Mɑtʉ̈ɔ 21:44 - Kɑɑ Fí

⁴⁴ ŊɡɔꞋ ɛ̂yɑ́ yi ŋu lɑɑ ḿvu nǔu, mbɔ ŋɡɑŋ ɡʉ ḿbʉ̈ɔ́Ꞌtɛ, ɛ́ pɛn ḿvu nǔu ŋu, mbɔ ɛ́ ɡʉ ŋ́ɡɔꞋ ŋɡɑŋ.]

Mɑtʉ̈ɔ 21:44 Referans Kwoze

1 Pyɛ̂ 2:8

Ḿbɛn ḿbɔ́ ŋɡɔꞋ yi ɛ́ ɡʉ ŋ́ɡɛ pɛ́ vu sɛ́, ɛ́ mɑ́mɑ́ ŋɡɔꞋ yi pɛ́ ɡʉ kɔɔtɛ nǔu.» Pɔ́p ŋ́kɔɔtɛ nǔu, mbíꞋŋɡɔ pɔ́p lʉꞋ nɛzúꞋ sẅiŋɛ-sɛ́. Ɛ́ kɛ́ ḿbɔ́ pɔ pɑ́Ꞌ Sɛ́ kɑ zɑ́pnɛ ŋɡɔ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ nǔu pɔ́p.

Pʉɔ-Lɔ́mɑ 9:33

ŊɡɔꞋ yi pɛ́ kɑ ŋwɑꞋnɛ́nɛ yúu nǔu tsɛt ŋwɑꞋnɛ-Sɛ́ ŋɡɔ: Sɛ́ cú ŋɡɔ: Mɔ ńnɔŋ tɑ́Ꞌ ŋɡɔꞋ tʉ́sɔŋ-Siyɔŋ, Ɛ́ pɔ́ yí pɛ́ ɡʉ ŋ́kɔɔtɛ nǔu. Ɛ́ mɑ́mɑ́ ŋɡɔꞋ yí ɛ́ ɡʉ ŋ́ɡɛ pɛ́ vu. Lɑ́ ŋu ẅí ɑ ɡʉ ńzɑ́p tʉ́m yɛ́ nǔu wɛ́, sʉ́ʉ kɛ́ lɑ́Ꞌ ŋ́kɔ́ wɛ́ pɔ́.

Lúkɑ́shi 20:18

Ŋu ẅí ɑ vunɛ nǔu yîyɑ́ ŋɡɔꞋ, ŋ́ŋẅiꞋlɛ mbʉʉ yɛ́ tsʉʉ. Ɛ́ kɛ ḿbɛn ḿvu nǔu ŋu, mbɔ ɛ́ ɡʉ ŋ́ɡɔꞋ wɛ́ tsʉʉ.»

Mɑtʉ̈ɔ 27:25

Pʉɔtsʉʉ pʉ̈ɔt ŋɡɔ: «Mɛci ŋu wɑ́ ńtúŋ nǔu pɛk tɛ mbɑ nǔu mbɔ́ŋkʉ̈ɔ́ pɛk.»

1 Tɛsɑlɔník 2:16

Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.

Mɑtʉ̈ɔ 26:24

Mɔ́ɔ-Ŋu ɡʉ ḿpfú, ɛ́ pɔ́ pɑ́Ꞌ pɛ́ kɑ cúnɛ tsɛt ŋwɑꞋnɛ-Sɛ́, lɑ́, pʉ́ktú ŋu ẅí ɑ ɛ́fɛn wɛ́. Mbi pɑ́Ꞌ pɛ́ ŋ́kɑɑ ŋ́ɡʉ ḿbí wɛ́ pɔ́.

Jɑ̂ŋ 19:11

Yɛ́su tsɔ́Ꞌ mbɔ̌ wɛ́ ŋɡɔ: «Sɛ́ lɑɑ ḿbɛ́t kɛ́ ɡɑ́ mɛtʉʉ mbɔ̌ ɡu, ɔ pɔɔ kuꞋ nɛɡɛ yɛcɔ́ yúu nǔu mɔ pɔ́. Ɛ́ yúu mi ɛ́ kɑ ɡɛnɛ lɑ ŋu ẅí ɑ kɑ fɛnnɛ wɑ́ɑ mbɔ̌ ɡu, yɛ́ nu kɛpɔŋ lɛɛ yú.»

Mɑtʉ̈ɔ 21:43

Ɛ́ pɔ́Ꞌɔ, lɑ ɛ sẅíi wʉ́ʉ ŋɡɔ pɛ́ ɡʉ cẅɛ́ɛ zʉꞋ yʉ́ʉ tsɛt nɛfɔɔ-Sɛ́, ŋ́ɡɑ́ mbɔ̌ yɛcɔ́ túu yi ɛ́ ɡʉ ŋ́ɡɛ yúu mi Sɛ́ sɛ́ ŋ́kɔŋ.» [

Mɑtʉ̈ɔ 21:45

Pɛtɑ́tndɑ́-pɑnɔŋpɔꞋ pɔ́p pɑfɑlísɑy zúꞋ yɔ sɑknɛkɛt, ńdii ŋɡɔ Yɛ́su cú mbɔ̌ pɔ́p,

Lúkɑ́shi 2:34

Símɔ̂ŋ níꞋ mbɔ́tnɛ nǔu pɔ́p ḿbɛn ńcú mbɔ̌ Mɑlíyɑ ŋɡɔ: «Mɔ́ɔ nu wɔ pɑ́Ꞌɑ ḿbɔ́ ẅi Sɛ́ ɡʉ ńdɛɛ nzʉʉ yɛ ŋ́ɡɛ sʉ́ʉ kɔ́ pʉɔ tɛ ńzɑ́ɑ Íslɑɛ̂l wɔ, ḿbɛn ŋ́ɡɛ pɛ́ ɡɑ́ mɛkuꞋ nɛlʉ́m-pʉɔ, mbíꞋŋɡɔ ɑ ŋu ẅi Sɛ́ lɔk pɔ wɛ́ ńnyɛt yúu mi ɛ́ ɡɛnɛ, lɑ pʉɔmɛsɔŋ kɛ́ ŋ́ɡwɑ́k wɛ́ ɡwɑ́knɛ.