Lúkɑ́shi 6:2 - Kɑɑ Fí

² Pɛcɔ́ pʉɔ nǔu nɔɔ-Pɑfɑlísɑy píkŋɛ wɔ́p ŋɡɔ: «MbíꞋ ku pʉʉ ɡɛ yúu mi pɛ́ kɑ pʉ́ʉ nɛɡɛ lɛ́Ꞌnji?»

Lúkɑ́shi 6:2 Referans Kwoze

Mɑtʉ̈ɔ 12:2

Pɛcɔ́ pʉɔ nǔu pɑfɑlísɑy jʉ́ɔ pɔ́Ꞌɔ, ńcú nɛ́ Yɛ́su ŋɡɔ: «Líŋɛ lɑ ńjʉ́ɔ pɑ́Ꞌ ɡɑŋku pú ɡɛnɛ yúu mi nɛpʉ́ʉ kɑ́ pɔ́ ḿbíkŋɛ ŋɡɔ pɛ́ ɡɛ lɛ́Ꞌnji-Pɑyúdɑ pɔ́.»

Jɑ̂ŋ 5:16

Pɔ́p zúꞋ pɔ́Ꞌɔ, ńzɛ nɛpɑɑ Yɛ́su, mbíꞋŋɡɔ ɑ lɑ́Ꞌ ŋ́ɡɛ yɔ nu, lɛ́Ꞌnji yɔ́p.

Mɑ́lɛ́kúshi 2:24

Pɛcɔ́ pɑfɑlísɑy jʉ́ɔ, ńcú mbɔ̌ wɛ́ ŋɡɔ: «Líŋɛ yú lɑ́ ńjʉ́ɔ! Gɑŋku pú ɡɛ yúu mi nɛpʉ́ʉ nɛkŋɛ tɔꞋ nɛɡɛ nǔu lɛ́Ꞌnji mɛlɑ́Ꞌ kʉ̈ɔ́?»

Lúkɑ́shi 5:33

Pɑfɑlísɑy pɛn ńcú mbɔ̌ Yɛ́su ŋɡɔ: «Gɑŋku-Jɑ̂ŋ lɔ ńnɑ́ŋ nji, ḿbɛn ḿbúꞋ mbɔ́ mbɔ̌ Sɛ́. Pɛk pʉɔ pɛn ŋ́ɡɛ pɔ pɔ́Ꞌɔ. Lɑ́, pú pʉɔ kɛ́ ḿbɔɔ pɔ́Ꞌɔ ɡɛ. Pɔ́p kwɛ́t ḿbɛn ńnɔ́ ŋɡɔŋ ŋkɑ́ tsʉʉ.»

Mɑtʉ̈ɔ 15:2

«Mɛlɑ́Ꞌ kʉ̈ɔ́ ɡɑŋku pú kɑ́ nɛn nǔu nɔŋ-pʉɔ-ŋkɑ́mbi pɔ́ ɔɔ? Pɔ́p ɡɛ pɑ́Ꞌɑ ŋ́kwɛ́t yúu kɛ́ suk mbɔ́ mɔ́p nǔu ntɛ́ yi mɑt-lɑ́Ꞌ wɛkŋɛ sɛ́ ḿbíkŋɛ pɔ́ ɔɔ?»