Mɑtʉ̈ɔ 10:1 - Kɑɑ Fí

¹ Yɛ́su ɡɛ ɛ́fúŋ ɡɑŋku pɛ́ ntsɔ̌ppɑ́ nɛ́ nɛɡɛ́m, ŋ́ɡɑ́ mɛtʉʉ mbɔ̌ pɔ́p nɛlɔk ńzuŋ mɛzẅikŋɛ kɛpɔŋ, mbɑ nɛlɔk ŋ́ɡɛ mɛɡɔɔ ntɛ́ nɛ́ ntɛ́ mɛ nǔu pʉɔ, mbɑ nɛɡɛ mɛlɔ́Ꞌ ntɛ́ nɛ́ ntɛ́ mɛ mbʉʉ-pʉɔ.

Mɑtʉ̈ɔ 10:1 Referans Kwoze

Lúkɑ́shi 10:19

Pʉʉ zúꞋ, ŋ kɑ ɡɔ́ ńtúu wʉ́ʉ pɑ́Ꞌɑ, ŋ́ɡɑ́ wʉ́ʉ nɛ́ mɛtʉʉ nɛlɔk ńnʉŋtɛ mɛnɔ́ pɔ́p pɛmɑ́ŋɡɑ́ɑsɛ́, ḿbɛn ŋ́ɡɑ́ wʉ́ʉ nɛ́ mɛtʉʉ nɛlɔk ńtsɑ sɑ́ttɑ ŋɡɑŋmbuu, mbɑ yɛcɔ́ yúu pɔɔ wʉ́ʉ ɡɛ.

Lúkɑ́shi 24:49

Pʉʉ jí ŋɡɔ ŋ ɡɛ ńtɔ́ ńtúu yúu mi Tɑ̌ɑ mɔ kɑ kɑꞋnɛ nɛɡɑ́ mbɔ̌ pʉʉ. Pʉʉ kɛ ńzẅíꞋlɛ pɔ tʉ́sɔŋ tɛ ŋ́kúu ŋkɑ́ yi mɛtʉʉ-Sɛ́ ɡʉ ɛ́fú tʉ́nɛ́pú ńcúŋ ŋ́kúu nǔu pʉʉ.

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

Jɑ̂ŋ 3:27

Jɑ̂ŋ tsɔ́Ꞌ mbɔ̌ pɔ́p ŋɡɔ: «Mbɔ ŋu pɔɔ ɡẅɛɛ yúu kɛ́ pɔ́ yi Sɛ́ ɡɑ́nɛ mbɔ̌ wɛ́ pɔ́.

Lúkɑ́shi 6:13

Njí kiɛ, ɑ fúŋ ɡɑŋku pɛ́, ŋ́ɡʉ tsɛtsɛt pɔ́p, ńtsɔ́Ꞌ pʉɔ ntsɔ̌ppɑ́ nɛ́ nɛɡɛ́m, ńcẅi lík yɔ́p ŋɡɔ ɡɑŋntúu pɛ́.

Lúkɑ́shi 21:15

Mɔ ŋ́ɡɛnɛ ńzɛɛ ńdɑ́Ꞌ ŋ́ɡɑ́ jínu yi pʉʉ ɡɛ ńdɔk ńtsɔ́Ꞌ nu. Pʉʉ tsɔ́Ꞌ nu tɛ ɡɑŋmbuu pʉ́ʉ pɔɔ zɔŋ, ŋ́kɛ́ ḿbɔɔ kíi ńcú yɛcɔ́ nu pɔ́.

ŊwɑꞋnɛ-Gɑŋntúu Yɛ́su Kɛlístɔ 19:15

Lɑ́, zẅikŋɛ kɛpɔŋ tsɔ́Ꞌ mbɔ̌ pɔ́p ŋɡɔ: «Mɔ sɛ́ ńjí Yɛ́su, ḿbɛn ḿbɔ́ ńjí ŋu ẅi Pɔ̂l jʉ́, ŋ́ɡʉ nǔu pʉʉ, pʉʉ zɛɛ ḿbɔ́ pɛ́ wɔ̌?»

Jɑ̂ŋ 17:2

Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»

Jɑ̂ŋ 6:70

Yɛ́su pʉ̈ɔt mbɔ̌ pɔ́p ŋɡɔ: «Pʉʉ wɔ ntsɔ̌ppɑ́ nɛ́ nɛɡɛ́m, mɔ ŋkɑɑ nɛ tsɔ́Ꞌ wʉ́ʉ pɔ́ ɔɔ? Wɛcɔ́ ŋu kɛ́ ḿbɔ́ tsɛtsɛt pʉʉ, ḿbɔ́ ŋu-Sɑ́ttɑ.»

Jɑ̂ŋ 3:35

Tɑ̌ɑ Sɛ́ kɔŋ Mɔ́ɔ nɛ, mbɔ ɑ kɑ níꞋ yúu tsʉʉ nǔu lɑ́ɑpɔ́-Mɔ́ɔ nɛ.

Mɛnu ɛ́ ńdɑ́Ꞌ ńcẅɛt 12:1

Yɛcɔ́ ŋkʉꞋnɛ yúu cẅɛt nɛfɑŋ ḿbɔ́ wɛcɔ́ mɑŋɡɛ́, ɑ mɑꞋ yɛ́ ndẅí, ɛ́ pɔ́ pɔ lík-nɛm, ńtík mɛku mɛ́ nǔu sɑŋ, ńtɔꞋ cɔꞋ-nɛfɔɔ, pɛcʉ̈ɔ́Ꞌ-sɑŋ pɔ́ yúu ntsɔ̌ppɑ́ nɛ́ nɛɡɛ́m.

Mɑtʉ̈ɔ 26:47

Yɛ́su pɛ́t ńcú cúnɛ, Jẅidɑ, ẅí ɑ wɛcɔ́ tɑ́Ꞌ nǔu ɡɑŋku pɛ́ ntsɔ̌ppɑ́ nɛ́ nɛɡɛ́m tɔ́, lɑ́Ꞌ pɔ́ nzʉʉ yɛ́ tɛ ńzɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ, ḿbɔ́ pʉɔ pínɛ pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ túunɛ wɔ́p.

Mɑtʉ̈ɔ 26:20

Ɛ́ ɡɛ ḿbɔ́ ntsuŋkẅɛ́Ꞌ, Yɛ́su pɔ́p ɡɑŋku pɛ́ ntsɔ̌ppɑ́ nɛ́ nɛɡɛ́m nɑ́ŋ sɛ́ nɛkwɛ́t yúu.

Mɑtʉ̈ɔ 19:28

Yɛ́su pʉ̈ɔt ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pɛ́ ɡʉ ńdɑ́Ꞌ ŋ́kúu tsɛt ŋɡɔŋ fí, Mɔ́ɔ-Ŋu nɑ́ŋ ndǔ kɔꞋ-nɛfɔɔ nɛ́ ni ɛ́ ɡẅɛɛ nɛɡúꞋ, pʉʉ pʉɔ ntsɔ̌ppɑ́ nɛ́ nɛɡɛ́m pi pʉʉ kɑ cʉ́ɔnɛ nzʉʉ mɔ, pɛn ńnɑ́ŋ yʉ́ʉ ndǔ mɛkɔꞋ ntsɔ̌ppɑ́ nɛ́ nɛɡɛ́m, ŋ́ŋɑk pʉɔ-Íslɑyɛ̂l, njẅɛtndɑ́ ntsɔ̌ppɑ́ nɛ́ nɛɡɛ́m.»

Mɑtʉ̈ɔ 6:13

Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Mɑtʉ̈ɔ 4:23

Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.

Mɑtʉ̈ɔ 9:35

Yɛ́su pɔ́ ńdɛɛ tsɛt mɛtʉ́sɔŋ tsʉʉ mbɑ tsɛt mɛlɑ́Ꞌ, ŋ́kúu mbɑ ɡɔ́ lɑ́ ŋ́ɡʉ ndɑ́-cúꞋlɛ, ńzíꞋ pʉɔ nɛ́ nu-Sɛ́, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ cúnɛ pɑ́Ꞌ nɛfɔɔ-Sɛ́ pɔ́nɛ, ŋ́ɡɛ mɛɡɔɔ ntɛ́ nɛ́ ntɛ́ fíitɛ nǔu pʉɔ, mɛlɔ́Ꞌ ntɛ́ nɛ́ ntɛ́ mɛ mbʉʉ-pʉɔ,

Mɑtʉ̈ɔ 9:38

Ɛ́ pɔŋ ŋɡɔ pʉʉ púꞋ mbɔ́ mbɔ̌ ŋɡɑŋŋkɑ́Ꞌ ɑ kẅiꞋ ɡɑŋfɑꞋ pínɛ pɔ́p ɡʉ ḿbɔ́ ńdɑk yúu pɛ́.»