Mɑtʉ̈ɔ 26:11 - Kɑɑ Fí

¹¹ Pʉʉ ɡʉ ḿbɔ́ ńjʉ́ɔ pɛpúŋ pɔ ŋkɑ́ tsʉʉ, lɑ́ ŋ́ɡʉ nǔu mɔ, mbɔ pɛkŋɛ kɛ́ pɔ́ ŋkɑ́ tsʉʉ pɔ́.

Mɑtʉ̈ɔ 26:11 Referans Kwoze

Mɑ́lɛ́kúshi 14:7

Pʉʉ ɡʉ ḿbɔ́ ŋ́ɡẅɛɛ pɛpúŋ pɔ ŋkɑ́ tsʉʉ, ḿbɔ́ yi pʉʉ lɑɑ ŋ́kɔŋ pɔ ŋkɑ́ kʉ̈ɔ́ lɑ́, pʉʉ ɡɛ nu sʉ́Ꞌnɛ nǔu pɔ́p. Lɑ́ ŋ́ɡʉ nǔu mɔ, mbɔ pɛkŋɛ kɛ́ pɔ́ pɔ ŋkɑ́ tsʉʉ pɔ́.

Jɑ̂ŋ 12:8

Pɛpúŋ ɡʉ ḿbɔ́ tsɛtsɛt pʉʉ pɔ ŋkɑ́ tsʉʉ. Lɑ́ ŋ́ɡʉ nǔu mɔ, mbɔ pɛkŋɛ kɛ́ ɡɛ ḿbɔ́ pɔ ŋkɑ́ tsʉʉ pɔ́.»

Jɑ̂ŋ 16:28

Ŋ kɑ fú mbɔ̌ Tɑ̌ɑ mɔ, ńtɔ́ ndǔmbí, m bɛn ḿbɔ́ ŋkɔ̂ɔnɛ ḿbɔ́ ɛ́fú ndǔmbí ŋ́ɡʉ nɛtsɛ́t wɛ́.

Jɑ̂ŋ 16:5

Mɔ ŋkɔ̂ɔnɛ pɑ́Ꞌnɛ, ŋ́ɡʉ nɛ́ nɛjɔ́ŋ Tɑ̌ɑ ẅí ɑ kɑ túunɛ wɑ́ɑ. Mɔ sɛ́ ŋ́ɡʉ, wɛcɔ́ ŋu wʉʉ kɛ́ mbɔɔ píkŋɛ wɑ́ɑ ŋɡɔ: «Ɔ ɡʉ pɔ nɛ́ ɡɔ́ pɔ́ pɔ́ ɔɔ?»

Jɑ̂ŋ 14:19

Ɛ́ tsʉꞋ pɔ mɔ́zʉꞋ, pʉɔ-ndǔmbí pɔɔ pɛn ńjʉ́ɔ wɑ́ɑ pɔ́, lɑ́ ŋ́ɡʉ nǔu pʉʉ, pʉʉ pɔ́ ńjʉ́ɔ wɑ́ɑ jʉ́ɔnɛ, mbíꞋŋɡɔ mɔ pɔ ntʉʉ. Pʉʉ ɡʉ ḿbɛn ḿbɔ́ yʉ́ʉ ntʉʉ.

Jɑ̂ŋ 13:33

Mbɔ́ŋkʉ̈ɔ́ pɑ́ɑ, pɛkŋɛ kɛ́ pɛn ńnɑ́ŋ tɛ ntí sɑk pɔ́. Pʉʉ ɡʉ ŋ́ɡɛ ḿbɔ́ kɑ́t ńdɔɔ wɑ́ɑ pɑ́Ꞌ ŋ kɑ cúnɛ mbɔ̌ Pɑyúdɑ ŋɡɔ: «ZʉꞋ yí ŋ ɡʉnɛ nɛ́ zúꞋu, pʉʉ kɛ́ kuꞋ nɛtɔ́ zúꞋu pɔ́. Mɔ ḿbɛn ńcú yîyɑ́ nu mbɔ̌ pʉʉ ŋkɔ̂ɔnɛ.»

ŊwɑꞋnɛ-Gɑŋntúu Yɛ́su Kɛlístɔ 3:21

Ɛ́ nǔu ŋkɔ̂ɔnɛ Yɛ́su kɛ́ ŋ́ɡẅɛɛ pɔ nɛnɑ́ŋ tʉ́nɛ́pú. Tɛ ńdɑ́Ꞌ ŋ́kúu lɛ́Ꞌ yi Sɛ́ ɡʉ ńdɑ́Ꞌ ŋ́ɡɛ kʉ̈ɔ́ lɑ́ shɔtnɛ ńtsʉ́Ꞌ ḿbɔ́ pɔ yi fí. Pɑ́Ꞌ ɑ kɑ lɑ́Ꞌnɛ ńdɔk ntsu kwɑꞋ pɑcẅiŋkʉʉ pɛ́ pi ɑ kɑ tsɔ́Ꞌnɛ ńcú tɛ ntí sɑk.

Jɑ̂ŋ 17:11

Ɛ́ nǔu ŋkɔ̂ɔnɛ, ɛ́ tsʉ́Ꞌ mɔ́zʉꞋ, m bɔɔ pɛn ḿbɔ́ ndǔmbí pɔ́, mbíꞋŋɡɔ ŋ ɡʉ ḿbɛn nɛ́ nɛjɔ́ŋ ɡu. Lɑ́ ŋ́ɡʉ nǔu pɔ́p, mbɔ pɔ́p kɛ́ ḿbɛ́t ḿbɔ́ pɔ ndǔmbí. Tɑ̌ɑ mɔ ɑ ndɑꞋ ɡu ḿbɔ́ Sɛ́-mɛkuꞋ, lɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p, ńjí ŋɡɔ pɔ́p ɡʉ ḿbɔ́ tɑ́Ꞌ ŋu, ndʉ́ŋndʉŋ pɑ́Ꞌ pûu tɑ́Ꞌ ŋu lɑ́.

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Mɑtʉ̈ɔ 18:20

ZʉꞋ yí pʉɔ pɛ́pɑ́ kɛ pʉɔ pɛtɑ́t zúꞋu, ńcúꞋlɛ zúꞋu nǔu lík yɑ́ɑ, mbɔ ŋ ɡʉ ḿbɔ́ tsɛtsɛt pɔ́p.»

1 Jɑ̂ŋ 3:17

Ŋu lɑɑ ḿbɔ́ ŋɡɑŋyúu, ńjʉ́ɔ mɔ́ɔmɑ́ wɛ pɔ́ ńjɑ́k yúu, ɑ pɔɔ wɛ́ líŋɛ, mbɔ pɛ́ ɡʉ ńcú ŋɡɔ ẅîwɑ́ ŋɡɑŋyúu sɛ́ kɔŋ Sɛ́ ŋɡɔ́ku?

Ŋɡɑlɑ̂t 2:10

Pɔ́p cú mbɔ̌ pɛk pɔ ndɑꞋ ŋɡɔ pɛk kẅíitɛ pɛpúŋ pi pɔ́p tsɛt cúꞋlɛ-pʉɔ-Kɛlístɔ Yɛlúsɑlɛm. Ŋ kɑ kẅíitɛ wɔ́p kwɑꞋ sʉ́Ꞌnɛ.

Mɑtʉ̈ɔ 26:10

Yɛ́su jí kwɑŋɛ yɔ́p, ńcú mbɔ̌ pɔ́p ŋɡɔ: «Pʉʉ ɡɑ́ɑnɛ mɛlɑ́Ꞌ kʉ̈ɔ́? A ɡɛ pɔ nu sʉ́Ꞌnɛ nǔu mɔ.