Lúkɑ́shi 8:32 - Kɑɑ Fí

³² Ɛ́ ɡɔ ḿbɔ́, yɛcɔ́ kɑt-mɛnjínɑɑ pɔ́ zúꞋu, ḿbɔ́ ŋ́kɑ́t ŋ́kwɛ́t yúu ndǔ nɛŋkɔ́Ꞌ. Mɛzẅikŋɛ kɛpɔŋ ɛ̂mɑ́ púꞋ mbɔ́ mbɔ̌ Yɛ́su ŋɡɔ ɑ pɛ́m, pɔ́p ɡʉ ŋ́kúu tsɛt mɛnjínɑɑ. A pɛ́m.

Lúkɑ́shi 8:32 Referans Kwoze

Mɛnu ɛ́ ńdɑ́Ꞌ ńcẅɛt 20:7

MɛŋɡuꞋ ntsɑ́Ꞌ ɛ̂mɑ́ ɡʉ ŋ́ɡɛ ḿbɔ́ tɛ kuꞋ, pɛ́ ɡʉ tsɛt ndɑ́tsɑ́ŋ yi Sɑ́ttɑ tsɛtú lɑ́, ŋ́kíɛꞋtɛ mɛcɛ̂n nǔu wɛ́, ńnɑ́ wɛ́.

1 Jɑ̂ŋ 4:4

Pʉʉ mbɔ́ŋkʉ̈ɔ́ pɑ́ɑ, pʉʉ nǔu ɡúŋ yɛ́ Sɛ́. Pʉʉ kɑ kɛ́mɔ́ ńdʉɔ́Ꞌ tɛ ńdɛɛ pɑcẅiŋkʉʉ-Sɛ́ pɛ́ cɔtnu, mbíꞋŋɡɔ Zẅikŋɛ-Sɛ́ yi ɛ́ nǔu pʉʉ ɛ́ tɛn ńdɛɛ ŋɡɑŋmbuu-Kɛlístɔ ẅí ɑ ndǔmbí.

Jɑ̂ŋ 19:11

Yɛ́su tsɔ́Ꞌ mbɔ̌ wɛ́ ŋɡɔ: «Sɛ́ lɑɑ ḿbɛ́t kɛ́ ɡɑ́ mɛtʉʉ mbɔ̌ ɡu, ɔ pɔɔ kuꞋ nɛɡɛ yɛcɔ́ yúu nǔu mɔ pɔ́. Ɛ́ yúu mi ɛ́ kɑ ɡɛnɛ lɑ ŋu ẅí ɑ kɑ fɛnnɛ wɑ́ɑ mbɔ̌ ɡu, yɛ́ nu kɛpɔŋ lɛɛ yú.»

Mɑtʉ̈ɔ 7:6

Kɔɔ pʉʉ ɡɑ́ yúu mi ɛ́ yɛ́ Sɛ́, mbɔ̌ mvú mbɔ pɔ́p ḿbɛn ɛ́shɔtnɛ ńnɛ́mtɛ wʉ́ʉ. Kɔɔ pʉʉ mɑꞋ túkcí yʉ́ʉ mbi mɛnjínɑɑ. Mbɔ Pɔ́p ɡʉ ńnʉŋtɛ nɛ́ mɛku.

Lúkɑ́shi 8:31

Mɛzẅikŋɛ kɛpɔŋ ɛ̂mɑ́ púꞋ mbɔ́ mbɔ̌ Yɛ́su ŋɡɔ, kɔɔ ɑ ńtúu wɔ́p tsɛt ɡʉ́ɔ zʉꞋ-ŋɡʉ̈ɔ́Ꞌ.

Lúkɑ́shi 8:33

Pɔ́p ɡɔ́ɔ ŋ́kɛ́ ɛ́fú nǔu ŋu ɛ̂wɑ́ ńcẅɛt, ŋ́ɡʉ ŋ́kúu nǔu mɛnjínɑɑ. Pɔ́p kʉŋtɛ ńtɑ́kŋɛ, ńzɔt ŋ́kiimɛ ḿbʉ̈ɔtnɛ tsɛt kʉɔ nɛkʉŋ-ŋki, ńnɔ́ ŋki ḿpfútɛ.