Mɑtʉ̈ɔ 23:13 - Kɑɑ Fí

¹³ Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy. Pʉʉ pɑkɔŋmík, pʉʉ sɛ́ ŋ́kíitɛ ntsundɑ́ ẅi pʉɔmɛsɔŋ lɛɛnɛ nǔu lɑ ŋ́kúu tsɛt nu-nɛfɔɔ-Sɛ́, kwɑꞋ pʉʉ yʉ́ʉ sɛ́ mbɔɔ ŋ́kúu pɔ́, ŋ́kɛ́ ḿbɔɔ ńnɑ́ pʉɔ pí pɔ́p sɛ́ ŋ́kɔŋ nɛkúu tsɛtú kúu zúꞋu pɔ́.

Mɑtʉ̈ɔ 23:13 Referans Kwoze

Lúkɑ́shi 11:52

Ndɔ́ɔ tú pʉʉ pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pʉʉ kɑ kíitɛ sɛ̂ndúŋ ẅi pʉɔmɛsɔŋ lɛɛnɛ nǔu lɑ́ ńjí yúu mi Sɛ́ cúnɛ, ńdʉꞋ kwɑꞋ wʉ́ʉ ɡúu nɛlɛɛ nǔu, ḿbɛn ńtɑɑtɛ pʉɔ pinɛ pɔ́p sɛ́ ńtsɑ́ɑ nɛlɛɛ pɔ́Ꞌɔ.

Mɑtʉ̈ɔ 23:29

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy, pʉʉ pɑŋkɔŋmík, pʉʉ sɛ́ niitɛ ḿbɔ́ɔ mɛshi nǔu mɛzʉꞋ mi pɛ́ kɑ tẅíinɛ pɛŋɡɛ́mndʉ̈ɔ́Ꞌ-Sɛ́ zúꞋu, pʉʉ sɛ́ ńníꞋ mɛsuu nǔu mɛshi pʉɔ pínɛ pɔ́p kɑ ɡɔ́ mpfú ḿbɔ́ ŋ́ɡẅɛɛ nɛpʉ́ʉ-Sɛ́ sʉ́Ꞌnɛ.

Mɑtʉ̈ɔ 23:27

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy, pʉʉ pɑŋkɔŋmík, pʉʉ pɔ́ pɑ́Ꞌ mɛshi, mi pɛ́ lɔk mbʉ̈ɔ́ɔ ńzɔ́Ꞌ tɛ ɛ́ pɔ́ fúk. Nzɛm píi síi tɛꞋ, lɑ́ mɛtsẅíi-pɛpfú pɔ́p mɛlʉ̈ɔ́ yúu pɔ́nɛ tsɛtú.

Mɑtʉ̈ɔ 23:23

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy, pʉʉ pɑŋkɔŋmík, pʉʉ ɡɑptɛ yúu-nɑ́Ꞌ yʉ́ʉ tɛ mbɑ nzɑp yʉʉ, nji nɛɡɛ́m, ŋ́ɡɑ́ tɑ́Ꞌ nji mbɔ̌ Sɛ́, lɑ́, ŋ́ɡwɑ́ktɛ mɛnu mi nɛpʉ́ʉ-Sɛ́ zíꞋnɛ, ɛ́ pɔ́ kwɑꞋ mɛnu mí ɛ́ cẅɛ́lɛ́nɛ. Nu pɑ́Ꞌ nɛsẅíi nu nɛ́nẅín, nɛtsɑ́ɑ mɛjʉ́ŋ, nɛɡúꞋlɛ pɔ ndɑꞋ Sɛ́, lɑ́ yɛ́tɛ́ pɔ́nɛ yúu mi ɛ́ ḿbɔ́ ḿbíkŋɛ ŋɡɔ pʉʉ ɡɛ. Pʉʉ ɡɛ pɔ́Ꞌɔ, lɑ́ ŋ́kɛ́ mbɔɔ yɛcɔ́ ɡɛ́ɡɛ́ yúu likŋɛ.

ŊwɑꞋnɛ-Gɑŋntúu Yɛ́su Kɛlístɔ 8:1

Ɛ́ kɑ fú lɛ́Ꞌ ɛ̂yɑ́, pɛ́ zɛ nɛnyɛt nɔɔ-pɑpɛ́m Yɛ́su nɛ́ ŋɡʉ̈ɔ́Ꞌ Yɛlúsɑlɛm tɛꞋ. Pɔ́p kʉɔ, ɛ́sɑt zʉꞋ nǔu shʉ́ Judɛ̂ pɔ́p Sɑmɑlîi tɛ ɛ́ tsʉ́Ꞌ pɔ ndɑꞋ ɡɑŋntúu-Yɛ́su Yɛlúsɑlɛm.

2 Timɔtɛ́ɛ 4:15

Mbɑ ɡu yú lʉ́ɔꞋ wɛ́, mbíꞋŋɡɔ ɑ kɑ tɔꞋ nu yi pɛk kɑ pɔ́ ńzíꞋ pʉɔ tɛ ńzɑ́Ꞌ ŋkwɑɑ.

2 Timɔtɛ́ɛ 3:8

Ndʉ́ŋndʉŋ pɑ́Ꞌ ɛ́ kɑ pɔ́ yɛcɔ́ ŋkɑ́, Jɑnɛ̂s pɔ́p Jɑ́mbɛlɛs lʉꞋ nu yi Mɔ̌sɛ̂ɛ ḿbɔ́ ńzíꞋ lɑ́, pîpɑ́ pʉɔ pɛn ḿbɔ́ ńdʉꞋ nu yi ɛ́ nɛ́nẅín, pɔ́p pʉɔ pi kwɑŋɛ yɔ́p kɑ́ pɔŋ, pɔ́p ŋkɑɑ zɑ́p tʉ́m nǔu Sɛ́ tɛ ɛ́sẅíi nu pɔ́.

ŊwɑꞋnɛ-Gɑŋntúu Yɛ́su Kɛlístɔ 13:8

Lɑ́ ŋɡɑŋnɛkɑŋ ɛ̂wɑ́, lík yɛ́ pɔ́ Ɛlímɑs nǔu sẅiŋɛ-ŋɡɛlɛ́k lɔk ḿbɔ́ ŋɡɑŋnɛkɑŋ, ŋu ɛ̂wɑ́ pɔ́ ḿbɑɑ Pɑnɛpɑ́ɑshi pɔ́p Sɔ̂l, ḿbɔ́ ńdɔɔ nɛtɑɑtɛ tɛ ŋɡɔ́mnɑɑ pɔɔ zɑ́p tʉ́m yɛ́ nǔu Yɛ́su pɔ́.

ŊwɑꞋnɛ-Gɑŋntúu Yɛ́su Kɛlístɔ 5:40

ɛ́fúŋ ɡɑŋntúu-Yɛ́su, ńcú pɛ́ lɔk ŋɡwɑɑ ńtswɑ́ɑ wɔ́p. Pɔ́p tɔꞋ wɔ́p nɛpɛn ńdɔk lík-Yɛ́su ńcú nu, ŋ́ɡɛ ńnɑ́ wɔ́p pɔ́p ɡʉ.

ŊwɑꞋnɛ-Gɑŋntúu Yɛ́su Kɛlístɔ 5:28

«Pɛk ŋkɑɑ tɔꞋ wʉ́ʉ nɛpɛn ńzíꞋ nu-ŋu wɑ́ mbɔ̌ pʉɔ pɔɔ? Pʉʉ pɛn ńdɔk nu yɛ́ ɛ́sɑt Yɛlúsɑlɛm tsʉʉ. Pʉʉ kɑ lɔɔ pɑꞋnɛ ŋɡɔ pɛ́ ɡɔ́ pɛk jí nu nǔu nɛvú wɛ pɔ́ ɔɔ?»

Jɑ̂ŋ 9:34

Pɔ́p tsɔ́Ꞌ mbɔ̌ wɛ́ ŋɡɔ: «pɛ́ kɑ pí wú tsɛt nu kɛpɔŋ, ɔ ɡʉ nɛzíꞋ wɛ́k nɛ́ yúu kîi!» Ŋ́ɡɔ́ɔ ɛ́fú ndɑ́-cúꞋlɛ ńzuŋ wɛ́ ŋ́ɡɑ́ píi.

Jɑ̂ŋ 9:24

Pɑfɑlísɑy pɛn ɛ́fúŋ ŋu ẅí ɑ ḿbɔ́nɛ fʉ lɑ́, ńcú mbɔ̌ wɛ́ ŋɡɔ: «Tʉ́ʉ mbi-Sɛ́, ńcú nu nɛ́nẅín. Pɛk sɛ́ ńjí ŋɡɔ ŋu ɛ̂wɑ́ ŋu kɛpɔŋ.»

Jɑ̂ŋ 9:22

Tɑ́t wɛ pɔ́p mɑ́ wɛ, pɔ́ ńcú pɔ́Ꞌɔ, mbíꞋŋɡɔ pɔ́p kɑ pɔ́ ḿbɔ́k pɑsɑ́Ꞌlɑ́Ꞌ-pɑyúdɑ. Ɛ́ ɡɔ́ ḿbɔ́, mbɔ pɑyúdɑ kɑ zɑ́b ŋɡɔ ŋu lɑɑ ḿbɛ́m ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ, pɛ́ fú ndɑ́-cúꞋlɛ ńzuŋ ŋɡɑŋ.

Mɑtʉ̈ɔ 23:25

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy, pʉʉ pɑŋkɔŋmík. Pʉʉ tuk mbʉʉ-ntúꞋ lɔk ńnɔ́ mɛluꞋ mbɑ yɛ kɑ́ŋ, lɑ́ yúu mi pʉʉ lɔknɛ tsɔ́ŋ pɔ́p ɡɑ́tɛ ŋ́ɡẅɛɛ pɔ́nɛ tsɛtú.

Mɑtʉ̈ɔ 3:7

Jɑ̂ŋ jʉ́ɔ pɑ́Ꞌ pʉɔ nǔu nɔɔ-pɑfɑlísɑy pɔ́p pʉɔ nǔu nɔɔ-pɑsɑdukɑy tɔ́nɛ yɔ́p tɛ ńzɑ́ɑ, pɑ́Ꞌ ɑ ɡʉ ńnuꞋ wɔ́p ŋki, ɑ cú mbɔ̌ pɔ́p ŋɡɔ: «Njẅɛt mɛnɔ́, pɑtɑ́ɑ mɛzúŋ, wɔ̌ pɛnnɛ ɛ́sẅíi wʉ́ʉ nɛkʉɔ ŋɡʉ̈ɔ́Ꞌ yi pʉʉ lɔɔnɛ tɛ ɛ́ pɔ́ ŋ́ɡʉ ḿvu nǔu pʉʉ?

Mɑtʉ̈ɔ 23:16

Pʉʉ pɛpʉ́ktú, pʉʉ ẅí pʉʉ pɛfʉmík, ḿbɛn ḿbɔ́ ŋ́ɡẅɛɛ pɔ́-pɛcɔ́ pʉɔ, ńnyɛt wɔ́p nɛ́ sɛ̂ndúŋ. Pʉʉ yɛcɔ́ ŋkɑ́ ńzíꞋ pʉɔ ŋɡɔ ŋu lɑɑ ńdɔk zʉꞋ-nɔŋpɔꞋ ŋ́kɑɑ Sɛ́, mbɔ ɑ kɑ́ tíi ndɔɔ pɔ́. Lɑ́ ḿbɔ́ yi ɑ lɔk tʉ́n-ŋɡɔ̂l yi ɛ́ tsɛt zʉꞋ-nɔŋpɔꞋ ŋ́kɑɑ Sɛ́, mbɔ ɑ tíi ndɔɔ.