Lúkɑ́shi 19:15 - Kɑɑ Fí

¹⁵ Lɑ́ ɑ ɡʉ tɛ ŋ́kúu zúꞋu, pɛ́ kɛ ńdɔk wɛ́ ŋ́ɡɛ pɔ fɔɔ, ɑ pɛn nzʉʉ ŋkɔ̂ɔnɛ, ɛ́fúŋ ɡɑŋfɑꞋ pɛ́ pinɛ ɑ kɑ ɡɑ́nɛ ntʉ̈ɔt-mɛtɑ́ɑ mbɔ̌ pɔ́p lɑ́, nɛpɔ́ yi pɔ́p ɡʉ ɛ́sẅíi wɛ́ pɑꞋ pɔ́p kɑ tsʉ́Ꞌnɛ nzʉʉ ńtɑ́ŋ tɛ ɛ́ pɔ́ pɔ́Ꞌɔ.

Lúkɑ́shi 19:15 Referans Kwoze

Lúkɑ́shi 12:48

Lɑ́ ŋ́kɛ́ ḿbɔ́ yi ŋɡɑŋfɑꞋ lɑɑ ḿbɔɔ ńjí yúu mi tɑ̌ɑfɑꞋ wɛ sɛ́ ŋ́kɔŋ ŋɡɔ ɑ ɡɛ pɔ́, ḿbɛn ŋ́ɡɛ yúu mi ḿbɔ́ pɛ́ fú nǔu ńtswɑ́ɑ wɛ́ tɛꞋ, mbɔ pɛ́ kɛ́ ɡɛ ńtswɑ́ɑ wɛ́ tɛꞋ pɔ́. Pɛ́ lɑɑ ŋ́ɡɑ́ yúu mbɔ̌ ŋu ɛ́ zɑ́ɑ, mbɔ pɛ́ ɡɛ ńtɑ́ɑ ḿbɛn ńcẅɛ́ɛ ɛ́ zɑ́ɑ, pɛ́ pɛn ńníꞋ yúu mbɔ̌ ŋu tɛ ɛ́ zɑ́ɑ, mbɔ ɛ́ ndɛn pɛ́ ɡɛ ńdɑ́Ꞌ ḿbɛn ḿbíkŋɛ.

Mɑtʉ̈ɔ 25:19

Ntí nɑꞋ ɛ́sɑk, tɑ́t pɛ́ ɡɑŋfɑꞋ pɔnɛ pɛ́tɑ́t pɛn nzʉʉ, ɛ́fúŋ wɔ́p ḿbíkŋɛ pɑ́Ꞌ pɔ́p kɑ tsʉ́Ꞌnɛ ŋ́ɡɛ nǔu ŋkɑ́p pɔ́Ꞌɔ.

Lúkɑ́shi 19:14

Ŋ́ɡɔ́ɔ ŋ́kɛ́ ŋ́ɡʉ. Lɑ́, pɑlɑ́Ꞌ ɛ̂pɑ́, lɔk pɑꞋ pɔ́p kɑ pɔ́ ḿbɑɑ wɛ́ pɑɑnɛ, ńtúu pʉɔ zʉꞋ yi ɑ ɡʉnɛ́ nɛ́ zúꞋu, ŋɡɔ pɔ́p ɡʉ ńcú ŋɡɔ: «Pɛk kɑ́ pɔ́ ŋ́kɔŋ ŋɡɔ ŋu wɑ́lɑ́ sɑ́Ꞌ wɛk pɔ́.»

Lúkɑ́shi 19:16

Nduŋmbi tɔ́, ńtʉ́ʉ mbi yɛ́ ńcú ŋɡɔ: «Zɑɑ mɔ́ɔ, n tɑ́ŋ ŋkɑ́p yi ɔ kɑ ɡɑ́nɛ mbɔ̌ mɔ lɑ́, tɛ ńjʉ́ pɑk nɛɡɛ́m.»