Mɑtʉ̈ɔ 22:42 - Kɑɑ Fí

⁴² «Pʉʉ kwɑŋɛ yʉ́ʉ ŋɡɔ nzɑ́Ꞌŋkʉ wɔ̌? Ŋɡɔ ɑ mɔ́ɔ wɔ̌?» Pɔ́p pʉ̈ɔt mbɔ̌ wɛ́ ŋɡɔ: «A ŋu nǔu njẅɛt-fɔɔ Ndɑvît.»

Mɑtʉ̈ɔ 22:42 Referans Kwoze

Kɔlɔsíyɛ̂ŋ 3:11

Pɔ́Ꞌɔ lɑ́, kɔɔ tɔŋ pɛn ḿbɔ́ tsɛtsɛt pʉʉ tɛ ḿbɔ́ pɛ́ cú ŋɡɔ: «Yɔ ŋu-Ŋɡɛlɛk, yɔ pɔ́ ŋu-pɑyúdɑ pɔ́. Pɛ́ pɔɔ pɛn ńcú ŋɡɔ yɔ ŋu ẅí pɛ́ kɑ púꞋnɛ wɛ́, yɔ pɔ́ ŋu ẅí pɛ́ ŋ́kɑɑ wɛ́ púꞋ pɔ́. Kɛ pɔ nɛpɛn ńcú ŋɡɔ wɔ kɑ zíꞋ ŋwɑꞋnɛ, wɔ pɔɔ zíꞋ pɔ́. Pɛ́ kɛ́ ḿbɔɔ pɛn ńcú ŋɡɔ wɔ ŋu ŋkwɑɑ, wɔ pɔɔ ŋkwɑɑ pɔ́. Kɛlístɔ tsʉ́Ꞌ ḿbɔ́ yʉ́ʉ nu tsʉʉ, ḿbɔ́ tʉ́m pʉʉ pɛtsʉʉ.»

Mɑtʉ̈ɔ 1:1

Mɛlík-pɛtɑ́t mɑ̂ɑŋɡɑpnjẅɛt-Yɛ́su Kɛlístɔ ẅi ɑ nǔu njẅɛt-fɔɔ Ndɑvît, ẅi ɑ nǔu njẅɛt-Ábɛlɛhɑ̂m ɡúu pʉ́ɔlɑɑnɛ:

Jɑ̂ŋ 20:28

Tɔmɑ́shi tsɔ́Ꞌ mbɔ̌ wɛ́ ŋɡɔ: «Tsɑpʉɔ wɑɑ, ḿbɔ́ Sɛ́ wɑɑ.»

Jɑ̂ŋ 1:49

Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»

Mɑtʉ̈ɔ 21:9

Lɑ́Ꞌ pɔ́ mbi, yɛcɔ́ pɔ́ nzʉʉ, ńnɛn ńcú ŋɡɔ: «Wûuẅíi»! Mbɔ̌ ŋu nǔu njẅɛt-fɔɔ Ndɑvît. Mbɔ́tnɛ pɔ́ mbɔ̌ ŋu ẅí ɑ tɔ́nɛ nǔu lík-Tsɑpʉɔ. Wûuẅíi mbɔ̌ Sɛ́ tɛ tʉ́nɛ́pú.

Mɑtʉ̈ɔ 14:33

Pʉɔ pínɛ pɔ́p tsɛt kɑnúꞋ pi mɛkẅíꞋlɛ mɔ́p mbi Yɛ́su ńcú ŋɡɔ: «Ɛ́ kwɑꞋ nɛ́nẅín, ɔ mɔ́ɔ-Sɛ́.»

Mɑtʉ̈ɔ 9:27

Yɛ́su fú zúꞋu ḿbɔ́ ŋ́ɡʉ, pɛcɔ́ pɛfʉmík pɛ́pɑ́ cʉ́ɔ nzʉʉ yɛ́, ḿbɔ́ ŋ́ɡɑ́ ŋɡi tʉ́ ńcú ŋɡɔ: «Ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɛ́k!»

Mɑtʉ̈ɔ 22:43

Yɛ́su píkŋɛ ŋɡɔ: «Ɛ́ pɛn ŋ́ɡɛ pɑ́Ꞌɑ, mbɔ Zẅikŋɛ Lɛ́ɛnɛ́nɛ kɑ jʉ́ fɔɔ Ndɑvît ɑ fúŋ Nzɑ́Ꞌŋkʉ ŋɡɔ Ndɛ,»