Lúkɑ́shi 2:40 - Kɑɑ Fí

⁴⁰ Mɔ́ɔ pɔ́ ŋ́ɡúꞋ, jínu yɛ́ pɔ́ ŋ́kẅiꞋ tɛꞋ, ɑ pɛn ḿbɔ́ ńjí yúu mi Sɛ́ sɛ́ ŋ́kɔŋ ŋɡɔ pʉɔmɛsɔŋ ɡɛ, Sɛ́ pɛn ḿbɔ́ nɛ́ jʉ́.

Lúkɑ́shi 2:40 Referans Kwoze

Lúkɑ́shi 2:52

Yɛ́su pɔ́ ŋ́ɡúꞋ, jínu yɛ́ pɔ́ ŋ́kẅiꞋ, Sɛ́ pɔ́ nɛ́ jʉ́. Pʉɔmɛ́sɔŋ pɔ́ ŋ́kɔŋ wɛ́.

Lúkɑ́shi 1:80

Ŋ́ɡʉ nǔu Mɔ́ɔ-Sɑkɑlíyɑ, ɑ pɔ́tnɛ ŋ́ɡúꞋ nǔu mbɑp-mbʉʉ mbɑ nɛ́ jínu yɛ́. Pɔ́Ꞌɔ, ŋ́ɡɛ ŋ́ɡʉ ńnɑ́ŋ kɔ̂ŋtɛt, ńdɑ́Ꞌ ńtswɛ́ pɔ zúꞋu tɛ ŋ́kúu lɛ́Ꞌ yinɛ ɑ kɑ nyɛtnɛ shʉ́ wɛ́ mbɔ̌ pʉɔ-Íslɑyɛ̂l.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Lúkɑ́shi 2:47

Pʉɔ pi pɔ́p kɑ pɔ́ ńzúꞋ sẅíiŋɛ yɛ́ ḿbɔ́ ŋ́ɡʉ̈ɔꞋtɛ jínu yɛ́ mbɑ yɛ ntɛ́ nɛtsɔ́Ꞌ nu.

2 Timɔtɛ́ɛ 2:1

Ŋ́kɛ́ ŋ́ɡʉ nǔu ɡu mɔ́ɔ wɑɑ, nɑ́ Yɛ́su Kɛlístɔ ɡɑ́ mɛtʉʉ mbɔ̌ ɡu ńdɛɛ nǔu pɑ́Ꞌ ɑ ɡẅɛɛnɛ pɔŋtʉ́m.

Ɛ́fɛ̂zɛ 6:10

Ndẅiknzʉʉ nu yi mɔ ɛ́sẅíi wʉ́ʉ, ɛ́ pɔ́ pɔ ŋɡɔ: Pɑ́Ꞌ pʉʉ lɑtnɛ mbʉʉ nǔu Tsɑpʉɔ lɑ́, pʉʉ cẅɛ́ɛ mɛtʉʉ mbɔ̌ wɛ́. A ŋɡɑŋ mɛtʉʉ tsʉʉ. Pʉʉ cẅɛ́ɛ mɛtʉʉ mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 4:33

Sɛ́ ɡɑ́ mɑ́mɑ́ mɛtʉʉ mbɔ̌ ɡɑŋntúu-Yɛ́su ŋɡɔ pɔ́p lɔk ŋ́kẅiꞋ ɛ́sɑ́Ꞌ nǔu ntɛ́ yi pʉɔ ɡʉ ńzúꞋ ńjí ŋɡɔ Sɛ́ kɑ zẅíimɛnɛ Tsɑpʉɔ Yɛ́su nǔu nɛvú. Sɛ́ sɛ́ ńníꞋ mbɔ́tnɛ nǔu pɑpɛ́m Yɛ́su pɛtsʉʉ pɑ́ꞋtɛꞋ.