Mɑtʉ̈ɔ 21:1 - Kɑɑ Fí

¹ Yɛ́su pɔ́p ɡɑŋku pɛ́ ɡʉ tɛ ḿbɔ́ ŋ́kúu Yɛlúsɑlɛm, ḿbɛ́t ḿbɔ́ shʉ́ Mbɛdfɑjɛ́ɛ, zʉꞋ nɛŋkɔ́Ꞌ-mɛtʉ́-mɛɡwɛ́t-ɔliivɛ. A ɡɔ́ɔ ŋ́kɛ́ ńtúu ɡɑŋku pɛ́ pɛ́pɑ́,

Mɑtʉ̈ɔ 21:1 Referans Kwoze

Jɑ̂ŋ 8:1

Yɛ́su fú yɛ́ zúꞋu, ŋ́ɡʉ nɛ́ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ,

Lúkɑ́shi 21:37

Yɔ pɑ́Ꞌ Yɛ́su kɑ pɔ́ ńzíꞋ pʉɔ nɛ́ yúu tsɛt ndɑ́-nɛnɔŋpɔꞋ lɛ́Ꞌ tsʉʉ, ḿbɔ́ ntsuŋkẅɛ́Ꞌ, ŋ́ɡʉ ndǔ nɛŋkɔ́Ꞌ ni pɛ́ fúŋnɛ ŋɡɔ nɛŋkɔ́Ꞌ-mɛtʉ́-mɛɡwɛ́t-Ɔlíivɛ, ńdɔ́ɔ zʉꞋ, ńdɛ́ zúꞋu.

Mɑtʉ̈ɔ 26:30

Ŋ́ɡɛ pɔ́Ꞌɔ, pɔ́p pɛ́pɔ́p ɡɔ́ɔ ŋ́kɛ́ ńzɔp mɛŋki ńdɔk ŋ́ɡúꞋlɛ Sɛ́, ŋkɑ́ kuꞋ pɔ́p cẅɛt, ŋ́ɡʉ nɛ́ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ.

Mɑtʉ̈ɔ 24:3

Yɛ́su ɡʉ tɛ ńnɑ́ŋ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ, ɡɑŋku pɛ́ fɑk mbʉʉ yɔp ńtɔ́ ḿbíkŋɛ wɛ́ ŋɡɔ: «Sẅíi wɛ́k nɛ́ ŋkɑ́ yi yɔ nu ɡʉ ńdɑ́Ꞌ ŋ́ɡɛ. Sẅíi wɛ́k nɛ́ lii yi pɛ́ ɡʉ ńdɑ́Ꞌ ńdɔk ńjí ŋɡɔ ɔ sɛ́ ńtɔ́, mbɑ yi ɛ́ ɡʉ ŋ́ɡɛ pɛ́ jí ŋɡɔ lɛ́Ꞌ yi píi mbí ɡʉ ḿmɛ kuꞋ.»

ŊwɑꞋnɛ-Gɑŋntúu Yɛ́su Kɛlístɔ 1:12

Gɑŋntúu-Yɛ́su ɡɔ́ɔ ŋ́kɛ́ ɛ́fú ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ ḿbɛn nzʉʉ nɛ́ Yɛlúsɑlɛm. Nɛfú ndǔ nînɑ́ nɛŋkɔ́Ꞌ, ŋ́ɡʉ ŋ́kúu zúꞋu, ɛ́ pɔ́ yúu kílɔmítɑ yɛ́pɑ́.

Lúkɑ́shi 22:39

Yɛ́su kɑ cú pɔ́Ꞌɔ, ńcẅɛt, pɔ́p ɡɑŋku pɛ́ ŋ́ɡʉ nɛ́ ndǔ nɛŋkɔ́Ꞌ-mɛtʉ́-mɛɡwɛ́t-Ɔlíivɛ, pɑꞋ ɛ́ kɑ pɔ́nɛ mɑt mbɔ̌ wɛ.

Mɑ́lɛ́kúshi 14:26

Pɔ́p pɛpɔ́p ɡɔ́ɔ ŋ́kɛ́ ńzɔp mɛŋki ńdɔk ŋ́ɡúꞋlɛ Sɛ́. Ŋkɑ́ kuꞋ, pɔ́p cẅɛt, ŋ́ɡʉ nɛ́ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ.

Mɑtʉ̈ɔ 20:34

Yɛ́su tsɑ́ɑ mɛjʉ́ŋ mɔ́p, ńzɑ́p mbɔ́ mɛ́ nǔu mík mɔ́p, ɛ́ ɡɔ́ɔ ńzɛ nɛjʉ́ɔ zʉꞋ, pɔ́p cʉ́ɔ nzʉʉ yɛ́.

Mɑtʉ̈ɔ 21:2

ńcú mbɔ̌ pɔ́p ŋɡɔ: «Pʉʉ ɡʉ tsɛt lɑ́Ꞌ yɑ́ yi ɛ́ mbi pʉʉ lɑ́, pʉʉ ɡʉ ŋ́ɡɔ ŋ́kúu zúꞋu ńjʉ́ɔ njɑkɑ́ɑshi, mbɔ pɛ́ ńcʉŋɛ, mɔ́ɔ nɛ pɔ́ nɛjɔ́ŋ yɛ́, pʉʉ kíɛꞋ wɔ́p, ńdɔk wɔ́p ńtɔ́, ŋ́ɡɑ́ mbɔ̌ mɔ.»

Mɑ́lɛ́kúshi 13:3

Pɔ́p ɡʉ tɛ ŋ́kúu ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ, Yɛ́su nɑ́ŋ sɛ́ tɛ ḿbɔ́ ńjʉ́ɔ zʉꞋ-nɔŋpɔꞋ. Pyɛ̂ pɔ́p Jɑ̂k, ŋ́ɡɛ Jɑ̂ŋ pɔ́p Ndɛlɛ́yɑ fɑk mbʉʉ yɔp, ńtɔ́ ḿbíkŋɛ wɛ́ ŋɡɔ: