Lúkɑ́shi 8:44 - Kɑɑ Fí

⁴⁴ A nɑꞋtɛ, ɛ́fú nzʉʉ, ńtɔ́ ŋ́kuplɛ nɛcɔ́ŋ-ndẅí-Yɛ́su. Gɔɔ yɛ́ ɡɔ́ɔ ḿmɛ.

Lúkɑ́shi 8:44 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 19:12

tɛ pɛ́ tsʉ́Ꞌ ńdɔk yúu-ndẅí lɔk ńtuk shʉ́ yi ɛ́ kuunɛ ZʉꞋ-mbʉʉ Pɔ̂l, ŋ́ɡʉ ŋ́ɡɑ́ mbɔ̌ ɡɑŋɡɔɔ. Mɛɡɔɔ mɔ́p ḿmɛ ḿbɔ́ yi, mɛzẅikŋɛ kɛpɔŋ nǔu pɔ́p pɔ́p cẅɛt.

Jɑ̂ŋ 5:13

Lɑ́ ŋu ẅí ɑ lɑ́Ꞌnɛ ɛ́fíitɛ lɑ́ kɛ́ ḿbɔɔ ḿbɔ́ ńjí ŋɡɑŋ pɔ́. MbíꞋŋɡɔ Yɛ́su lɑ́Ꞌ ńcú pɔ́Ꞌɔ, ḿbɛ́ tsɛtsɛt lɑ́Ꞌ yi ɛ́ ḿbɔ́nɛ zúꞋu.

Lúkɑ́shi 13:13

Ńcú pɔ́Ꞌɔ, ńzɑ́p mbɔ́ mɛ́ tú-mɑŋɡɛ́ ɛ̂wɑ́. A ɡɔ́ɔ ḿbʉꞋ mbʉʉ yɛ ńtʉ́ʉ ndʉ́ŋndʉŋ, ŋ́ɡúꞋlɛ Sɛ́.

Lúkɑ́shi 7:38

ŋ́kúu ndɑ́, ńtʉ́ʉ nzʉʉ Yɛ́su, nɛjɔ́ŋ mɛku mɛ́, ńzɛ nɛkíi, ŋ́kíi kíinɛ tɛ ŋki-mík mɛ́ cẅɛt ńcʉ̈ɔ́tɛ nǔu mɛku-Yɛ́su. Pɛ́ pɔ́ ńjʉ́ɔ mɑŋɡɛ́ ɛ̂wɑ́ pɔ́ ńdɔk, ńtɑ́ɑ ɛ́sɛntɛ, ńdɔk lɑmɛ́ndɑɑ yîyɑ́ ńzɔ́Ꞌ.

Mɑ́lɛ́kúshi 6:56

A pɔ́ ńdɛɛ mbɑ ɡɔ́ lɑ́, kɛ pɔ tʉ́sɔŋ ɔɔ, kɛ pɔ tsɛt mɛnjɛ́Ꞌ ɔɔ, pɛ́ pɔ́ ńtíi pɛŋɡɔɔ ńdɔk ńtɔ́, ńnɔŋ zʉꞋ yi ɑ ɡʉ ńdɛɛ zúꞋu, ḿbuꞋ mbɔ́ mbɔ̌ wɛ́ ŋɡɔ ɑ pɛ́m pɔ́p ɡẅɛɛ pɔ ndɑꞋ nɛcɔ́ŋ-ndẅí nɛ́. Pʉɔ pi pɔ́p kuunɛ nɛcɔ́ŋ-ndẅí ɛ̂nɑ́, fíitɛ tsʉʉ.

Mɑtʉ̈ɔ 20:34

Yɛ́su tsɑ́ɑ mɛjʉ́ŋ mɔ́p, ńzɑ́p mbɔ́ mɛ́ nǔu mík mɔ́p, ɛ́ ɡɔ́ɔ ńzɛ nɛjʉ́ɔ zʉꞋ, pɔ́p cʉ́ɔ nzʉʉ yɛ́.

Mɑtʉ̈ɔ 8:3

Yɛ́su zúꞋ, ńcɑklɛ pɔ́ ŋ́ɡẅɛɛ wɛ́, ńcú mbɔ̌ wɛ́ ŋɡɔ: «Ŋ kɔŋ pɔ́Ꞌɔ, fíitɛ.» ŊkɑꞋ ɡɔ́ɔ ḿmɛ nǔu wɛ́, ɑ ɡɔ́ɔ ɛ́fíitɛ.

ŊwɑꞋnɛ-Gɑŋntúu Yɛ́su Kɛlístɔ 5:15

Pɛ́ kɑ ɡʉɔꞋlɛ nu yɔ́p ɡʉɔꞋlɛnɛ tɛ pɛ́ lɔk mɛkúu pɔ́p pɛmɑ́tɑ ńtíi pɛŋɡɔɔ ńnɔŋ wɔ́p ŋkɑŋ-sɛ̂ndúŋ nɛpɔ́ yi Pyɛ̂ ɡʉ ŋ́ɡɔ ńdɛɛ, mɔ́jíjʉŋ wɛ tɛ́mɛ nǔu wɛcɔ́.

Mɑtʉ̈ɔ 9:20

Pɔ́p pɔ́ ŋ́ɡʉ, wɛcɔ́ mɑŋɡɛ́ pɔ́ tsɛtsɛt lɑ́Ꞌ, ŋ́ɡẅɛɛ ɡɔɔ-mɑ́sɔ́ɔ, mbɔ ɛ́ ɡɑ́nɛ wɛ́ ɡɑ́nɛnɛ ŋɡuꞋ ntsɔ̌ppɑ́ nɛ́ nɛɡɛ́m. A nɑꞋtɛ, ɛ́fú nzʉʉ, ńtɔ́ ŋ́ɡẅɛɛ nɛcɔ́ŋ-ndẅí-Yɛ́su,

Lúkɑ́shi 8:43

Wɛcɔ́ mɑŋɡɛ́ pɔ́ yɛ́ tsɛtsɛt, ŋ́ɡẅɛɛ ɡɔ́ɔ mɑ́sɔ́ɔ, mbɔ ɛ́ ɡɑ́ɑnɛ wɛ́ ɡɑ́ɑnɛnɛ ŋɡuꞋ ntsɔ̌ppɑ́ nɛ́ nɛɡɛ́m, ŋ́kɛ́ ḿbɔɔ zɑ́Ꞌnɛ, mbɔ pɑɡɛ mɛfu kɑ zɔŋ mɔ́ yɔ́p kɛ́kɑ́ŋ tɛ ŋ́kɑ́ɑ. A fɛn pɛ́ yúu tsʉʉ tsʉʉ pɔ nǔu, ŋ́kɛ́ ḿbɔɔ fíitɛ.

Lúkɑ́shi 8:45

Yɛ́su píkŋɛ ŋɡɔ: «Wɔ̌ kuunɛ wɑ́ɑ?» Mbɑ wɔ̌ lɑ́ pɔ́ ḿmuŋɛ muŋɛ́nɛ. Pyɛ̂ cú ŋɡɔ: «Ndɛ, pɛ́ sɛ́ ɛ́fyɛ́t wú ndɛn pɑ́Ꞌnɛ, ɔ píkŋɛ ŋɡɔ pɛ́ cú ŋɡɔ ɑ wɔ̌?»