Mɑtʉ̈ɔ 1:16 - Kɑɑ Fí

¹⁶ Yɑkɔ̂p pí Yɔsɛ̂p, Yɔsɛ̂p pɔ́ ndúu Mɑlíyɑ, Mɑlíyɑ pɔ́ mɑ́ pɛ́ Yɛ́su ẅí pɛ́ fúŋnɛ ŋɡɔ Nzɑ́Ꞌŋkʉ.

Mɑtʉ̈ɔ 1:16 Referans Kwoze

Mɑtʉ̈ɔ 27:17

Lɑ́Ꞌ tɔ́ ńcúꞋlɛ. Pilɑtɔ píkŋɛ ŋɡɔ: «Pʉʉ kɔŋ ŋɡɔ ŋ ɡʉ nǔu pʉɔ pɔnɛ ńnɑ́ pɔ Yɛ́su Pɑnɛpɑ́ɑshi kɛ pɔ Yɛ́su ẅí pɛ́ fúŋnɛ ŋɡɔ Kɛlístɔ?»

Jɑ̂ŋ 4:25

Mɑŋɡɛ́ ɛ̂wɑ́ cú mbɔ̌ wɛ́ ŋɡɔ: «N jí ŋɡɔ Nzɑ́Ꞌŋkʉ Sɛ́ kɑ kɑꞋnɛ ẅí pɛ́ fúŋnɛ ŋɡɔ Kɛlístɔ sɛ́ ńtɔ́. A ɡʉ ńtɔ́, ŋ́kyɛ́Ꞌtɛ mbɑ kʉ̈ɔ́ lɑ́ ɛ́sẅíi wɛ́k.»

Lúkɑ́shi 3:23

Yɛ́su kɑ ɡɔ ńzɛ nɛsɑ́Ꞌ Ŋkʉʉ sʉ́Ꞌnɛ, ɛ́ ńtsʉ́Ꞌ mɔ́yúu ɑ ɡẅɛɛ ŋɡuꞋ mɛɡɛ́mɛ́ntɑ́t, pɛ́ pɔ́ ŋ́kwɑŋɛ ŋɡɔ ɑ mɔ́ɔ-Yɔsɛ̂p. Yɔsɛ̂p pɔ́ mɔ́ɔ-Ɛlîi.

Mɑtʉ̈ɔ 27:22

Pilɑtɔ pɛn ḿbíkŋɛ ŋɡɔ: «Tɛ mɔ pɑ́Ꞌɑ ŋ́ɡɛ pɔ ŋɡɔ́ku nǔu Yɛ́su ẅí pɛ́ fúŋnɛ ŋɡɔ Kɛlístɔ?» Pʉɔtsʉʉ pʉ̈ɔt ŋɡɔ: «Pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ!»

Lúkɑ́shi 4:22

Pɔ́p zúꞋ sẅiŋɛ yi ɛ́ cẅɛtnɛ ntsu wɛ́. Ɛ́ pɔ́ ḿbɔŋ wɔ́p, ḿbɛn ḿbɔ́ ŋ́kʉꞋnɛ wɔ́p. Pɔ́p zɛ nɛpíkŋɛ, ńcú ŋɡɔ: «Yɔ kɑ pɔ́ mɔ́ɔ-Yɔsɛ̂p pɔ́ ɔɔ?»

Lúkɑ́shi 2:48

Yɔsɛ̂p pɔ́p Mɑlíyɑ pɔ́ tɛ ńjʉ́ɔ wɛ́, ḿmɑɑ tɛꞋ. Mɑ́ wɛ cú mbɔ̌ wɛ́ ŋɡɔ: «Mɔ́ɔ wɑɑ, ɔ ɡɔ ŋ́ɡɛ yɔ nu nǔu pɛk pɑ́Ꞌɑ, mbíꞋku? Ɔ tsɔ́Ꞌ lɛ́m yɛk tɑ́t wu. Pɛk júk nɛlɔ́ɔ wú, ḿbɔ́ ḿbɔ́k ŋɡɔ kɛ yɛcɔ́ yúu ɡɛnɛ wú ɔ́ɔ?»

Lúkɑ́shi 2:7

A pí mɔ́ɔ nɛtú wɛ, ɑ pɔ́ mɔ́ɔ mbɛ́ɛnɛ. A lɔk yúu-ndẅí ŋ́kɑ́tɛ wɛ́, ńníꞋ tsɛt ŋkɔp-yúujʉ́-mɛyúumɛku, mbɔ pɔ́p lɑ́Ꞌ ńjɑ́k yɔ́p zʉꞋ nɛlɛ́ tsɛt ndɑ́-pɛɡʉʉ.

Lúkɑ́shi 1:27

mbɔ̌ wɛcɔ́ mɔ́ɔŋɡɔɔ ẅi pɛ́ fúŋnɛ wɛ́ ŋɡɔ Mɑlíyɑ, mbɔ pɛ́ kɑ pʉ́ wɛ́ mbɔ̌ Yɔsɛ̂p, ŋu nǔu tsɛ́nndɑ́-fɔɔ Ndɑvît, tɛ pɛ́ ńnɑ́ŋ sɛ́ nǔu.

Mɑ́lɛ́kúshi 6:3

A kɑ́ pɔ́ kɑ́pɛ́ndɑɑ, ḿbɔ́ mɔ́ɔ-Mɑlíyɑ pɔ́ ɔɔ? Ḿbɔ́ mɔ́ɔmɑ́ pɛ́ Jɑ̂k, ŋ́ɡɛ Jɔsɛ́ɛ, ŋ́ɡɛ Jẅidɛ mbɑ Símɔ pɔ́ ɔɔ? Pɔ́ɔpɛ́mɑ́ pɛ́ pɛ́ pɑŋɡɛ́ kɑ́ pɔ́ pɔ tsɛtsɛt pɛkŋɛ pɔ́?» Ńcú pɔ́Ꞌɔ, ńdʉꞋ nɛpɛ́m wɛ́.

Mɑtʉ̈ɔ 2:13

Pɔ́p pɔ́ tɛ ŋ́ɡʉ, Yɔsɛ̂p lɛ́ njʉɔ, ńjʉ́ɔ wɛcɔ́ Cʉ̈ɔꞋ-Sɛ́ tɔ́, ńcú mbɔ̌ wɛ́ ŋɡɔ: «Lɔ sɛ́, ńtíi mɔ́ɔ, pʉʉ pɔ́p pɛ́ mɑ́pfu kʉɔ, ŋ́ɡʉ nɛ́ tsɛt ŋɡɔŋ-Ɛɡíptɔ, ńnɑ́ŋ zúꞋu. Mɔ, ŋ ɡʉ ŋ́ɡɛ ɛ́sẅíi wú nɛ́ ŋkɑ́ yi ɔ ɡʉ ḿbɛn nzʉʉ. MbíꞋŋɡɔ Ɛlɔ̂dɛ ɡʉ ńdɔɔ mɔ́ɔ wɑ́ nɛjẅí wɛ́.»

Mɑtʉ̈ɔ 1:15

Ɛliyud pí Ɛlɛyɑzɑ́l, Ɛlɛyɑzɑ́l pí Mɑ́tɑ́ŋ, Mɑ́tɑ́ŋ pí Yɑkɔ̂p,

Mɑtʉ̈ɔ 16:16

Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»

Mɑtʉ̈ɔ 16:20

Yɛ́su cú pɔ́Ꞌɔ, ŋ́ɡɔ́ɔ ŋ́kɛ́ ŋ́kwɛn ɡɑŋku pɛ́ ŋɡɔ, kɔɔ pɔ́p kẅíi tɛ ŋu ndɛꞋ jí ŋɡɔ ɑ Nzɑ́Ꞌŋkʉ.