Mɑtʉ̈ɔ 13:3 - Kɑɑ Fí

³ A lɔk mɛsɑknɛkɛt ɛ́sẅíi wɔ́p nɛ́ mɛnu tɛ ɛ́ zɑ́ɑ zɑ́ɑnɛ. Ńcú mbɔ̌ pɔ́p ŋɡɔ: «Wɛcɔ́ ŋu kɑ lɑ́Ꞌ ŋ́ɡʉ mɑꞋ mbiyúu,

Mɑtʉ̈ɔ 13:3 Referans Kwoze

Mɑ́lɛ́kúshi 4:13

Yɛ́su pɛn ńcú mbɔ̌ pɔ́p ŋɡɔ: «Pʉʉ kɑ́ zúꞋ yɔ sɑknɛkɛt pɔ́ pɑꞋnɛ, tɛ ḿbɛn ńzúꞋ mɛcɔ́ pɔ ŋɡɔ́ku?

Mɑ́lɛ́kúshi 4:33

Yɔ pɑꞋ Yɛ́su kɑ pɔ́ ńzíꞋ pʉɔ nɛ́ yúu pɔ́Ꞌɔ, ńdɔk pɔ mɛsɑknɛkɛt pɑꞋ mɔnɛ, lɑ sẅíi nu-Sɛ́, ɛ́sẅíi nǔu ntɛ́ yi ḿbɔ́ lɑ́Ꞌ kuꞋ nɛzúꞋ.

Mɑtʉ̈ɔ 13:53

Yɛ́su lɔk mɛsɑknɛkɛt ńcú nu mbɔ̌ pʉɔ tɛ ḿbɔ́tnɛ ńnɑ́ŋ, ɛ́fú zúꞋu ŋ́ɡʉ

Mɑ́lɛ́kúshi 12:12

Pɑsɑ́Ꞌlɑ́Ꞌ zúꞋ pɑꞋ Yɛ́su cúnɛ yɔ sɑknɛkɛt, ńdii ŋɡɔ ɑ cú mbɔ̌ pɔ́p, ńdɔɔ shʉ́ nɛɡẅɛɛ wɛ́ lɑ́ ḿbɔ́k mík-lɑ́Ꞌ, ɛ́sɔ́ɔ, ńnɑ́ wɛ́ zúꞋu, ŋ́ɡʉtɛ.

Jɑ̂ŋ 16:25

N dɔk pɔ sɑknɛkɛt ńcú mɔ mɛnu. Yɛcɔ́ ŋkɑ́ ɡʉ ŋ́ɡɛ ḿbɔ́, m bɔɔ pɛn ńdɔk pɔ sɑknɛkɛt ńcú nu mbɔ̌ pʉʉ pɔ́. N tsʉ́Ꞌ ɛ́sɑ́ɑnɛ sɑ́ɑnɛ́nɛ ɛ́sẅíi wʉ́ʉ nɛ́ nu yí ɛ́ líŋɛ́nɛ Tɑ̌ɑ mɔ.

Lúkɑ́shi 12:41

Pyɛ̂ zúꞋ pɔ́Ꞌɔ, ńcú mbɔ̌ Yɛ́su ŋɡɔ: «Tsɑpʉɔ, ɔ sɑknɛkɛt yɔ ŋkɑ́ pɑ́Ꞌɑ pɔ ndɑꞋ mbɔ̌ pɛk kɛ mbɔ̌ pʉɔ tsʉʉ?»

Lúkɑ́shi 8:10

A cú mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ jí nu nɛ́nẅín nǔu nɛfɔɔ-Sɛ́ yí ɛ́ kɑ lʉɔmɛ́nɛ. Lɑ́ ɛ́ ɡʉ nǔu pɛcɔ́ pʉɔ pɔ́p zúꞋ yɔ́p pɔ ndɑꞋ sɑknɛkɛt nɛɡɑɑ wɛ́, ŋ́kɛ́ ḿbɔɔ zúꞋ yúu mi pɛ́ lɔknɛ ńcú pɔ́. Ɛ́ lɔk ḿbuutɛ nǔu pɑ́Ꞌ pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ ŋɡɔ: Pɔ́p ɡɛ ḿbɔ́ ńdíŋɛ zʉꞋ ḿbɔɔ jʉ́ɔ, ḿbɔ́ ńzúꞋ, lɑ́ ḿbɔɔ zúꞋ tɛ ńzúꞋ pɔ́.»

Mɑ́lɛ́kúshi 12:1

Yɛ́su tsɔ́Ꞌ pɔ́Ꞌɔ, ńzɛ nɛlɔk sɑknɛkɛt ńcú mbɔ̌ pɔ́p ŋɡɔ: «Wɛcɔ́ ndʉ́m kɑ ɡẅɛɛ ŋkɑꞋ wɛ́, ŋ́ɡʉ tsɛtú, ḿbi mɛtʉ́ mi pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ, ḿbɔ́ɔ tɑ́ɑŋkɑ́Ꞌ ńdɔk ŋ́kíitɛ, ŋ́ɡʉ tsɛt ŋkɑꞋ, ḿbuꞋ ɡʉ́ɔ nǔu ŋɡɔꞋ zʉꞋ yí pɛ́ ɡʉ kíɛ mɛntɑ́ɑ zúꞋu, ḿbɛn ḿbɔ́ɔ tɑꞋ sɛsɑ ndɑ́ ẅi pɛ́ ɡʉ ŋ́kɔ́Ꞌ ńtʉ́ʉ tsɛtú lɑ́ ḿbyɛ́p ŋkɑ́Ꞌ, ŋ́ɡɛ pɔ́Ꞌɔ, ńníꞋ ŋkɑ́Ꞌ mbɔ̌ pɑniitɛ mɛluꞋ ŋ́ɡɔ́ɔ ŋ́ɡʉ nɛ́ nɛnɛn.

Mɑ́lɛ́kúshi 3:23

Yɛ́su fúŋ wɔ́p pɔ́p tɔ́, ɑ sɑk nɛkɛt mbɔ̌ pɔ́p ŋɡɔ: «Lɑ́ ɛ́ nɛ́nẅín ŋɡɔ ɛ́ lɑɑ ḿbɔ́ Sɑ́ttɑ shɔtnɛ ńzuŋ túmbʉʉ yɛ́ ŋɡɔ kʉ̈ɔ́?

Mɑtʉ̈ɔ 24:32

Pʉʉ pɛ́ɛ fʉꞋ nǔu tʉ́-ŋɡɛ̌m, pʉʉ pɔ́ tɛ ńjʉ́ɔ mɛfu mɛ́ kunɛ tɛ ḿbɛn ńzɛ nɛtɔ́p, pʉʉ jí ŋɡɔ, ŋkɑ́ luu sɛ́ ńtɔ́.

Mɑtʉ̈ɔ 22:1

Yɛ́su pɛn ńdɔk pɔ sɑknɛkɛt, ńcú mbɔ̌ lɑ́Ꞌ yi ɛ́ sɛ́ ńzẅíꞋlɛ sẅiŋɛ yɛ́ ŋɡɔ:

Mɑtʉ̈ɔ 13:4

ńtɔ́ nɛmɑꞋ, mɛcɔ́ mɛmbɑŋ vu sɛ̂ndúŋ, pɛshʉ́ŋ tɔ́ ńdɑklɛ ŋ́kwɛ́t.