɑ pɔ́ lii cẅɛ́ɛŋki yi ɛ́ ɡɛnɛ pʉʉ luk ŋkɔ̂ɔnɛ lɑɑ. Pɛ́ kɑ́ pɔ́ ńdɔk ɛ́suk pɔ ntsɛ́llɛ́ nǔu mbʉʉ pɔ́. Ɛ́ pɔ́ pɔ nɛlɔk ńdɔ́ɔ mbɔ̌ Sɛ́ ŋɡɔ ɑ suk mɛtʉ́m mɛkŋɛ, ɛ́ pɔɔ pɛn ŋ́ŋɑk wɛkŋɛ pɔ́. Cẅɛ́ɛŋki lɔk pɔ́Ꞌɔ, ŋ́ɡɛ pʉʉ luk, ńdúꞋnɛ pɑ́Ꞌ Yɛ́su Kɛlístɔ kɑ zẅíimɛnɛ nǔu nɛvú.

Jɑ̂k 5:16

Pɔ́Ꞌɔ lɑ́, ŋu pɛ́m mɛfɑɑnɛ mɛ́ mbɔ̌ mɔ́ɔmɑ́ wɛ, mɔ́ɔmɑ́ wɛ pɛ́m mɛ́ mbɔ̌ wɛ́. Ŋu wʉʉ púꞋ mbɔ́ mbɔ̌ Sɛ́ nǔu tú-mɔ́ɔmɑ́ wɛ. Ɛ́ lɛɛ pɔ́Ꞌɔ, pʉʉ fíitɛ. CɛꞋlɛ-ŋu ẅí ɑ ndʉ́ŋndʉŋ mbi Sɛ́, nɛn tɛꞋ.

Lúkɑ́shi 1:16

A ŋ́ɡɛ ŋ́ɡɛ pʉɔ-islɑyɛ̂l tɛ ńzɑ́ɑ shɔt tʉ́m yɔ́p, ḿbɛn mbɔ̌ Tsɑpʉɔ Sɛ́ wɔp.