Lúkɑ́shi 8:2 - Kɑɑ Fí

² Pɛcɔ́ mbɔ́ntɑ́Ꞌ-pɑŋɡɛ́ pɔ́ yɔ́p tsɛtsɛt, ḿbɔ́ pinɛ ɑ kɑ zɔŋnɛ mɛɡɔɔ nǔu pɔ́p, ŋ́ɡɛ pinɛ ɑ kɑ zuŋnɛ mɛzẅikŋɛ kɛpɔŋ mi ɛ́ ḿbɔ́nɛ nǔu pɔ́p ḿbɔ́ ḿbɑ́klɛ wɔ́p. Yɔ ḿbɔ́ Mɑlíyɑ ẅi ɑ fúnɛ Mɑkdɑlɑ mbɔ Yɛ́su kɑ zuŋ mɛzẅikŋɛ kɛpɔŋ sɑɑmbɑ́ nǔu wɛ́,

Lúkɑ́shi 8:2 Referans Kwoze

Mɑ́lɛ́kúshi 16:9

Yɛ́su kɑ zẅíimɛ nǔu nɛvú, mbɑꞋmbɑꞋɑ́ nduŋmbi lɛ́Ꞌ nǔu ŋɡɑplɑ́Ꞌ, ḿbiitɛ ńnyɛt mbʉʉ yɛ mbɔ̌ Mɑlíyɑ-Mɑkdɑlɑ wɑ́ ẅi mɛzẅikŋɛ kɛpɔŋ sɑɑmbɑ́ kɑ ɡẅɛɛnɛ wɛ́ ḿbɔ́ ḿbúunɛ wɛ́ lɑ́; Yɛ́su cẅɛ́ɛ wɛ́ mbɔ̌ pɔ́p lɑ́.

Jɑ̂ŋ 19:25

Mɑ́ pɛ́ Yɛ́su pɔ́p mɔ́ɔmɑ́ wɛ wɛ mɑŋɡɛ́, ŋ́ɡɛ Mɑlíyɑ nzwɛ́-Kɛlɔ́pɑs, mbɑ Mɑlíyɑ-Mɑkdɑlɑ kɑ tʉ́ʉ mbʉʉ tʉ́ mbɑ́ŋtɛ pɑ́ŋtɛ́nɛ-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 1:14

Pɔ́p pɛ́tsʉʉ kɑ pɔ́ ńdɔk tɑ́Ꞌ zẅikŋɛ ńcɛꞋlɛ Sɛ́ kɛ́ tẅí yɛcɔ́ lɛ́Ꞌ, pɔ́p pɛ́ Mɑlíyɑ mɑ́ pɛ́ Yɛ́su, ŋ́ɡɛ pɛcɔ́ pɑŋɡɛ́ mbɑ pɔ́ɔpɛ́mɑ́-Yɛ́su.

Lúkɑ́shi 23:55

Pɑŋɡɛ́ pinɛ pɔ́p Yɛ́su ḿbɔ́nɛ ńnɛn tɛ ɛ́fú Ŋɡɑlilɛɛ, kɑ cʉ́ɔ nzʉʉ Yɔsɛ̂p tɛ ŋ́kúu nɛshi, ńjʉ́ɔ pɑꞋ ɑ nɔŋnɛ pfú-Yɛ́su pɔ́Ꞌɔ,

Lúkɑ́shi 23:49

Ŋɡɔŋ pɛsúu-Yɛ́su, tɛ mbɑ pɑŋɡɛ́ pinɛ pɔ́p kɑ fúnɛ Ŋɡɑlilɛɛ cʉ́ɔ nzʉʉ yɛ, kɑ tʉ́ʉ pɔ tɛ nzʉʉ lɑ ńjʉ́ɔ mɔ mɛnu.

Lúkɑ́shi 23:27

Lɑ́Ꞌ ḿbɔ́ nzʉʉ tɛ ńzɑ́ɑ, pɑŋɡɛ́ pɔ́ tsɛtsɛt pɔ́p ŋ́kíi ńtʉŋ ŋɡʉ̈ɔ́Ꞌ-Yɛ́su.

Lúkɑ́shi 8:30

Yɛ́su píkŋɛ ŋu ɛ̂wɑ́ ŋɡɔ: «Lík yú wɔ̌?» A cú ŋɡɔ: «Pʉɔ tɛ ńzɑ́ɑ.» A ḿbɔ́ ńcú pɔ́Ꞌɔ, mbíꞋŋɡɔ mɛzẅikŋɛ kɛpɔŋ ɛ̂mɑ́ ḿbɔ́ nǔu wɛ́ tɛ ńzɑ́ɑ zɑ́ɑnɛ.

Mɑ́lɛ́kúshi 16:1

Lɛ́Ꞌ-nji-pɑyúdɑ ɛ̂yɑ́ ɡɛ ńdɛɛ, Mɑlíyɑ-Mɑkdɑlɑ pɔ́p Sɑlɔmɛ́ɛ, ŋ́ɡɛ Mɑlíyɑ mɑ́ pɛ́ Jɑ̂k, ɡʉ ńzúu lɑmɛ́ndɑɑ nɛlɔk ńzɔ́Ꞌ pfú-Yɛ́su.

Mɑtʉ̈ɔ 4:24

Ɛ́ pɔ́ pɔ́Ꞌɔ, pɛ́ lɔk lík yɛ́ ɛ́sɑt ŋɡɔŋ-Silii tsʉʉ. Pɛ́ pɔ́ ńdɔk pʉɔ tsʉʉ pinɛ mɛɡɔɔ ntɛ́ nɛ́ ntɛ́ m̄bɔ́nɛ nǔu pɔ́p, pʉɔ pinɛ mɛzẅikŋɛ kɛpɔŋ kɑ pɔ́ ḿbúunɛ wɔ́p, mbɑ pɑvu tú, pɔ́p ɡɑŋkẅíꞋlɛ ńtɔ́, Yɛ́su ɡɛ pɔ́p fíitɛ.