Lúkɑ́shi 5:1 - Kɑɑ Fí

¹ Yɛ́su pɔ́ yɛcɔ́ lɛ́Ꞌ, ńtʉ́ʉ mbʉʉ nɛtʉŋ-ŋki pɛ́ fúŋnɛ Jɛnɛzɑlɛ̂t. Nɔɔ-lɑ́Ꞌ tɛ ńzɑ́ɑ tɔ́ nɛjɔ́ŋ yɛ nɛzúꞋ nu-Sɛ́, ńzɑ́ɑ zɑ́ɑnɛ tɛ pɛ́ tsʉꞋ ɛ́fyɛ́t wɛ́ fyɛ́tnɛ.

Lúkɑ́shi 5:1 Referans Kwoze

Mɑ́lɛ́kúshi 3:9

Yɛ́su jʉ́ɔ pɔ́Ꞌɔ, ńcú mbɔ̌ ɡɑŋku pɛ́ ŋɡɔ, pɔ́p niitɛ mɔ́ɔmɔ kɑnúꞋ, ɑ kúu tsɛtú, ḿbɔ́k lɑ́Ꞌ nɛfyɛ́t wɛ́.

Mɑtʉ̈ɔ 14:34

Pɔ́p túu ŋki tɛ ŋ́kúu nǔu njʉ́n yɛ Jɛnɛzɑlɛ̂t,

Mɑ́lɛ́kúshi 6:53

Pɔ́p túu ŋki, tɛ ŋ́kúu nǔu njʉ́n yɛ Jɛnɛzɑlɛ̂t, ńcʉŋɛ kɑnúꞋ, ɛ́fú tsɛtú ńcẅɛt,

Mɑtʉ̈ɔ 11:12

Ɛ́ lɔk ḿbɔ́ ŋɡɔ tɛ ɛ́fú nǔu ŋkɑ́-Jɑ̂ŋ Mbɑptíshi, ŋ́kúu ŋkɔ̂ɔnɛ, pɛ́ sɛ́ ńzuŋ ŋ́kúu nǔu nu nɛfɔɔ-Sɛ́.

Lúkɑ́shi 12:1

Yɛ́su pɔ́ sẅiŋɛ pɔ́Ꞌɔ, lɑ́Ꞌ pɔ́ ŋ́kẅiꞋ ŋ́kɔ́Ꞌ ńtɔ́ nɛjɔ́ŋ wɛ́, zʉꞋ fyɛ́tnɛ fyɛ́tnɛ́nɛ tɛ pɛ́ pɔ́ ńnʉŋtɛ mɛku pʉɔ. A ɡɔ́ cú nu mbɔ̌ lɑ́Ꞌ, ḿbiitɛ ńcú mbɔ̌ ɡɑŋku pɛ́ ŋɡɔ: «Pʉʉ lɑk tú yʉ́ʉ, ḿbɑ́ɑ fɛntɛ pʉɔ-Fɑlísɑy, kɔɔ pʉʉ tsʉ́Ꞌ ɡɑŋmɛfʉ́klɛ pɑ́Ꞌ pɔ́p.

Mɑ́lɛ́kúshi 5:24

Yɛ́su pɛ́m, pɔ́pmɛ́ cʉ́ɔ sɛ̂ndúŋ ḿbɔ́ ŋ́ɡʉ, lɑ́Ꞌ pɔ́ sɛ̂ndúŋ tɛꞋ, ḿbɔ́ ɛ́fyɛ́t Yɛ́su.

Lúkɑ́shi 8:45

Yɛ́su píkŋɛ ŋɡɔ: «Wɔ̌ kuunɛ wɑ́ɑ?» Mbɑ wɔ̌ lɑ́ pɔ́ ḿmuŋɛ muŋɛ́nɛ. Pyɛ̂ cú ŋɡɔ: «Ndɛ, pɛ́ sɛ́ ɛ́fyɛ́t wú ndɛn pɑ́Ꞌnɛ, ɔ píkŋɛ ŋɡɔ pɛ́ cú ŋɡɔ ɑ wɔ̌?»

Mɑ́lɛ́kúshi 4:1

Yɛ́su kɑ pɛn ńzɛ nɛzíꞋ pʉɔ nɛ́ nu-Sɛ́ mbʉʉ-ŋki-Ŋɡɑlilɛɛ, nɔɔ-lɑ́Ꞌ tɔ́ nɛjɔ́ŋ yɛ́ tɛ ńzɑ́ɑ tɛꞋ, pɔ́Ꞌɔ lɑ́, ɑ kúu tsɛt kɑnúꞋ yi ɛ́ tsɛt ŋki, ńnɑ́ŋ. LɑꞋ tʉ́ʉ mbʉʉ-ŋki.

Lúkɑ́shi 5:2

Yɛ́su mɑꞋ mík, ńjʉ́ɔ pɛlɑ̌nji pɛ́pɑ́ mbʉʉ-ŋki, mbɔ pɑmɑꞋshú fú tsɛtú ńcẅɛt, ḿbɔ́ ŋki ɛ́suk mɛŋkʉ lɔk ḿmɑꞋ shú mɔ́p.

Lúkɑ́shi 8:22

Yɛ́su pɔ́p ɡɑŋku pɛ́ lɑ́Ꞌ yɛcɔ́ lɛ́Ꞌ ŋ́kúu tsɛt kɑnúꞋ, ɑ cú mbɔ̌ pɔ́p ŋɡɔ: «Pɛkŋɛ ɡʉ tɛ ŋ́kúu nǔu yɛcɔ́ njʉ́n.» Pɔ́p pɛpɔ́p ɡʉ.

Lúkɑ́shi 8:23

Pɔ́p pɔ́ ŋ́ɡʉ, Yɛ́su pɔ́ ńdɛ́. Pɛ́ ɡɔ ńjʉ́ɔ yɛcɔ́ mɑ́mɑ́ fɛ́m tɔ́, ńzɛ nɛpʉꞋ ŋki, ɛ́ pɔ́ ŋ́kɔ́Ꞌ ŋ́kúu tsɛt kɑnúꞋ tɛ ɛ́ tsʉꞋ mɔ́zʉꞋ ɛ́ lúu. Pɔ́p pɔ́k nɛɡʉ ŋki,

Lúkɑ́shi 8:33

Pɔ́p ɡɔ́ɔ ŋ́kɛ́ ɛ́fú nǔu ŋu ɛ̂wɑ́ ńcẅɛt, ŋ́ɡʉ ŋ́kúu nǔu mɛnjínɑɑ. Pɔ́p kʉŋtɛ ńtɑ́kŋɛ, ńzɔt ŋ́kiimɛ ḿbʉ̈ɔtnɛ tsɛt kʉɔ nɛkʉŋ-ŋki, ńnɔ́ ŋki ḿpfútɛ.

Jɑ̂ŋ 1:40

Ɛ́ kɑ ɡʉ nǔu pʉɔ pɛ́pɑ́ pínɛ pɔ́p kɑ zúꞋnɛ sẅiŋɛ-Jɑ̂ŋ, ńcʉ́ɔ nzʉʉ Yɛ́su lɑ́, lík wɛcɔ́ tɑ́Ꞌ ŋu kɑ pɔ́ ŋɡɔ Ndɛlɛ́yɑ, ɑ pɔ́ mɔ́ɔmɑ́-Símɔŋ Pyɛ̂.

Jɑ̂ŋ 6:1

Mɔ mɛnu lɛɛ, Yɛ́su túu yɛcɔ́ mɑ́mɑ́ pɔ̂lfúꞋ-ŋki ni ɛ́ Ŋɡɑlilɛɛ, pɛ́ pɛn ɛ́fúŋ ŋɡɔ mɑ́mɑ́-pɔ̂lfúꞋ-Tibɛ́liyɑ́dɛ ŋ́ɡʉ nɛ́ yɛcɔ́ njʉ́n.

Ɛ́bɛlʉʉ 13:7

Pʉʉ kẅíitɛ pʉɔ pi pɔ́p kɑ piitɛ ńtsɑ wʉ́ʉ nǔu sɛ̂ndúŋ-Sɛ́, pʉɔ pi pɔ́p kɑ sẅíinɛ wʉ́ʉ nɛ́ nu-Sɛ́, ŋ́kẅíitɛ ntɛ́ yi pɔ́p kɑ lɔknɛ ńnɑ́ŋ tɛ ńdɑ́Ꞌ ḿpfú, pʉʉ pɛ́ɛ fʉꞋ nǔu yɔp ntɛ́ nɛzɑ́p tʉ́m nǔu Sɛ́.