Mɑtʉ̈ɔ 10:39 - Kɑɑ Fí

³⁹ Ŋu lɑɑ ŋɡɔ ɑ ɡʉ ḿbɑ́ɑ wɛ nɛpɔ́, mbɔ ɑ ɡʉ ḿbɛ́, lɑ́ ŋu ẅí ɑ pɛn ḿbɛ́m nɛpɛ́ mɛlɑ́Ꞌ wɑ́ɑ ɡʉnɛ ḿbɔ́ ɡú.

Mɑtʉ̈ɔ 10:39 Referans Kwoze

Jɑ̂ŋ 12:25

Ŋu lɑɑ ŋ́kɔŋ wɛ nɛpɔ́, mbɔ ɑ ɡʉ ḿbɛ́ nɛpɔ́ ɛ̂wɑ́. Ŋu kɛ́ ŋ́ɡwɑ́k nu nǔu wɛ nɛpɔ́ ndǔ yɔ mbí, mbɔ ɑ ɡʉ ńdɑ́Ꞌ ŋ́ɡẅɛɛ luk kɛ́ mɛ.

Lúkɑ́shi 17:33

Ŋu ẅí ɑ ɡʉ ŋ́ɡɛ ńdɔ́ɔ nɛpɑ́ɑ wɛ nɛpɔ́ ɡʉ ŋ́ɡɛ ḿbɛ́ wɛ nɛpɔ́ ɛ̂wɑ́, ŋu ẅí ɑ pɛ́mnɛ nɛpɛ́, jʉ́ ɡʉnɛ ŋ́ɡɛ ḿbɔ́ ɡú.

Lúkɑ́shi 9:24

Pʉɔ jí ŋɡɔ, ŋu ẅi ɑ ɡɛ ńzɛɛ ńdɔ́ɔ nɛpɑ́ɑ wɛ nɛpɔ́, pɔ́nɛ ŋu ẅi ɑ ɡɛ ḿbɛ́ wɛ nɛpɔ́ ɛ̂wɑ́, lɑ́ ŋu ẅi ɑ pɛ́nɛ wɛ nɛpɔ́ mɛlɑ́Ꞌ wɑ́ɑ, mbɔ wîwɑ́ ŋu ɡɛ ńdɑ́Ꞌ ńduk.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.