Lúkɑ́shi 3:7 - Kɑɑ Fí

⁷ Jɑ̂ŋ cú pɔ́Ꞌɔ, pʉɔ tɛ ńzɑ́ɑ pɔ́ ńtɔ́ pɑ́Ꞌ ɑ ńnuꞋ wɔ́p ŋki. A pɔ́ ńcú mbɔ̌ pɔ́p ŋɡɔ: «Njẅɛt-mɛnɔ́, pɑtɑ́ɑ mɛzúŋ! Wɔ̌ sẅíinɛ wʉ́ʉ nɛkʉɔ ŋɡʉ̈ɔ́Ꞌ yi pʉʉ lɔ́ɔnɛ tɛ ɛ́ pɔ́ ŋ́ɡʉ ŋ́kúu nǔu pʉʉ?

Lúkɑ́shi 3:7 Referans Kwoze

Mɑtʉ̈ɔ 23:33

Pʉʉ njẅɛt-mɛnɔ́, ḿbɔ́ pɛmɑ́sɛ́m-nɔ́, ḿbɔ́ pʉʉ ɡɛ pɑ́Ꞌɑ ńdɑ́Ꞌ ńnɑ́ kɛ́ kúu tsɛt múk?

1 Tɛsɑlɔník 1:10

Pɔ́Ꞌɔ, ńtsʉ́Ꞌ ńzẅíꞋlɛ pɔ ŋɡɔ Mɔ́ɔ nɛ fú tʉ́nɛ́pú ńtɔ́, Mɔ́ɔ nɛ ɛ̂wɑ́ Yɛ́su, mbɔ Sɛ́ kɑ zẅíimɛ wɛ́ nǔu nɛvú. Jʉ́ sɛ́ nɛ mbɑ́ɑ wɛkŋɛ nǔu zɑ́ŋlɔ́ŋ-Sɛ́ yi ɛ́ sɛ́ ńtɔ́.

Mɑtʉ̈ɔ 12:34

Njẅɛt-mɛnɔ́, mbɔ pʉʉ pɔ́ pʉɔ kɛpɔŋ pɑ́Ꞌɑ, ńcú nu sʉ́Ꞌnɛ ŋɡɔ́ku? Ŋu cú pɔ nu yí ɛ́ tsɛt tʉ́m yɛ́.

1 Jɑ̂ŋ 3:8

Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.

Ɛ́bɛlʉʉ 6:18

Pɔ́Ꞌɔ lɑ́, yúu ɡú yɛ́pɑ́ yi ḿbɔ́ ɛ́ pɔɔ kúpmɛ, pɑ́Ꞌ Sɛ́ kɑ kɑꞋnɛ nu mbɑ pɑ́Ꞌ ɑ kɑ kɑ́ɑnɛ, ɛ́ pɔ́ mɛnu mi ɛ́ tɛnnɛ tɛ Sɛ́ cú pɛ́ lɔɔ kɛ́kɑ́ŋ. Ẅîwɑ́ nɛpɔ́ níꞋ mɛtʉʉ mɛ́k tɛꞋ, pɛk pi pɛk kɑ nɑ́nɛ mbɑ kʉ̈ɔ́ lɑ́, kwɑŋɛ wɛ́k tsʉ́Ꞌ ńtʉ́ʉ pɔ nǔu yúu mi pɛk zẅíꞋlɛ́nɛ mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 13:10

ńcú mbɔ̌ wɛ́ ŋɡɔ: «Mɔ́ɔ-Sɑ́ttɑ, ɔ ŋɡɑŋ cɔtnu. Ɔ jí pɔ nɛfʉ́klɛ pʉɔ. Ɔ ŋɡɑŋmbuu-nu sʉ́Ꞌnɛ tsʉʉ, mbɑ kʉ̈ɔ́ lɑ́ yi Tsɑpʉɔ Sɛ́ ɡɛnɛ ɛ́ tʉ́ʉ ndʉ́ŋndʉŋ, ɔ ɡɔ́ɔ ŋ́kɛ́ ńtɑ́ɑ, ŋ́ŋɔ́Ꞌtɛ. Tɛ ɔ kɑ nɑ́ wɑ́ ndɛn pɑ́Ꞌɑ pɔ́ ɔɔ?

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Mɑtʉ̈ɔ 3:6

ńtʉ́ʉ mbi pʉɔtsʉʉ, ḿbɛ́m mɛnu kɛpɔŋ mɔ́p, ɑ nuꞋ wɔ́p tsɛt ŋki-Juudɛŋ.