Mɑtʉ̈ɔ 17:3 - Kɑɑ Fí

³ Pɔ́p jʉ́ɔ, mbɔ Mɔ̌sɛ̂ɛ pɔ́p Ɛlíyɑ vukŋɛ vukŋɛnɛ ńcẅɛt, pɔ́p pɛ́ Yɛ́su pɔ́ ɛ́sẅíŋɛ.

Mɑtʉ̈ɔ 17:3 Referans Kwoze

Lúkɑ́shi 24:44

A kɑ kwɛ́t tɛ ḿmɛk, ńcú mbɔ̌ pɔ́p ŋɡɔ: «Pʉʉ jʉ́ɔ yúu mi ŋ kɑ pɔ́ ɛ́sẅíi wʉ́ʉ, ŋkɑ́ yi pɛkŋɛ kɑ pɛ́tnɛ ńjúk. Ŋ kɑ sẅíi wʉ́ʉ ŋɡɔ ɛ́ sɛ́ ḿbíkŋɛ ŋɡɔ yɛ́t kʉ̈ɔ́ lɑ́ yi pɛ́ kɑ ŋwɑꞋnɛnɛ nǔu mɔ lɑ́ puutɛ. Mɛnu ɛ̂mɑ́ tsʉʉ tsʉʉ mi ɛ́ tsɛt ŋwɑꞋnɛ-Mɔ̌sɛ̂ɛ, mbɑ tsɛt yi pɛŋɡɛ́mndʉ̈ɔ́Ꞌ-Sɛ́ pɔ́p yi mɛzɔpŋki.»

Mɑ́lɛ́kúshi 9:4

Gɑŋku-Yɛ́su píipɑ́ pɛtɑ́t jʉ́ɔ, mbɔ Ɛlíyɑ pɔ́p Mɔ̌sɛ̂ɛ cẅɛt ńtʉ́ʉ, pɔ́p pɛ́ Yɛ́su pɔ́ ɛ́sẅíŋɛ.

Lúkɑ́shi 24:27

Ńcú pɔ́Ꞌɔ, ńzɛ nɛkyɛ́Ꞌtɛ mɛnu tsʉʉ mi ɛ́ tsɛt ŋwɑꞋnɛ-Sɛ́ ḿbɔ́ ńdíŋɛ wɛ́, ɛ́sẅíi wɔ́p, ńzɛ nǔu mɛŋwɑꞋnɛ-Mɔ̌sɛ̂ɛ, ḿbɑ́ɑtɛ ŋ́kúu tsɛt mɛ́ pɛŋɡɛ́mndʉ̈ɔ́Ꞌ-Sɛ́.

Lúkɑ́shi 16:16

Yɛ́su pɛn ńcú ŋɡɔ: «Jɑ̂ŋ kɑ ŋ́ɡɔ ńtɔ́, pɛ́ pɔ́ ńzúꞋ pɔ nɛpʉ́ʉ-Mɔ̌sɛ̂ɛ, pɔ́p mɛnu-pɛŋɡɛ́mndʉ̈ɔ́Ꞌ-Sɛ́, pɛ́ ŋkɔ̂ɔnɛ ḿbɔ́ ɛ́sɑ́Ꞌ Ŋkʉʉ sʉ́Ꞌnɛ ńdɔk ḿbʉ́ ŋɡɔ nɛfɔɔ-Sɛ́ zɛ nɛtɔ́. Mbɑ wɔ̌ lɑ́ sɛ́ ɛ́sɑ́Ꞌ tʉʉ nɛpɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́.

Lúkɑ́shi 9:33

Pɔ́p pɛ́pɔ́p kɑ tsʉꞋ ḿbɔ́ ŋ́ɡʉ pɔ ɛ́fyɑkŋɛ, Pyɛ̂ ɡwɛt ɡwɛtnɛ tɛ ńcú mbɔ̌ Yɛ́su ŋɡɔ: «Tɑ̌ɑ wɛk, pɛkŋɛ lɑɑ ńtsʉ́Ꞌ ńnɑ́ŋ pɔ zɑ́Ꞌnɛ, ɛ́ pɔ́ sʉ́Ꞌnɛ. Pɛ́m pɛk kút mɛntɑp mɛ́ntɑ́t, tɑ́Ꞌ pɔ́ yú, yɛcɔ́ pɔ́ yɛ́ Mɔ̌sɛ̂ɛ, yɛcɔ́ pɔ́ yɛ́ Ɛlîi.» Pyɛ̂ cú yɛ́ pɔ́Ꞌɔ, ḿbɔɔ ńjí yúu mi ɑ cúnɛ pɔ́.

Lúkɑ́shi 1:17

Sɛ́ ŋ́ɡɛ ńdɑ́Ꞌ ŋ́ɡɑ́ wɛ́ nɛ́ mɛtʉʉ, ɑ lɔk ḿbɔ́ yɛ́ pɑ́Ꞌ Ɛlíyɑ, ŋɡɛ́mndʉ̈ɔ́Ꞌ-Sɛ́, nɛlɔk ḿbɔ́ mbi ńdɔ́ɔ pɑ́Ꞌ ɑ ɡɛ ŋ́ɡɛ ŋɡɔ pɛtɑ́t ɡẅɛɛ kwɑŋɛ sʉ́Ꞌnɛ nǔu mbɔ́ŋkʉ̈ɔ́ pɔ́p, ɛ́ pɛn ŋ́ɡɛ ḿbɑ́ɑtɛ pɑtʉʉtú ɡẅɛɛ jínu-pʉɔ pi pɔ́p pɔ́knɛ Sɛ́. Pɔ́Ꞌɔ, Sɛ́ lɔk ńniitɛ pʉɔ pi pɔ́p ɡɛ ńdɑ́Ꞌ ŋ́kuꞋ nɛɡɑ́ mɛkuꞋ mbɔ̌ wɛ́.»

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Mɑtʉ̈ɔ 17:2

Pɔ́p jʉ́ɔ lii-Yɛ́su shɔtnɛ mbi pɔ́p, shʉ́ wɛ́ ŋwɑŋɛ pɑ́Ꞌ mɔ́nɛm lɑ́. Mɛndẅí mɛ́ fúk tɛ ŋ́kyɛꞋ zʉꞋ.

Mɑtʉ̈ɔ 17:4

Pyɛ̂ ɡɔ́ɔ ḿvukŋɛ vukŋɛnɛ, ńcú mbɔ̌ Yɛ́su ŋɡɔ: «Tsɑpʉɔ, ɛ́ pɔŋ pɑ́Ꞌ pɛkŋɛ zɑꞋnɛ lɑɑ. Pɛ́m n nʉk mɛtɑp mɛ́ntɑ́t, tɑ́Ꞌ pɔ́ yú, tɑ́Ꞌ pɔ́ yɛ́ Mɔ̌sɛ̂ɛ, yɛcɔ́ pɔ́ yɛ́ Ɛlíyɑ.»